u/Fluffy-Membership222

تقريبا دي هتبقا اخر مره انزل فيها حاجه علي ريديت

انا بجد تعبت من كل حاجه تعبت من نفسي وتعبت من اني مدمن بورن وعاده سريه والمرادي انا جبت اخري خلاص كل المحاولات اني ابطل فشلت ومش عايز نصايح من حد انا عارف كل النصايح اللي في الدنيا انا بقالي سنين كتير مدمن في عايش رحله كبيره مع الادمان مش عايزه تنتهي

كل مره كنت انتكس كنت بقوم وبحاول من تاني ومكنتش بيإس بس المرادي خلاص فاض بيا ومبقتش قادر

انا حتي مش قادر اقول لحد من اهلي يساعدني حاسس اني عاجز بشكل مش طبيعي

وكاره نفسي اوي وكل مره بنتكس فيها بكرها اكتر واكتر

مدمره حياهي مدمرها ولا قادر اوصل لاي حاجه نفسي فيها ولا بحقق اي حاجه في حياتي

عمال اتمني اتمني واعيش احلام بس في دماغي في الواقع انا ضايع ، مفيش في دماغي غير البورن والخرا دا

مش قادر اعيش زي باقي الناس وابقا انسان طبيعي

ليه ابتلي بالمرض دا وافضل عايش بتعذب بسببه ومش قادر امارس حياتي طبيعي

عاوز حد يشجعني اطور من الانجليزي واذاكر برمجه لاني برجع م الشغل مكسل جامد وبردو يكون بيروح جيم عشان نشجع بعض فيه

لو حد زهقان وعاوز يتكلم يبعتلي انا سهران

أنا بحب الصب ده جدا وعشان كده بشارك أي حاجه حاسس بيها جوايا هنا

أنا امبارح شيرت بوست، وكان معناه إني محتاج أشتري حاجات نفسي فيها ولما بشوف حد معاه حاجات نفسي فيها، بقول: ليه مش أنا الشخص ده؟ وكنت فاكر إن لما يبقى معايا فلوس وأقدر أشتري اللي نفسي فيه، هبقى مبسوط

بس اللي اكتشفته إن عمري ما هبقى مبسوط، حتى لو بقى معايا فلوس كتير واشتريت كل اللي نفسي فيه

لاني أصلا مش راضي عن نفسي ومش حاببها ولا حتى بحبها ودايما عندي غضب ناحية أي حاجة مش بتمشي على مزاجي

ودايما حاسس إني مش متقدر سواء من أهلي أو من الشغل أو من صحابي، حاسس بعدم التقدير وإني أقل من كل الناس وكمان أنا شخصية حساسة أوي في التعامل مع الناس وبخاف حد يزعل مني وبقعد طول اليوم أجلد في نفسي لو قلت كلمة لحد أو لو حصل موقف بسيط، يفضل شاغل تفكيري طول اليوم

وأخيرا أنا هفضل تعيس طول ما أنا لوحدي. الوحدة بتموتني كل يوم بجد

نفسي يبقى ليا صاحب واحد بس، يبقى صاحبي بجد، نخرج في أي وقت، وأحكيله كل حاجة ، لأني عمري في حياتي ما لقيت حد يبقى صاحبي بجد، ودي أكتر حاجة بتقهرني في حياتي

أنا مش عايز حلول من حد ولا حد يقولي أعمل إزاي صحاب

أنا بس بفضفض وبطلع اللي جوايا وزي ما قلت، أنا بحب الصب ده وكل فترة كده باجي أكتب هنا وأفضفض وأطلع اللي جوايا

انا كتير لما بشوف حد معاه عربيه حلوه او موبايل او اي حاجه حلوه ونفسي فيها بيبقا جوايا احساس كدا ليه مش انت

انا مش بحسد والله انا بقول ما شاء الله اول ما بشوف حاجه حلوه

بس ليه انا مش قادر اجيب اي حاجه نفسي فيها بسهوله ، انا عشان اقدر اجيب مثلا ايفون محتاج احوش مش اقل من ٤ شهور من مرتبي من غير ما اصرف منه جنيه في باقي الحاجات بقا زي عربيه او شقه او اي حاجه نفسي فيها عموما مش هقدر احققها مهما عملت مهما كان مرتبي كويس

حاسس الحياه صعبه والعيشه صعبه جدا

نفسي اشتري حاجات كتير واعيش الحياه واستمتع بيها

بس حاسس دا محتاج سنين عشان اعمله

معرفش حاله الاحباط اللي عندي دي بسبب الحاجات اللي الواحد بيشوفها ع السوشيال ميديا ولا دي بقيت حقيقه وامر واقع خلاص

انا حاليا شغال شغل مش في مجالي ومضايق جدا لاني سايب مجالي الاساسي اللي هو التيك اللي انا بحبه جدا وضيعت اربع سنين من عمري بتعمل وبدرس ولما اتخرجت قعدت سنه كامله باخد كورسات وبقدم علي شغل علي امل اني الاقي شغل

بس في ملقتش شغل ومع ضغط اهلي عليا اني اشتغل واسئله بقا اقرايبي كل شويه انت لسه مشتغلتش والاسطوانه

في زهقت من قاعد البيت ومنهم واشتغلت شغلانه مش طايقها حرفيا ومرتب زباله ومستمر فيها وخلاص عشان مقعدش في البيت واللي بيضايقني اكتر اني بتعامل مع ناس مستوي ذكاء ضايع حرفيا

اللي هو ايه اللي انا عملته في نفسي دا وايه اللي جابني هنا

لو في حد حاسس إنه محتاج يتكلم أو يفضفض، أنا موجود أسمعك من غير حكم ولا انتقاد. لو حابب تبعتلي مرحب بيك في أي وقت