انسوا حوار النت الغير محدود.. لو معملناش كده
ان احنا نقاطع الشركات هي فكرة قديمه اوي و تقريبا محدش بيلتزم بيها لإن كلنا بدون مبالغة حياتنا بتعتمد على النت بشكل واسع اوي و اكتر مما تتخيل. ف محدش هيخاطر بمصدر رزقه عشان نتيجة مش مضمونه.
الحل هو ان احنا بدل ما نهاجم الشركات كـ كل، احنا نهاجم اعضاء مجلس الادارة بكل شركة (بدون بلطجة في الواقع اكيد) و على رأسهم وزير الاتصالات نفسه، لو هما مش هيتحاسبوا ف احنا هنحاسبهم.
مثلا نراقبهم و نحاسبهم على كل كبيرة و صغيرة بيعملوها (في النطاق العام، مش النطاق الشخصي عشان الموضوع ميتحولش لجريمة) وانتوا فاهمين طبعا، و الاجانب بيعملوا كده اصلا لما يحبوا يضغطوا على منظومة معينه.
اصل الشركه كـ اسم بالنسبالهم مجرد درع واقي ليهم، محدش منهم مهتم طول ما الهجوم على الشركه مش عليهم بشكل مباشر.. اصل هما عارفين ان مستحيل شركاتهم تخسر في بيئة معمولة للقمع و الظلم اساسا.
انما لما كل واحد فيهم بالإسم يتهاجم و يتعرف هو بيعمل ايه هيحس انه عريان و ان الهجوم فعلا حقيقي و انه لازم يوقف الكلام ده.
للاسف احنا مش في بلد ديمقراطي و معندناش حرية تعبير و اكيد محدش مطلوب منه انه يخاطر بنفسه (ولو حد طلب منك انك تخاطر يبقى اناني)، بس على الاقل ادعم الفكره و ساهم في تطويرها.
ولو حد يعرف ازاي اهوست ويبسايت يكون مخصص للفكرة دي منغير ما يشكل اي خطر على القائمين عليه يقول. وانا مستعد اتكفل بكل حاجه