u/Great-Sand-2977

اول شي مبروك عليكم التخرج و انبسطو بهذا الانجاز والله يوفقكم.
شفت كذا سالفة عن ناس ماحتفلو بتخرجهم مع اهلهم او ماحد عبرهم او جاتهم هدايا وتذكرت وضعي من كم سنة وقررت اسولف. اضطريت انسحب من الجامعة لاني ماكنت اشوف حل اخر و اخذت طريق ثاني والحمد لله اموري مشت واقدر اقول اني توفقت. الموضوع صار له كم سنة لكن اذكر وقت انسحابي كنت اشوف ناس توها داخلة وكانت الجامعة تسوي بعض التغييرات والكل جاي بحماس بينما انا طالع. حسيت بشعور سيء بس كتمته وكملت اجراءاتي ومشيت. مشت الحياة وطلع بوجهي فديو لحفل تخرج كلية ف دولة برا بس نسيت وين وشسمها. الفديو كان حلو وعندهم اغنية ويخليك تبتسم بس فجأة نزلت علي غبنة خلت حتى ملامحي تقلب. استوعبت ان ذا شي ماراح امر فيه رغم اني كنت ابيه واسعى له وان ذي لحظات ماتشترى بفلوس و حسيت اني غريب عن العالم ولحالي. المهم مرت الايام وكنت اشوف اهل واصحاب وزملاء تتخرج تحتفل حتى مشاكلهم لما يسولفون كنت افكر ليت عندي مشاكل كذا ع الاقل اقدر اندمج معهم كنت اكره المناسبات والجمعات لان كل الي تسويه انها تذكرني بوضعي. اعيد واكرر ان اموري كويسة وحياتي استقرت حتى افضل من بعض الخريجين لكنه شي مؤثر هذا وانا رجال طول بعرض و وخر. المهم اذا حولكم اهل واصحاب تخرجو مثلاً وماحولهم احد حاولو تراعونهم وتحتفلون فيهم

حاليا انا في قسم نقلت له قبل سنة وشوي. عيوبه ان المكان بعيد دبل مسافة مكاني الي قبل، المكان مهتري مو مهيأ وكئيب و تسليك بس اهمشي عندهم كان يسوون قسم هناك ف صرفونا. الناس الي حولك لو صار احد حولك مابيني وبينهم علاقة.

ميزته ان عندي شوي مرونة ف الدوام لكن مع المسافة ماتعتبر مرة و المرونة ذي ممكن تنتهي اي وقت. المدير كويس بحكم اني امشي شغله لكن اعترف اني ابي اطلع بسبب اني مشخصن من مواقف سابقة، الشغل قليل لكن حالتي النفسية ماش

القسم الثاني هو الي كنت اشتغل فيه مع تغيير بسيط. المكان افضل كمنشأة الشباب اعرفهم و المدير الي هناك اشتغلت معاه وامون عليه حتى طلعت معه برا الدوام كم مرة وطالبني بالاسم اصلا. عيبهم ان الشغل واجد (ماعندي مشكلة) و ماعرف هل اضمن تقاييم كويسة ولا بينما الحين مو ضامن مرة بس يمكن النسبة اعلى وشغلهم هناك احترافي اكثر يعتبر ف ذا شي يخليني احيانا مرتاح اني مسوي كويس ايضا فترة الي يصير احد بيسوي مثل التشييك او الاودت يجونهم اكثر لانهم قراب.

المهم انا محتار بس نفسيتي ف المكان الحالي سيئة رغم ان حتى ماديا أتوقع افضل هنا