اليوم وانا امشي جتني لحضة استيعاب ان هذي حياتي
الارصفه المكسره الشجر الميت البيئه الصحراويه الهواء الحار الي يخنق العبايه و الحجاب نظرات الرجال المقرفه
اهل بعقليات متعبه طبقه تحت الوسطى مجتمع يحط لك شروط يا تطبقينها غصب ولا انتي بائعة هواء مالك قيمه
عمري ماراح اعرف وش يعني حريه او حياة طبيعيه ابغى الايام تمر وبس لأن مالها طعم احس اني قاعده اضيع العمر الي مفروض يكون افضل عمر بحياتي
ابوي نرجسي بالمعنى الحرفي دمر حياتي ودمر شخصيتي لدرجه معد صرت إنسان صرت جسد ميت اسوي الي ما يعصبه وبس صرت متوتره طول الوقت إذا سمعت صوت رجول اخاف ما احس بالأمان والسعاده والراحه إلا إذا هو برا البيت كيف أتعامل مع الموضوع وانا عايشه معاه؟وخصوصاً انه ما يخليني بحالي لازم يحارشني ويعلق وينتقد كل شي طريقة مشيي اكلي صوتي والله ما يمر يوم إلا وهو منتقد على الاقل عشر أشياء أسويها يومه كامل يراقبني وينتظرني بس اغلط او اسوي شي مو عاجبه وينفجر علي أنا كل أيامي تروح وانا افكر بالأشياء السيئه الي سواها فيني واقعد أتحسر وانقهر كيف حياتي تمحورت حوله هل يأثر علي سلبياً؟يعني اتخطى واحاول ما اتذكر ولا كيف؟وهل ارد عليه إذا هاوشني ولا اسكت؟اول كنت ازعل إذا رديت عليه وهاوشني وعاقبني وكذا لكن الحين معد يهمني وبالعكس احس بالراحه النفسيه كأني اخذ ثأر السنين الي راحت لكن بيصير يزعجني اكثر إذا صرت ارد