الاستقلالية للبنت
السلام عليكم اني علاقتي بامي مثل علاقة الجنه و العمه حرفيا لان ما رادت بابا بداية الزواج و نغصبت علية و ما كدرت تعوفة لان هو ابن عمه فطلعت حركته و مشاعر الرفض عليه اني بحكم اني اشبة كلش من ناحيه الشخصية و الاسلوب و صلت بيه لدرجه حتى اذا اريد اسوي اكل او شي ما تخليني طلع حجج و اعذار ( هذا من عدا الضرب و الاهانه و البصق و وصلت بيه مره ضربتي على اعضائي الحساسة و طب علي بلحمام من تسمعني ابجي لان ما تقبل ابجي من تبسطني )و الي ما يعجبه من ملابسي و اغراضي تشكه و تذبه و بعدين تشتكي مني كدام الاقارب انوا ما اعرف اطبخ المهم اني جنت ماخذة سالفه انوا اني الغلطانه و احاول ابر بيه لدرجه غيرت اسلوبي و شخصيتي و سويت شغلات ما مقتنعه بيه و اوفه خطأ بس هي تشوفة صحيحه بس علمود ترضى عليه و صارت سالفه كلش جبيرة و حرفيا هي عافتني و ذبت كل اللوم عليه مع انوا هي جانت السبب الرئيسي بيه بس اللوم وكع عليه اني و لحد ذيج اللحضة هم شفت نفسي الغلطانه لحد ما يوم شفت عمتي شلون ضاجت و بس تريد تبجي على ابنه على شغله كلش بسيطه ما تسوة و بذيج ساعه كانوا دكمه نفتحت بعقلي و استوعبت انوا تصرفاته و الضرب و الاهانه تسويهن لتفريغ الغضب و العصبية مو للتأديب و انتبهت انوا ما تقبل الزمخه و العيطه على اخوي و هو مسوي مصيبة جان تكدر تودي للسجن بينما اني انهان على ابسط شي و حتى اني عندي مشاكل بتكوين صداقات كلما اصاحب تطلع مؤذية و مسمومه و تسببلي مشاكل و توكعه براسي( و لاحظت شغله بيهن كلهن نفس شخصية امي) المهم من استوعبت هذا الشي دمرت حرفيا بجيت بواجي الي ميتله واحد( و فعلا هي باعتبار ماتت بلنسبة الي) و اخذتلي بسنتين ما بين بواجي و اتذكر سوالفه كلهن الي جانت تسويهن الي بس بوعي للشي الي جانت تسوي لدرجه اذكر مره عمري 11 سنه اكلله ماما لا ضربيني هيج قوي افحط من البواجي و كلبي يريد يوكف (اكثر من مره اتكررت هاي سالفه و اطريت اشتكيله ) بس هي جذبتني و طردتني المهم وصلت لمرحلة اختفت مشاعري تجاه و صرت اكره و ما اطيق ابقة يمه هذا الكلام و احنه على طول السنتين عركات و مشاكل اخر شي بردت غلاقتنه كلش و ضاهر هي هم ياست بعد ما تكدر تضربني لو تهين بيه و كامت تتعامل وياي بشكل سطحي و الحمد لله احس هيج مرتاحه بتعامله اكثر من قبل لان قبل بس نغزات و اهانة من جوة لجوة
المهم اني هسه مرحلة ثالثة و اريد طريقة اقنع اهلي بيه انوا استقل بيت وحدي لان كلما اشوفة اذكر تعامله وياية و ما اتحمل و هي كذالك هم دتحاول تتخلص مني تزوجني (تريد عمه من ذني الي يتحكمن بكلشي و يجوعن المسوان و يشغلنهن حتى تربيني و تعلمني على شغل مع العلم شغل البيت كله عليه هي بس تطبخ) و اني عندي ذني سنتين حجه ارفض زواج اذا اتخرج ما بيه مجال بعد لازم اوافق و اني بوضع يسمحلي باي ارتباط لان مدمرة و اي بشر ما طايقته و احس اكره العالم كله و الكل بس يريد يأذيني ما اريد اصير تحت سلطه احد بابا زين بيه مجال متفهم بس يبقى المجتمع و تبقى هي اله التأير الاكبر لان هي الأم. اتمنى ما اكون ازعجتكم و ما جنت مخططه حتى اكتب هاي السالفه كله بس اخذني واهس الكتابة و شكورين لحسن الاستماع