u/Far_Cold933

مرحبا أنا مسلمة سابقة, انولدت وعشت فترة من حياتي بالرياض. ودرست الأبتدائي بمدرسة خاصة بس صف رابع نقلت مدرسة حكومية. متذكر قبل ما كنا نركب باص المدرسة , كان في بنات عريفات يصيروا يحكولنا " وين عبايتك" وانه " صرنا كبار لازم نبلس عباية" وهاد الحكي. بس البنات يلي كانوا يروحوا مع أهلهم ما كان ينحكالهم هيك.
كنت أتذكر مدرستنا , كانت أبتدائي ومتوسط وثانوي مع بعض بس المباني مفصولة عن بعض (بنفس المنطقة). الصبح لما ندخل عالمدرسة, كنت اشوف بنات يقعدوا يشلحوا النقاب والعبايات ويحطوهم بشتاتيهم قبل ما يدخلوا عالصف( بالساحة). عصرت مخي أحاول أتذكر اذا كانوا هدول بنات متوسط أو ثانوي. أو كانوا بنات صف سادس يلي معنا بنفس المدرسة وبنطلع معهم فورصة (فسحة)بنفس الساحة. كنت صف رابع تقريبا 2016-2017. ياريت يلي متذكر هيك اشي يحكيلي ورح أكون كثير ممتنة.

انا من الضفة. ما بشتغل. شغلي اغلبه اونلاين ومش ثابت.

كيييييييييييييييييييييييييييييييييييييييييييف؟ كل ما اسمع نصائح من حدا , بكون أغلبهم ما بتطبقوا بفلسطين (الضفة). والشباب وضعهم كتير غير عن البنات.

يلي مرت بهيك اشي ومن عنا بتمنى تحكولي.

المسلمين الكيوت وخصوصا بالغرب كتير بحكوا انه الحجاب هو اختيار بتختاره المرأة. ونعم في ملايين النساء يلي بختاروا يلبسوا الحجاب برغبتهم. بس برضو في ملايين النساء يلي بتنجبر تلبسه على سن صغير وبعدين بصير صعب تشلحه لأنه عنا بالمجتمع بتصيري بنت حرام. النساء بالسعودية كلهم مختارين هاد الخيار؟ النساء بأفغانستان كلهم مختارين هاد الخيار؟ ولا يمكن لأنه مش خيار؟ إذا انت مسلمة وعايشة بدولة علمانية بتسمحلك تختاري تلبسيه أو لا. هاي ميزة مش الكل عنده اياها. ما تزعلي وتصيري دفاعية لما تعرفي انه دينك مدمر حياة ملايين النساء بالعالم. واذا ذكر انت بالذات خليك ساكت عن مواضيع النساء وحريتها.
it's a choice unitl they choose not to wear it lol

وبعرف انه سبب تدمير حياة هدول النساء الرأسمالية بس ستل لو كان الحكم بالدولة أقل تشدد ديني كان الوضع كتير غير. كل اشي غلط بالحياة لوموه على الرأسمالية لأنها يلي خلت التدين يزيد بالدول الفقيرة بسبب الجهل والفقر يلي بكون موجود بالجنوب العالمي. وأنا ضد الغسيل الوردي و100%ضد استخدام حقوق الانسان كذريعة عشان الغرب يتدخل سياسيا أو يفرض عقوبات على هاي الدول لأنها هيك بتدمر حياتهم أكثر. بنفع نكره الرأسمالية ونكره الحكم الديني بنفس الوقت.

شو رأيكم؟