u/Ijust-wannayap

بما انو ملل خلي احجيلكم على الناس الي تعرفت عليهم هالسنة و شطلعوا بالنهاية (قصة طويلة حيلللل)

بدايةً تعرفت على بنية خلنسميها (سين) متابعتني عالانستا و بيننا كلام خفيف و حبيتها للبنية (سايد نوت: جنت احجي وي كراشي بذاك الوقت و جان يحجيلي هواي عن طلابنا و مرة ذكرها و عيب على خلقتها و محجيت شي cuz idgaf ) و صارت سالفة كروبات البحث راسلت سين علمود كروب كالتلي والله احنه كاملين و كلش اعتذر منج و هاي اوكي عادي..

وره فترة تعرفت على نون (كراشي مكرش عليها) جنت كاعدة بكافتريا و هي جانت يمي كاعدة و سالتني بشغلة و كتلها ماعدياها لو كايلتلي عليها جان جبتها وياي كالت هاا لعد بعد اراسلج اذا احتاج و المهم انطيتها حسابي و تفارقنا

وراها اجت بنية اسمها تاء مو كلش اعرفها و هم مبينة حبابة كالتلي انو محتاجين نفر بالكروب كتلها اوكي منو ويانه كالتلي الي ويانه بالكروب و طلعت نون موجودة و ماهتميت كلش

المهم long short story صارت عركة بالكروب و طلعنا اني و نون من الكروب و الضاهر نون عدها واسطة و دبرت روحها و نستني تدرون وين واسطتها ودتها؟

نعم لكروب سين الي سالتها بالبداية و البنية اجت كلش محرجة مني كالت اني مجنت اعرف و الدكتور فجاة ضافها ويانه و كال عادي و لو ادري جان ضفتج كتلها حصل خير و اساسا مفكرت بالموضوع بكدما فكرت انو منين الكه كروب.

نزلت بالكروب العام و اجتني بنية خلنسميها شين كالت احنه محتاجين بنية كتلها اوكيي و انحلت (صارت الف سالفة وي كروبات البحث بسس نخليها بعدين)

خلنرجع لنون و سين و علاقتهم

نون جانت تراسلني دائماً علمود ادوات لو مواد و اني ما اردلها ولا اكللها ماعندي و حتى شاركتها بادوات هستوني اشتريتها رغم الي جابلي كالي لتشاركين بس كلت هي حبابة و مستحيل تخربهم ..

نون بعدين عرفت انه شخصيتها متلائمني، وحدة هواي عليها علامات استفهام يعني .. استغلالية (جان عدها ادوات و مواد بس فضلت تاخذ مني) و خبيثة ( اخذت مني شغلة و جانت بنية تحتاج هالشغلة بس اني مابلغتها احتاجها ثاني يوم لان مأمنة ان غصباً عليها تجيبها لان هي مالتي بس مجابتها و انحرجت كدام البنية و فوكاه طلعت روحها البريئة المتدري و المتعرف انو هاي الشغلة المو مالتها لازم تجيبها للشخص و حرجتني) و منافقة (قبل لا اتعرف عليها جانت تحجي عليه بالمو زين و من عافت صاحبتها كامت تحجي عليها بالموزين) و حقيرة (هواي تصيح عليه بدون اهتمام للي حولنا و من ضاق صبري انسحبت من الحالة الي وياها و رجعتلها ادواتها بس ضلت تنبص اكو مادة هي دفعت فلوسها و مجنت اعرف بالموضوع و من عرفت رجعتها الها بچيسها لان مجنت محتاجتها و ما حبيت احجي بالموضوع لان اعرف راح تطلع روحها البريئة الي متغلط) و دنيئة ( جنت مشاركتها بادواتي و مدفعت فلوسهم الا متأخر، و انطيتها الادوات قبل لا تتعارك وياي و من رجعت اطلبها ترجعهم الي رجعتهم ناقصين و سوتلي مشكلة جبيرة وي بنات مالهم دخل و تكولي اريد نص فلوسي رغم هي دفعت ربع السعر "جنا مشتركين وي عدد" بس هي مقتنعة انو دافعة النص قبل لنسوي الكروب و المهم رجعتهم بألف ياعلي و سلمت رجلها ) بعد فترة وره العركة حولوها من كروبها لكروبي بالبحث و اخذت ربع من جزئي و مجنت معارضة بس اريد اخلص .

نرجع لسين .. همين تقوت علاقتي بيها و علاقتنا جانت على استغلال لان هي ماعدها حالات و اني جنت اساعد الي يطلب و انطيتها حالتين يمكن؟ ماذكر.. المهم مرة طلعنا و عبالي بس girls talk بس طلعت عدها غاية من سمعت انو اني مكرشة على فلان هي جانت مكرشة عليه فضلت تسالني هم حجيتوا عليه؟ كتلها على التشبيه الشبهها بيه و بكل صراحة بس هي متقبلت الصراحة و ياريتني مچذبة لان ضاجت حيل وقتها و كعدت تلومني انو ملازم تقبلين هيج يحجي كتلها مجنت اعرفج ذاك الوقت و معبالي العلاقة حتتقوه هيج و مجنت مهتمة.. من يومها هي عازلة روحها عني رغم اعتذرت و اجت امتحانات نص السنة و كضتها هي و صديقتها يطلعون بدون مينتظروني..

