اسوا موقف اتعرض له في حياتي
امبارح زي كل يوم انا بركب مواصلات عادي اروح الشغل وارجع منه بالمواصلات فا لقيت مشروع عادي شاورت له ووقف كان راجل كبير انا مهتمتش عشان العربيه كانت فاضيه عمري ما تخيلت اصلا حاجه زي دي تحصل المهم ركبت جنبه قولت عشان لو حد جه مفضلش نازل طالع ركبت وبعد شويه صغيرين فضل يتكلم معايا وكده الشغل ومش الشغل قولت سواق رخم وهيسكت كل واحد فيه الي مكفيه كده كده بعدين لقيته وآلله زي ما بقول كده يقولي لو عاوزتي في شغل انا شغال كل الوقت ومش عارف ايه وخد رقمي وبتاع انا خدت رقمه فعلا عشان ايه اخلص منه ويسكت برضو مسكتش فضل يقولي انت شكلك طيب ومش عارف ايه. انا بحبك والله العظيم قال كده فعلا ومش بألف قصه قولت راجل كبير تلاقيه مفكرني حد تاني عشان كان بيقولي انت ركبت معايا قبل كده وانا اول مره اشوفه في حياتي كلها المهم سكتت شويه بعدها فتح موضوع جنسي وفضل يتكلم عن الشهوة والعضو الذكري بشكل مقلق ومش لطيف وكل ده مفيش حد معانا في العربيه ده غير كل ده اصلا قالي أنه مش رايح زي ما انا شاورت له وأنا استغربت من ده بس ده قبل ما يحصل حاجه وقالي عشانك هروح الي وكده ومرضيش ياخد مني فلوس وفضل يعني يعني ايه يحاول مياخدش الفلوس مني وهو بيحاول يعمل كده لمسني حرفيا من رجلي من المكان الحساس انا اترعبت المفروض كنت انزل بس قولت بالغلط والله معرفش ليه بعدها زي ما حكيت فوق فضل يتكلم كلام جنسي والقرف ده ومسك ايدي حطها عنده وفضل يقول كلام زي الخرا شبه وشه انا سحبت ايدي قام قالي متخافش وحط ايده عندي انا خلاص معرفتش اتصرف قولت هنط من العربيه زعقتله قولتله نزلني هنا هو قام وقف فعلا انا حمدت ربنا كنت متخيل سيناريو اوسخ من كده انا نازل مرعوب والله وخايف وكنت بترعش حرفيا ومش مستوعب الخرا الي حصل
يعني بلاش بجد والله حد يركب جنب سواق لو بنت انا ولد وحصل معايا كل ده ما بالك لو بنت وبرضو لو عربيه فاضيه اوعى تركب حقيقي مهما كنت متطمن انا متخيلتش اصلا حاجه زي دي تحصل في يوم من الايام بجد والله ده اوسخ موقف شفته في حياتي كلها بجد خلي بالكم بعد كده من النقطه دي محدش يركب عربيه فاضيه الله اعلم ايه ممكن يحصل والله ده لا خلى فيها لا ولد ولا بنت كده بالطريقه دي
انا معايا رقمه بس مش حاسس اني هعرف اروح ابلغ عنه أو ممكن يفيد بايه لو حد عنده فكره اقدر استفيد بيه في اني ابلغ عنه حتى أو اي حاجه