u/GlassConversation988

Napapaisip lang ako. Ang daming problema sa mundo, at isa na rito ang lumalalang problema sa basura dahil sa overconsumption at fast fashion. Kawawa ang mga susunod na henerasyon.

Parang hindi na uso ang reduce, reuse, and recycle. Kapag may nasirang gamit, madalas itinatapon na agad at bumibili na lamang ng bago. Hindi na rin gaanong uso sa iba ang mga hand-me-downs.

Para sa mga magulang at sa mga magiging magulang pa lang: bukod sa lupa at pera, isa rin sa maipapamana ninyo sa inyong mga anak ay ang mundong kanilang kakalakihan. Ang mga sakunang nararanasan natin ngayon ay ilan sa mga bunga ng mga naging pagkakamali ng mga nakaraang henerasyon pagdating sa pangangalaga sa kalikasan.

Sana ay hindi na ito lalo pang lumala. Maging mas mindful tayo sa mga binibili natin at iwasan nating maging dagdag sa problemang basura na maaaring pasanin ng mga anak natin sa hinaharap.

Malaking problema rin ang microplastics dahil maging ang mga pagkaing kinakain natin araw-araw ay naaapektuhan na nito. Sana ay hindi lumala ang sitwasyon sa Pilipinas at maagapan natin ang problemang ito habang may panahon pa.