هنفضل ساكتين لحد امتي؟؟!!
طبعا كلنا عرفنا ان نص الامتحان بتاعنا(دفعة 27) بقا مقالي
القرار كويس لأنه هيقلل الغش جدا وبالتالي التنسيق هينزل غالبا
لكن اللي بجد ظلم ان مدة الامتحانات تفضل 3 ساعات,, اكيد كلنا شوفنا اللي حصل ف امتحان الكيميا بتاع دفعة 26 وان في طلبة شاطرين كتير طالعين يعيطوا مش بسبب ان الامتحان صعب ولكن بسبب ضيق الوقت,, تخيل معايا ان امتحان الفيزيا او الكيميا يجي صعب موت ومدته 3 ساعات احنا بجد ازاي هنعرف نتعامل مع امتحان صعب مليان اسأله مقالي محتاجه كتابة والكتابة بتاخد وقت طبعا ومليان اسأله اختياري ولسا كمان هنظلل البابل شيت الاختياري,, لو خلصنا حل الامتحان كله اكيد مش هنلاقي وقت نراجع اصلا.
احنا مش بنعترض علي الامتحانات الصعبة ولا بنعترض علي اسئلة المقالي احنا بنعترض علي مدة الامتحان,, يجيبوا الامتحانات صعبة مش مشكلة لكن عايزين وقت كافي نحل ونراجع فيه.
لو فضلنا ساكتين هنتفشخ حرفيا وهيحصل فينا اسود من اللي حصل ف دفعة 26 ف الكيميا
احنا هنا في الصب دا 25 الف طالب المفروض نعمل حملة علي كل منصات السوشيال ميديا نطالب فيها بزيادة مدة امتحانات الثانويةالعامة ونعمل هاشتاجات وننشر في كل الجروبات علي الفيس واليوتيوب و اكس والتيك توك وانستجرام وريديت و غيره احنا مليون طالب في ثانوية عامة لو نصنا بس شارك في الحملة دي اكيد صفحات الاخبار هتنشر والمدرسين والموضوع هيطلع ترند ويوصل للوزارة وهيبدأوا يفكروا فيه.
لو قررت تنضم للحملة اعمل بوست دلوقت حالا علي الصب دا عشان نجمع اكبر عدد من الطلاب ونبدأ ننتشر في كل مواقع السوشيال ميديا.