u/FederalEar4888

من مثلي كل مرة يجيه حماس ويبي يروح يذاكر باثراء ويوم يوصل يستوعب أن يوم الأحد المكتبة مقفلة ☹️

رشحوا لي مكاتب أو أماكن كويسة للمذاكرة (مو لازم فيها قهوة) أهم شي دورة مياة وكراسي مريحة

فيني صيحة من ضغط الدوام
ودي اكلم أمي تسوي لي جريش
يمكن الجريش يحل المشكلة
بس تعرفون أفضل شي بضغط وهواش الدوام؟
مجرد ما ينتهي الوقت ينتهون
وتعلمك مين الإنسان ومين الحيوان
والمسألة كلها بالرحلة بذاتها، الوجهة ممكن توصل لها وممكن لا
أحسن برحلتك الله يحسن إليك

دمك مهو دمي
وعمك مهو عمي
بس أمك البيضا
عبدة مثل أمي
همك؟ أهو همي
تنكر قرابة هم؟

أحب أسولف مع ناس غريبة سواء واقع أو مواقع، والأفضل مواقع لأن المواقع عندك احتمالية لترقية هذا الشخص وخصوصًا يوم تلاحظ كمسترة بالموضوع والناس الطيبين واجد لذلك توجبك الدنيا ترقي شخص من غريب لصديق وبرضو قد يكون الشخص قريب من عمرك وسالفة تجر سالفة فلا أهتم أن المستقبلة المجهولة لسواليفي هي سارة أو حصة وأنا أحيانًا أكون أنا وأحيانًا أم فلان وأحيانًا فلانة رؤيتي للمعلومات البيوقرافية لا تشتمل الصدق دائمًا ولا تهمني خصوصًا انها أشياء ما اخترناها وما نقدر نختارها وهذا ابدًا مو اعتراض انما توضيح لأولويات فالمهم عند التحدث لغريب أن سالفتك تكون حقيقية وكذلك سالفتي فهذا الي ابتغيه انما معلوماتك هذي لنفسك

على العموم مؤخرًا بدأت أستوقف هذه العادة لأن وش خانة الصديق ووش خانة القريب يوم أسولف وافضفض للغريب؟ وليه الغريب يعرف والحبايب ما يعرفون حتى صنعاتي الصغيرة والأشياء الي اقدر افيدهم القريب أولى، وأتمنى وضحت شكوتي أن لدي امتياز لا أفخر به ألا وهو الكتمان ولم أكن ادركه إلا عندما حدثتني أختي واصطادت احدى محادثاتي مع غرباء ثم انها اتخذت أن تعطيني دروسًا كيف أن تتكلم بكل ارياحية وكيف أني فوّت فرصة لم استغل مهاراتي وكيف اني لم أعد بذاك القرب من ذاك الصديق وكيف أن سقراط يقول تكلم حتى أراك.

الأقربون أولى بالمعروف ولنفسك عليك حق ولأهلك عليك حق فأعطِ كلً ذي حق حقه فلا تعيش في المواقع وتنسى الواقع ما أنكر جمالية الصداقات الالكترونية لكن لو تجي للصدق ما لك إلا واقعك واجتماعيتك الالكترونية لن تفيدك أن كنت انفرادي الواقع.

أحس هذا الصب مسرحية مسحوب عليها، يجيها خمس إلى ست أشخاص بالأسبوع وهم نفسهم يتكررون كل اسبوع، الستاير لا تقفل لأن أصلاً محد يتحمس عند كشف الستار، ممثلين المسرحية الي هو صاحب البوست لا يهتم بردة فعل الحاضرين اطلاقًا وأهم ما عنده يكب عشاه ويمشي الحضور نصهم على جوالهم وسافهين صاحب المسرحية وواحد يحاول يعطي الموضوع وجه بس بعدين يستوعب يقول كيفه خله وش دخلني فيه، المسرحية بحد ذاتها انسانية وجودية تحاكي مشكلة أجد بعضهم فصحاء في تجذير المشكلة وفصفصتها ولكن لا أحد يطلب حلول انما فقط للتفريغ والتأنيس على النفس وهذا مبتغى هذه السكة مساحة للبكبكة لا أحد يلتفت للآخر إلا للتربيت أو تهميش

الحمدلله على نعمة انك تكون مشغول وما تبتلش بهواجيسك، اصدقائي اللي يهوجسون نصيحة مني انشغل بالرياضة والأشياء الحركية تفيد يومك وما تخليك overthinking كثير، طبعًا نصيحتي للي مثلي مهما انشغلوا الا وانهم يفكرون فاكتشفت أن كل ما كثرت حركتي كل ما طاحت مني الأفكار وانك تنشغل بالنادي والأكل وتنظيمه شيء يملي عليك يومك