u/Guilty_Increase_4969

صحيح الشغل شغل ومكان عمل جاي اطلع فلوس وأروّوح بس بتضايق لما أشوف أفضل مشروع بلحق عليه هيك يصير فيه لو في طريقة أقدر أحسن فيها المشروع وأخليه أفضل بس من ايدي اذا حدا بالدولة ولا الشركات الي موجودة ومسؤولة عن المشروع فارق معها أنه يكون أحسن مهو كيكة ومقسمة على كذا شركة وفي أكثر من مستفيد بودي أبناء شعبي وأمتي تستفيد أفضل استفادة من هذا المشروع إلي سهل حياة ناس وخصوصاً طلاب الجامعات وخفف ولو شوي من قرف الكوستر والكونترولية والشوفيرية وقصص التحرش والإزعاج وسب الذات الإلهية بالنهاية حتى لو تركت الشغل بيوم ما رح أضل استخدمه … الي خاطر استخدم ال Ai في تحسين جودة الصيانة واقتراح عمل صيانة دورية وتنظيف كويس لباص عمان والحافلات التركية الصنع القديمة اذا عملت الجهات المسؤولة عن المشروع صيانة دورية بطريقة صحيحة بتزيد العمر الافتراضي للحافلات والباصات وبتقلل من إهدار المال العام صحيح حتكون محاولة يائسة وبائسة أقلها اسوي الي بريح ضميري لانه المشروع هذا بخدم الوطن بطريقة او بأخرى والإنسان لازم يحاول يحسن مجتمعه ويلقى حلول لمشاكل مش يضل يتشائم

الصورة الأولى 8 كتب بليرة وسبعين قرش والصورة الثانية ست كتب بلرتين ونص شو رأيكم بالعناوين متحمس للكتب هاي لانه سياسية بحت أكثرها

في كل مرة التقط بيدي المنهكتين من تعب الحياة وكل مرة انتهي فيها من صفحة من كتابات غسان كنفاني أنبهر كأني أول مرة أقرأ فيها قلمه العظيم الذي نقل تاريخي ومعاناتي ومأساتي وتاريخ أجدادي ومعاناتهم ومأساتهم مأساة شعب وأمة كأنه يكتب نيابة عني وعن ألم شعب كامل يكتب بلسان حال عرب 67 وعرب 48 وعرب الداخل المحتل … ليست أول مرة أقرأ فيها لغسان نفس الشعور من الحزن والأسى في كل مرة اقرأ له فيها وحتى رمزياته وفلسفته تترك أسئلة دون إجابات عن معنى الحياة وعن تاريخ القضية الفلسطينية غسان فوق الوصف غسان رهيب غسان حي في كل ضمير عربي لم يمت بعد

الباص هذا شوفيره عمل فيه حادث كسر القزاز الأمامي للباص طبعًا اي باص بنكسر قزازه بخمج بالمبيت ما بتصلح بقعد شهور وهو قاعد ما بطلع طبعا الباص قلب مكب نفايات من الشباب الي بقعد فيه ياكل ويترك مزبلة وراه وما بنظف وواقف هو كوم طن غبرا كانه الربع الخالي ومع لمسات الميكانيكية الي بخربوا الباصات صار بالمنظر هاظ اخوكم حمار شغل قلت للمسؤول اتركني فيه خبرة باصات دراي كلين قعدت فيه انا وشب معي من 11 لل 4

من القصائد المحببة إلى قلبي معلقة عبيد… كانت من ضمن الجمهرات في كتاب جمهرة أشعار العرب لأبي زيد القرشي نظمها عبيد على بحر عروضي مندثر وقديم اسمه المخلع البسيط وهي من القصائد القديمة في تاريخ الأدب الجاهلي … عبيد كان من شعراء النصرانية وامرؤ القيس أدركه

من القصائد المحببة إلى قلبي معلقة عبيد… كانت من ضمن الجمهرات في كتاب جمهرة أشعار العرب لأبي زيد القرشي نظمها عبيد على بحر عروضي مندثر وقديم اسمه المخلع البسيط وهي من القصائد القديمة في تاريخ الأدب الجاهلي … عبيد كان من شعراء النصرانية وامرؤ القيس أدركه

بتمنى الفترة الصعبة هاي تعدي عشان استمتع بكل خطوة بمشيها بجبل عمان واستمتع بكل صورة بصورها بجبل عمان … عمان كلها بحبها كل مكان او منطقة فيها الي ذكرى مميزة وجميلة فيها جبل عمان جبل اللويبدة وسط البلد العبدلي طبربور ابو عليا ماركا المقابلين وكثير كثير مناطق فيها كانه رسام رسمها عمان بتشبهني وانا بشبهها

لياليـك.. بعينيّ.. شبابيـك مضويّة..
سفّـرنى يا حبيـبي.. سفرنى بلياليك..
وأنا أقـول لا تنسى.. على طـول.. لا تنسى..
وعيـونك تاخدني.. وتوعدنى بلياليـك..
لياليك..