u/FirstCartographer914

انا بقي اخويا ٢٦ سنة مشتغلش يوم ف حياته وانا اللي شايله مصاريف البيت واختي بتساعد معايا اللي هي تؤامه وهو قاعد عاطل ولا بيذاكر ولا بيشتغل اعصابي تعبت منه ولو حد كلمه يتقمص ويزعق وف مره كان عايز يضربني مش عارفه اعمل ايه ومتعصبه من امي وابويا انهم مبياخدوش موقف معاه بابا اخره يزعق شويه وخلاص وماما سايباه داخل طالع
قلتلهم اقفلو عليه الباب عشان ميسهرش ع القهوة وقلتلهم اطردوه من البيت قلت لماما قاطعيه متاكيلهوش بس مفيش فايده ودولقتي هاين عليا مديهمش فلوس بالعند فيه وهما يشيلو بقي غلطاتهم بس برضو امي مش هاين عليا ابهدلها وكفاية خيبتها فيه بس انا تعبت وحزينة ع فلوسي اللي بصرفها ع راجل عاطل بمزاجه بطلت كل حاجه عشان اوفر الفلوس ولا بجيب لبس ولا اي حاجه ليا وحتي مبنزلش الشغل وشغاله من البيت عشان اوفر المواصلات وهو ولا في دماغه بجد تعبت