زي ما مكتوب ودي اني انقل من البترول للأمير محمد.
أنا من دفعة ٢٣ وما كان عندي اي نظرة للمستقبل، قالو لي هندسة افضل شي قلت تمام، قالو لي البترول افضل جامعة قلت تمام. دخلت على آخر رغبة هندسة ما فرقت لان حتى اول رغبة ما كان كملت ولا عجبتني. كنت ماشي على كلام الناس مغمض و امشي وحالتي كذا إلى الان.
من اول ترم وانا مو في مكاني، درجاتي مشت الحال لكن كل ترم صارت اسوء و اسوء، بعد التحضيري المواد صارت اصعب و جبت F في رابع ترم و أنا زي ما كنت اعمى و امشي وأنسى و ما اعرف أقولها بالعربي اعذروني delusional أتوقع الحال بيتغير و الأمور سهلات.
أنا بعدها تشخصت generalized anxiety disorder عندي قلق شديد بالذات في الدراسة، وفوق كذا أسوف و احاول أتهرب و أنسى لا اراديا. وهذا اكثر شي ضيع وقتي. في البداية كنت اذاكر يومين قبل الاختبار بعدين صار يوم بعدين صار في نفس اليوم يعدي قبل بساعتين ووصل لمرحلة ان قبل الاختبار ب١٠ دقايق ما اقدر اشوف بس المعادلات والملخصات، دائما يجيني ضيق تنفس يوم احاول اذاكر. امي ما تكلمني إلا عن "ذاكر لي ما تذاكر شد حيلك" وهذا يزيدني قلق و ضغط للأسف.
أنا اؤمن ان عندي مشكلة نفسية و بشتغل على نفسي مع دكتور، معدلي إذا حذفت هذا الترم (غالبا بحذفه ولا بينخسف زيادة) 2.1/4 على الحافة. يا اني اكمل نفس التخصص او اغير تخصص اسهل غالبا ادارة اعمال او اروح جامعة ثانية. افكر Finance pmu لاني شغوف في البزنس و بيعطيني بداية جديدة مع المعدل.
معليش إذا طول الموضوع حاولت اختصره قد ما اقدر. اي نصائح اكانت دراسية او نفسية و شكرا.