u/Impossible-Clue9989

كل سنة أعداد اللي داخلين CS بتزيد بشكل ضخم. في 2017 كانوا حوالي 4 آلاف اللي بيدخلو حاسبات، دلوقتي الحكومي لوحده بيعدي 25 ألف، غير الخاص والأهلي والمعاهد وهندسة وعلوم والناس اللي بتتعلم من بره

المشكلة ان ده بيحصل في وقت الـAI فيه بيقلل فرص شغل السوفتوير، والسوق اصلا مش مستوعب الأعداد دي

والاسوأ اننا مش بنزود جودة التعليم مع زيادة العدد. اغلب الكليات لسه بتعلم الطلبة حفظ وبصمجة، بدل ما تأسسهم في حاجات تقيلة فعلًا صعب الـAI يستبدلهم فيها، وانا مش عاتب على الدكاتره او المعيدين لانهم لو كانو اتعلمو الحاجات دي بشكل صح مكانش زمانهم شغالين بأرقام بياخدها عامل شغال باليوميه

فالنتيجة انك كل سنة بترمي أعداد أكبر في سوق اضيق، والانترنشب او البوزشن الواحد بقى بيقدم عليها أرقام خرافية، والمتميز نفسه ممكن يضيع وسط الزحمة

دول تانية بدأت تفوق من موجة الـCS، وإحنا لسه بنجري وراها متأخر

المشكلة مش ان ناس كتير تتعلم كمبيوتر ساينس، المشكلة انك تزود الأعداد بالشكل ده من غير تعليم محترم ولا سوق يستوعبهم، وبعد اربع سنين تسيب الطالب هو اللي يدفع تمن القرار

لو فيه حاجه واحده كان نفسي اتعلمها من الراجل ده هتبقى اسلوبه وطريقته في الاقناع

حد فاهم الحيل اللي كان بيستخدمها ضياء العوضي عشان الناس تصدقه بالشكل ده؟

بجد المهاره دي محتاجها كتير الفتره الجايه عشان داخل على انترفيوهات وشغل الفتره الجايه ومحتاج الحيل اللي استخدمها وانا بجاوب على حاجه مش فاهمها وبهري فيها

عايز توزيعة لينكس يبقى فيها اصدارات البرنامج حديثه او معقوله مش قديمه جدا زي ديبيان عشان انا مطور ولما باجي اثبت كومبايلر بتاع لغه من المستودع بلاقيه جابلي اصدار من العصر الحجري وعايزه يكون بيستخدم الباكدج مانجر بتاع ديبيان ال apt

وميكونش فيها سناب بتاع اوبنتو ويكون بواجهة جنوم وميكونش كل حاجه فيها مانيوال زى ارش

انا جربت اوبنتو وديبيان وفيدورا

واكتر واحد عجبني هو ديبيان بسبب بساطته وانه مينيمال بس العيب الوحيد فيه هو حوار البرامج القديمه اللي بتبقي في مستودعاته