u/Head_Run_6096

محا الموتُ أسبابَ العداوة بيننا فلا الثأرُ ملْحاحٌ ولا الحقدُ ثائر

وما استحدثَت عند الكرام شَماتةً صُرُوف المنايا والجُدودُ العواثر

ودَاعًا وإن نحن اقتتلنا وجَرَّدتْ حُساميْهما أوطانُنا والعشَائر

تَحدَّيتني بالموت حتى قهرتني وما لي سلطانٌ على الموت قاهر

ترفَّعت عن قَيْدي ومُتِّ عزيزةً وأيدي المنايا للقيود كواسر

أحمد شوقي - الفصل الأخير من مصرع كليوباترا

أَرى الناسَ لا يَدرونَ ما قَدرُ أَمرِهِم

بَلى كُلُّ ذي لُبٍّ إِلى اللَهِ واسِلُ

أَلا كُلُّ شَيءٍ ما خَلا اللَهَ باطِلُ

وَكُلُّ نَعيمٍ لا مَحالَةَ زائِلُ

وَكُلُّ أُناسٍ سَوفَ تَدخُلُ بَينَهُم

دُوَيهِيَةٌ تَصفَرُّ مِنها الأَنامِلُ

وَكُلُّ اِمرِئٍ يَوماً سَيَعلَمُ سَعيَهُ

إِذا كُشِّفَت عِندَ الإِلَهِ المَحاصِلُ

إنّ الملوكَ إذا شابتْ عبيدُهمُ

في رقهم عتقوهُم عتق أبرارِ

وأنتَ يا خالقي أولى بذا كرماً

قد شبتُ في الرّق فاعتقني من النارِ

جاي أثير الجدل. زمان اشتغلت في 3 محافظات من محافظات الصعيد قنا وسوهاج وأسيوط. اكتر مكان استغربته كان مدينة أسيوط لأني شوفت إن أهل المدينة ملهمش علاقة بالصعيد لا في طبعهم ولا في عيشتهم. لكن لما صاحبت ناس من ارياف اسيوط لقيتهم صعايدة عادي. بس للاسف قبل ما اكمل تأملاتي استقلت من الشركة اللي كانت ممرمطاني بين 4 محافظات بس لسة لما بتعامل مع حد من اسيوط بسأله الاول من أسيوط نفيها ولا أريافها

حاسس الدنيا من بعد فترة كورونا أصبح ملهاش طعم وجا الذكاء الاصطناعي كمل عليها. افاق الشغل أصبحت قصيرة والترقيات انعدمت وكل مستويات الخبرة خايفين يتفنشوا وحتى السفر كأن كل بلاد العالم فقدت مميزاتها السحرية فجأة. حد حاسس زيي كدة ولا اروح اتعالح

​

فيه تطبيق قوي لتعزيز مهارة الاستماع للإنجليزية اسمه Voscreen. التطبيق مظلوم مش عارف ليه يمكن عشان مش أمريكي. فكرة التطبيق بيعرض لك مشهد من فيلم أو فقرة من محاضرة وقدامك وقت معين تختار الإجابة الصحيحة. لو مشتغلش التطبيق ممكنن تدخل من المتصفح عادي هيشتغل معاك. ولو حد عنده تطبيق أو موقع فيه نفس الفكرة بس لغات تانية يا ريت يقول تعديل: التطبيق مجاني تماما بجميع مستوياته مش freemium

من كام سنة كنت مع جروب أرجنتيني في الاهرامات وفيهم اتنين متجوزين مواليد الثمانينات. الارجنتين حصل فيها حاجة اسمها عملية إعادة التنظيم الوطني من 76 لغاية 83. كمية التشابه بين احداث مصر والأرجنتين مرعبة وكاشفة جدا وعلمتني إن فيه احداث الناس هتفضل مختلفين عليها ليوم الدين وأن التاريخ فعلا بيتكرر من بلد لبلد.

الاتنين المتجوزين دول الراجل أسرته كانت بتدعم طرف ومراته أسرتها كانت بتدعم الطرف التاني ورغم إن الاتنين اتولدوا بعد مع الموضوع خلص اصلا كانوا بيكرروا وجهة نظر أهاليهم وسخن الكلام واتخانقوا وانفصلوا بسبب الموضوع دا.

فيا جماعة أي حد هيدخل في اللي حصل في مصر هيلاقي ناس معاه وناس ضده وهنورث الموضوع لعيالنا. فالأولى نشوف الحاضر ونحل مصايبه ونستفيد من فرصة لو موجودة. لكن اللي حصل هيفضل مسمع لأجيال واللي مقتنع بوجهة نظر عنه مش هيغيرها لا في جيلنا ولا الجيل اللي جاي

حبُّ السلامةِ يُثْني همَّ صاحِبه

عن المعالي ويُغرِي المرءَ بالكَسلِ

فإن جنحتَ إليه فاتَّخِذْ نَفَقاً

في الأرضِ أو سلَّماً في الجوِّ فاعتزلِ