رغم مرة طلعنا سوة و كتلهم ماعندي هلكد صديقات اطلع وياهم دوم و كالولي انو محيعوفوني وحدي ابد بس هاي صارت و عافوني و كلما اعزمهم على شغلة يتحججون و اني هم لاحظت الاشارات و ابتعدت ..

بعد نص السنة و وره ماخلص رمضان جبت حالة و جانت بفلوس فراسلتهم و شاركوني بيها ..

و طلعنا وقتها و كعدنا نسولف و حسيت واو الامور مو بذاك السوء صح؟ بس اي طلعت ذاك السوء..

وراها سين طلبت مني حالة و اجتني حالة زايدة بنفس الوقت فكتلها تم بس ثاني يوم الحالة هاي ما اجت لاسباب مجهولة و بلغتها و هي تقبلت بسس رجعت للبيت و نشرت شغلي لكيتها مراسلتني ليش مكتيلي؟ كتلها الحالة هذي تخصني و اني بلغتج انو حالتج مراح تجي؟ مجاوبت وقتها بس شخصيتي الخايسة اعتذرت منها لان عبالي ما بلغتها و مجاوبت بعد..

خلص دور سين و نون بالقصة هسه نجي لميم شخصية جديدة ويانه

هي مو جديدة عليه لأن سابقاً جانت مكرشة على ولد و تحجي عليه دوم بالسيء يمي بس صار موقف محلو وي بنات و هي اخذت سايدهم و اني ابتعدت عنها و بنفس الوقت صار بيني و بين الولد متابعة و اكتشفت انه عكس الي تكوله هي .. بس لا اخفيكم علماً هي انطتني انفولو و قاطعتني من وراه ادري ليونارديو ديكابريو هو؟ حتى تقاطعين صديقتح علمود خيسته؟

هالسنة رجعت لحياتي وي بنية نسميها واو لان هي صدك واو .

واو كلش جانت مستلطفتني و تحبني بس ميم لاء و هواي واضح ممتقبلتني بس اني مهتميت

بداية تطور العلاقة جانت من ساعدتهم بحالة و جانوا هم المحتاجين و مقصرت وياهم و بوقتها عزمتهم نطلع و ناكل و صارت صدك و حبيت تفاصيل ذاكليوم

وراها كاموا يطلعون ك كروب و يعزموني وياهم و ما ارفض اني بعدين مرة طلعنا وحدنا احنه الثلاثة و حجوا بالمو زين على بنية بالكروب هي صديقتهم المفروض و انصدمت كتلهم بس هي صديقتكم ليش تحجون عليها هيج😐 كالولي بس هي هيج اخلاقها! alright..

محجيت شي بعد و خليتها علامة عليهم، بعدها ضافوني بكروبهم و جان الكروب اكتف بس من دخلت صار صحراء عرفت انو السبب اني بس محجيت شي.. من عزمتهم نطلع وره الامتحان الفاينل ناكل مندي و هالحجي صار قبل هالامتحان بهواي وافقوني و كالوا ايوالله

بس.. بايام العطلة لاحظت الاشارات تزيد بس غلست

بالدوام بيوم الامتحان الفاينل اجيت سلمت عليهم و وكفت يمهم شو عافوني و راحوا و مهتميت اني هم غيرت مكاني و قبل لادخل للقاعة داريد احجي وي واو و ميم انو بالتوفيق بس محد عبرني..

طلعت من الامتحان خابرت واو متجاوب و اني اساسا جنت جوعانة، رحت راسلتها عالانستا كالت اني رجعت.. رحت للكروب شفت ميم و بنية ثانية طالعين كلت مو هسه اطلع من ارجع للبيت حتى اهدي نفسي..

طلعت من الكلية و رحت اكل هناك لكيت بنات ويانه علاقتي بيهم سطحية بس ساعدوني بشغلات و اني هم ساعدتهم، سلمت عليهم كعدت وياهم تناقشنا بالاسالة و اكلت و رجعت للبيت .

اولشي سويته طلعت من كروبهم و رغم البنات ضلن ينشرن و يشوفن ستورياتي عرفت انو هم عرفوا اني طلعت و ما اهتموا ولا اني اهتميت و that's it

افكر اول ما اخلص امتحانات احذف حسابي و ارجع للقديم و شكو واحد او وحدة من الكلية اسويله حظر و ارجع ابني علاقاتي بذاك الحساب لان هملته علمود لا شيء . و شكراً للي قروا للنهاية

ادعولي انجح بمعدل عالي من الكلية لان لعبت روحي من الدنيا

بنص المراجعة لامتحان باجر و عقلي ديطلعلي اغنية too little too late

و ماعرف منين اطفيها راح احرگ روحي

الشمع كام ميفيد وجهي ديصير احمر و اموت من حرارته و بس اشيله و اباوع مشايل ولا شعراية و الفلامنجو يكلولي يسوي شعر الشوارب اسود... جربته على وجهي زين بس خفت اشيل شعر شواربي

فمنو عده اقتراحات لازالة شعر الشوارب؟ ؟