u/ExtensionEar9627

مبدئيًا انا ما اشوف اني افضل من اي احد، لكن كل مره ادخل برامج مثل ردت او تويتر واقرأ المواضيع الجدليه الي بكل سنه عشتها على الارض الى اليوم اسمعها او اقرأها بمكان عشوائي، كأننا داخل قوقعه، اتسائل.. ليش احنا كذا؟ نناقش افكار بإطار محدد اعتقد ان نشأتها من الجاهليه ومازالت الى اليوم، والى متى ممكن تستمر السلسله؟ معقوله ممكن بيجي فتره زمنيه ويصير تغير جذري بالمجتمع؟

حتى بعض الاشياء مالها مدخل ديني عشان اتفهم مصدر الفكره، وحتى وان كانت بعض الاشياء الجدليه الي خلفيتها ديننا اقدر احلف على المصحف انها خاضعه للفكر المجتمعي اكثر من الاستناد على الحلال والحرام.

الموضوع يضايق، الحماقه بكل مكان وبكل مجتمع، لكن اعتقد ان فيه فشل جماعي في صناعة جيل جديد يحمل فكر نقدي، الي بيتحسس من كلامي غالبًا الموضوع يشمله، والي ما يفهم مصدر كلامي غالبًا هو داخل القوقعه لازم يطلع منها عشان يقدر يشوف المفارقه

طول عمري اسافر لحالي، وانبسط بوحدتي بالسفر جدًا، لكن بعض الاحيان بالذات وقت الاكل او اذا صار ودي احد يصورني اتمنى اني اخذت احد معي، الفتره الأخيره مريت بضغوطات جدًا شديده، والسفره هذي الي قاعده اخطط لها احتياج وليست رفاهيه.

احد معارفي الي اعزها جدًا عرفت وقالت بس بجي معك، علميني متى وتم.. ماكان عندي مشكله ودي اجرب للتغيير، فجأه بوقت بريكها تكلمني وتقولي ماراح اضغط عليك بس فكري بوجهه ثانيه، اختي راحت قبل شهر وتقولي غاليه، علمًا انها هي ماقد راحت، واعرف اختها زين اسلوب حياتها استهلاكي ماشاء الله واعتقد ان هذا نمطها بالسفر، يختلف عني جذريًا، تفهمت وقلت طيب مع اني انا كنت مخططه من الى لهذي الوجهه من قبل لاتقول بجي.

وضحت لها نقطة اسلوب اختها وقالت ايه صادقه، وريتها وين انا ناويه اسكن، كيف خطتي بشكل عام، متوسط الصرف المتوقع، ماقالت شي، فجأه تكلمني اليوم الي بعده بنفس التوقيت حق البريك، وتحكيني عن زميلتها الي معيده بتركيا ووش رايك؟ رفضت، ومشاوره الي معها بالدوام صار كل واحد يحط رأيه وانا المستمع، رفضت.

فجأه بنفس التوقيت حق البريك اليوم الي بعده.. اسمع ناس معها بالخلفيه، قالت لي "معليش الاماكن الي تختارينها مب امنه وماتنفع، والصرفيه على عدد الايام عاليه مره، وش رايك المكان الفلاني ولا العلاني؟" انا ادري انهم يسمعون، وعلمًا انه جدًا امن السكن الي اخترته لكن توقيت البريك ذا صار بلشه بالنسبه لي ومنرفزني.

الانسانه هذي اعزها جدًا جدًا مستحيل افرط فيها، وش السوات؟ ما ودي أجرحها واكنسل عليها، ولا ودي نسافر ونرجع مب طايقين بعض

طول عمري اكره الاعياد لأسباب عائليه متعدده
الآن الاسباب شبه تلاشت، ماتغير شي لكن انا تغيرت جذريًا وغيرت حياتي
لكن ما زال نفس مستوى الضيقه القديم موجود! يمكن اسوء بعد ولا ادري ليش، ما يجيني ذكريات او اي شيء من هذا القبيل، لكن مازلت في حالة شحن غير منطقي.. كيف اتعامل معها؟