اتفرجت علي الفيلم ده بجد كل حاجة في عظيمة اذا كان التمثيل ولا الاخراج ولا السيناريو والحوار ولا كتابة الشخصيات حتي الموسيقى التصويرية فيه جامدة فشخ بس الصراحة اللي لغاية دلوقتى مفهمتوش هو كان بيتكلم عن ايه يعني الصراحة القصة فيه مش قد كده فعلاً مكنتش فاهم هو حتي عاوز يوصل ايه هو الاجواء بتاعت الفيلم حلوة بس برده مش فاهم القصة الصراحة لو حد يقدر يشرحهالي يعني؟
لسا متفرج علي فيلمين الكيت كات والكيف لمحمود عبد العزيز الله يرحمه واكتشفت ان يجدعان كان عندنا ممثل فعلاً يتقارن بممثلين برا والله فعلاً يتقارن بنجوم صف اول كمان زي روبيرت دي نيرو و ال باتشينو فعلاً كان ممثل فاهم الشخصية اللي بيمثلها وكان بيدرسها فا جيه فبالي سؤال ليه واحد زي عادل امام يعتبر واخد شعبية اكتر منه بكتير مع انه من وجهة نظري هو حرفيا اتقل من عادل امام في التمثيل الصراحة عادل امام مهماً عمل ادوار مختلفة تقدر تميز طابع خاص بيه لكن محمود عبد العزيز فعلاً تحسه انه كان بيقلع شخصية يدخل في غيرها وغيرها فهل ده بسبب كاريزمة عادل امام المفرطة ولا بسبب ان مجرد اختيار الادوار هو اللي خلي عادل امام الزعيم وخلي محمود عبد العزيز مجرد ممثل عظيم لا يحمل اي القاب خالدة
هل في طريقة اني افشخ دكتور جامعي بطريقة غير اني اقدم فيه شكوة عشان ولا ليها اي لازمة؟