الدكتور حرقتني
هاي
في مركز كنت بتعامل معاها لمدة سنه مع دكتور معينه فيها وكنت برتاح معاها جدا جدا جدا وهي شاطره جدا
المهم انا من اسبوعين كنت عايزه اعمل حاجه لبشرتي عشان عندنا مناسبه بعد شهر فعايزه اخد جلو زياده يعني المهم ماعلينا مواعيد الدكتور بتاعتي ( ميار مثلا ) ماكانتش مناسبه معايا فالبنت في الاستقبال زنت عليا واقنعتني بدكتور تانيه كبيره وقالتلي دي استشاري وخبره اكبر وكده المهم قلت اوكي الدكتور دي بجد كشفها كان بشع وقت قليل جدا وكروتتني
قالتلي هنعمل تقشير بارد قلت اوكي
وشي كنت حاسه انه بيولع وهي بتشتغل وبجد كروتتني جدا كانت بتحط كميه قليله جدا جدا جدا من كل المنتجات وانا عارفه ان مش ده الطبيعي لاني عملته مره قبل كده من زمان بس كان نفس الماده
المهم قلت هي ادرى يعني
وماعرفش ليه رغم ان الكميات قليله بس وشي كان بيحرقني جدا
وشي لحد دلوقت بيحرقني بشكل مش طبيعي والجلد اللي اتقشر طلع تحته بقع بني تضبغات يعني اتحرقت زي ماتوقعت
طبعا اتخانقت مع العياده جامد وشدينا سوا والدكتور كل اللي بتعمله انها بتكتبلي كورتيزون وعيزاني اعمل جلسات اكتر. طبعا انا فقدت الثقه في المكان خلاص
انا كنت بتعامل معاهم كتير لدرجه اني كنت حاطه فلوس ليا عندهم يعني زي محفظه خاصه ليا في المكان ده
كنت حاطه مبلغ ٦٠٠٠ ومن اسبوع بطلب منهم يحولوه وبيردو بعد الفين رنه ويقولو الحسابات بتتراجع وهنبلغ حضرتك
بجد اسلوبهم قرف وافتكرت جملة ان الفلوس ليها رجل تروح بس مالهاش رجل ترجع
المفروض اتعامل ازاي في الموقف ده
ولما بروح العياده بيقولو مش هنقدر نعمل حاجه غير لما المديره تيجي وبعدين يقولو اصلها مسافره هتيجي بعد شهرين
انا بجد متعصبه بشكل مش طبيعي خصوصا ان وشي كان بيرفكت بجد انا بس اللي قلت زياده الخير خيرين بس ياريتني ماقلت كده بجد