u/Entharo_entho

> കഴിഞ്ഞ രാത്രി അത്താഴത്തിന്റെ അവസാനം ചീഫ് ജസ്റ്റിസും, മി. ചന്ദ്രശേഖരനും മി. ഗോപാലമേനനും മറ്റും മദ്യം തലയ്ക്കു പിടിച്ചു ബോധമറ്റ നിലയിലായിരുന്നു എന്ന വസ്തുത, ഇന്നലെ തിരുമനസ്സുമായി നടന്ന സംഭാഷണത്തിന്റെ തുടർച്ചയായി, ഞാൻ അവിടുത്തെ ശ്രദ്ധയിൽ പെടുത്തുകയാണ്.

> ചീഫ് ജസ്റ്റിസിന്റെ സംഭാഷണം അത്യുച്ചത്തിലുള്ളതും അന്തസ്സിനു നിരക്കാത്തതുമായി. പലരും അതു ശ്രദ്ധിച്ചു. ഗവൺമെന്റ്റിനു വലിയ നാണക്കേടായി. കൊട്ടാരത്തിലെ ചായ സത്കാരത്തിനും അത്താഴത്തിനും ചീഫ് സെക്രട്ടറിയെ ക്ഷണിച്ചില്ലെങ്കിലും തന്നെ ക്ഷണിച്ചെന്ന് ഉറക്കെ പലരും കേൾക്കെയാണ് ചീഫ് ജസ്റ്റിസ് വിളിച്ചുകൂവിയത്. കൊട്ടാരത്തിൽ നടക്കുന്ന യാതൊരു പരിപാടിക്കും അദ്ദേഹത്തെ ക്ഷണിക്കരുതെന്ന് കൃഷ്ണമൂർത്തിയോടു ഞാൻ പറഞ്ഞിട്ടുണ്ട്. ഇനി മേലിൽ എന്റെ ഭാഗത്തുനിന്നും യാതൊരുവിധ സാമൂഹികമര്യാദയും അദ്ദേഹം പ്രതീക്ഷിക്കേണ്ടതില്ല. ശ്രീമതി അന്നാ ചാണ്ടിയെക്കുറിച്ചും ആക്ഷപാർഹമായ ചിലത് അദ്ദേഹം ഉറക്കെ പറയുന്നതു കേട്ടു.

> മി. ചന്ദ്രശേഖരനാണെങ്കിൽ, സംഭാഷണത്തിൽ പങ്കുചേരാൻ വിമുഖത കാണിച്ച മിസ്സിസ് വാട്സിനാട് നിർബന്ധപൂർവ്വം, അത്യുച്ചത്തിൽ തമാശകൾ പറഞ്ഞത്, അവിടുന്നു കേട്ടിരിക്കും (തിരുമനസ്സിന്റെ പിറകിലാണല്ലോ അദ്ദേഹം ഇരുന്നിരുന്നത്). നാലാളുകൂടുന്ന സദസ്സിലേക്കു ക്ഷണിക്കപ്പെടാൻ യോഗ്യനല്ല അദ്ദേഹം; വിശേഷിച്ചും മദ്യം വിളമ്പുന്നുണ്ടെങ്കിൽ.

> മി. ഗോപാലമേനോനെ സംബന്ധിച്ചിടത്തോളം എന്റെ അനുഭവത്തിൽ ഇത് ആദ്യത്തെ സംഭവമാണ്. വീര്യമേറിയ മദ്യം കഴിച്ചു ശീലമില്ലാത്തതുകൊണ്ടാണ് നിയന്ത്രണം വിട്ടതെന്നു തോന്നുന്നു.

> നമ്മുടെ ഉദ്യോഗസ്ഥന്മാരിൽ ബഹുഭൂരിപക്ഷത്തിനും മദ്യം അപകടകാരിയാണെന്നു കാണുന്നതിനാൽ വീര്യമുള്ള മദ്യം ഉപയോഗിച്ചു ശീലമുള്ള യൂറോപ്യന്മാർക്കൊഴികെ മറ്റാർക്കും മദ്യം വിളമ്പേണ്ടതില്ല എന്നൊരു നിയമമോ കീഴ് വഴക്കമോ ഏർപ്പെടുത്തുന്നതിനെക്കുറിച്ചു ഗൗരവപൂർവ്വം ചിന്തിക്കേണ്ടിയിരിക്കുന്നു.

> ഈ മൂന്ന് ഉദ്യോഗന്ഥന്മാർക്കും ഞാൻ ഔപചാരികമായി കത്തെഴുതകയാണോ അതോ നേരിട്ടു സംസാരിക്കുകയാണോ വേണ്ടതെന്നതിനെക്കുറിച്ച് തിരുമനസ്സിലെ നിർദ്ദേശം പ്രതീക്ഷിക്കുന്നു.

Perpetrators

Justice Abraham Varghese - Chief Justice , Travancore High Court

Prof. C. V Chandrasekharan - Pro V.C, Kerala University . He was later appointed the President of the Education Reform Committee in 1943.

Prof. A. Gopala Menon- Director of Public Instruction, Travancore.

Victims

Justice Anna Chandy - the first female judge in India.

I am not sure about Mrs. Watts.

Source: Triumph and Tragedy in Travancore: Annals of Sir CP's Sixteen Years by Prof. A. Sreedhara Menon