3 saal baad bhi uski yaad ne mujhe hila diya
Pata hai aaj kya hua…
I’m 22M and she’s 20F. 3 saal pehle humara breakup ho gaya tha. Us time move on karna mere liye bhot mushkil tha. Dheere-dheere maine uski taraf jaana chhod diya, uski memories ko suppress karne ki koshish ki aur khud ko busy kar liya.
Sach bolu toh mujhe laga tha ki ab main move on kar chuka hoon.
Usko dekhe hue bhi lagbhag 7-8 months ho gaye the. Yaad toh kabhi-kabhi aati thi, lekin pehle jaisa hurt nahi hota tha. Life apni jagah chal rahi thi aur main bhi apne kaam mein busy tha.
Lekin kal mere ek dost ne casually mujhe bataya ki usne meri ex ko dekha tha. Bhout sundar lag rhi thi
Bas… itni si baat ne mujhe andar hi andar bechen kar diya.
Raat hote-hote mujhe uski bhot zyada yaad aane lagi. Dil itna fast dhadak raha tha jaise kuch hone wala ho. Main khud samajh nahi paa raha tha ki 3 saal baad achanak ye sab kyun feel ho raha hai.
Aaj toh main literally kai baar uske ghar ki taraf chala gaya, sirf usko ek baar dekhne ke liye. Shaam ko mujhe woh thodi si nazar bhi aayi… lekin usko pata nahi chala ki main wahan tha.
Aur ab problem ye hai ki dil phir se uske bina bechain ho raha hai.
Mujhe samajh nahi aa raha ki main itne saal baad bhi usko completely bhool kyun nahi paaya.
Kya mai usko actually kabhi completely bhul paunga? Ya kuch log life se chale jaate hain, lekin kahin na kahin memories mein reh hi jaate hain?
Aakhir 3 saal baad bhi wo mere khayalon mein kyun rehti hai?
Kya ye normal hai… ya main actually move on hi nahi kar paya?