u/HotReplacement9818

ياجماعه لي فتره ادعي ربي ينور لي بصيرتي واسوي خير خصوصا اني نقلت مكان جديد بالدوام ماعرفهم زين وخايفه، قسم بالله امس صار موقف مع بنتين ١٠٠٪؜ حاسديني على شي بالشغل! قدام عيني صار الكلام وانا معهم انصدمت انصدمت ماتوقعت ماكان يبين شي. مدري اتوهم ولا فعلاً ربي استجاب لي ونور بصيرتي وعرفت معدنهم؟

صار الموقف بمعنى ان " شفتي شفتي راحت ٣ مرات واحنا قاعدين بمكاننا " حسبي الله والله ما جاني شي بالساهل بس حاليا كيف اتصرف؟ الصمت عن كل شي بالعمل والشغل وفقط اتكلم بالتفاهات معهم والامور العاديه؟

يالله ماشيه حياتي حسبي الله على مرضى الدوام

عندي فيتامن د + اوميقا + ماغنيسيوم ايش طريقتكم بتوزيع اوقاتهم؟ لان لو ماحطيت لهم وقت ماراح اتذكرهم

فيه نظريه دايما تجي ببالي واحس اعوذ بالله تبعاتها نفسيا مو تمام علي.
نظريه ان دايم المترزق والغني والمرتاح سبحان الله ربي يدر عليه اكثر واكثر، مثلا بنت غنيه ومرتاحه طول عمرها ربي يرزقها بزوج اغنى من ابوها وافضل وحياتها بيرفكت تكمل، او مثلا وحده معدلها ٥/٥ تتوظف اسرع امورها تتسهل شخص تحس انه متوفق وين ماكان مدرسه جامعه وظيفه زواج، وفي الجانب الاخر فيه ناس تكون ربي ماعطاها الراحه بحياتها ولكن مايجيها الزوج اللي تحلم ماتجيها الوظيفه وسبحان الله دايم دايم الاحظ المترزق والغني والمرتاح ربي دايم دايم يزيده ان كان بزوج او رزق اكبر والشخص اللي عانى حظه اقل؟
ادري توفيق من ربي وادري الواحد يدعي هاذي مو قاعده نمشي عليها ولكن لاحظتها كثير حولي وبالسوشل ميديا وهي بس افكار غريبه حبيت اشاركها...

عمري ٢٦ واداوم من ٧ ل٤ وادرس ماستر فل تايم باصعب الجامعات بالسعوديه، احتاج احتاج دعم نفسي معنوي والله اني صرت اسمع بس بودكاست مقاطع ما اعرف قراري صح او لا بدراستي هاذي؟ ادري معطيتني شكل بالدوام ان فلانه تدري ماستر بالمكان هذا لكن احس حياتي العائليه الاجتماعيه حتى الرياضه كله مقصره فيه مره مره، ما اعرف هل كان المفروض ارتاح واستثمر وقتي خصوصا اني مو متزوجه مع اهلي وجدتي ورياضه واهتم بنفسي وشكلي واستمتع بحياتي؟ فعليًا كل تفكيري وش الله حادني درست؟

بقى لي سنه كامله، احس اثرت على حياتي كثير دراستي و٢٤ مضغوطه ويكند نادر اطلع فعليًا حياتي بكالوريوس قاعده اعيشها الحين، بس السؤال ليه دخلت وليه درست وبقى سنه وادري بتكون اصعب اصعب اصعب من هالسنه مو قادره اهون الموضوع.

اتمنى اسمع كلام يدعمني نفسياً وادعوا لي بالنصيب والرزق والتيسير والتوفيق ، والله يعطي كل شخص مراده🙏

احتاج احد يطمن قلبي. قاعده اغير قسمي تغيير كامل بالشركه اللي انا فيها ولوهله جاني احساس طيب لو الناس اللي هنا مشوا تغيروا صار فيهم شي؟ وش بسوي انا؟ ادري تفكيري غلط لان الواحد ما يتوقع الاسوء ولا يتشائم ابداً لكن مخي تجيه هالافكار!

وبعد عندي مشكله اني عمري ٢٦ اهلي يرمون علي كلام تخيلوا؟ لا جا طاري الزواج شي طبيعي كبنت ما بقول اي ابي اتزوج قدامكم اخوي قالي بوجهي اقعدي لين نص الثلاثين عندنا احسن! طيب فيه احد تقدم يسوى وقلت لا؟ هل ودكم امشي واقول ابي اتزوج؟ عاهات؟ فعلا

اعوذ بالله انا تفكيري بعيد عن التشاؤم ان كان بسالفه الزواج او بسالفه قسمي لاني الحمدلله دايما متوكله على ربي بكل شي وربي ما يسرها الا وهي افضل لي لكن الانسان احيانا يحتاج يسمع كلام من شخص ثاني، ولا ابي ادخل صديقاتي/خواتي بالموضوع هذا مافي الا نسمع من غريب لعله ينفع ويهدي