u/Intelligent_Head_882

حد عايز نتكلم شوية ؟ واهو بالمرة اتعرف على ناس جديدة

طبعا كلنا عارفين ان علاقة الجنسين ببعض دايما خارج إطار الزواج بتكون بمعايير معينة وضوابط معينة ،طيب انا كطالب جامعي بشوف علاقات كتير بين بنات وولاد وضحك وهزار وطبلة وشخليلة وبلاقي ولد شغال مع بنتين او ثلاثة حتة واحدة والعكس صحيح

فكلامي هنا بقا عني انا ، انا شخص طبيعي جدا عندي صحاب في الكلية ولكن مش بنات خالص كلهم ولاد طبيعي جدا في حين ان عندي صاحب تقريبا علاقاته كتيييير اوي ولاد وبنات وللامانة بحس ببعض الغيرة 😅لاني بكون عايز اتعرف اكتر عن الجنس الاخر عايز اكسر حاجز الخوف من التعامل ده عشان قصة الخجل او التردد او او عملالي أزمة مع نفسي الصراحة

ايه رايكم في الكلام؟ (مرحب بكل الاراء والنقاشات)

من وجهة نظر العبد لله المتواضعة في الحياة عامة ان اغلب الحاجات النهاردة بتتاخد بعنف غريب يعني لما بحاول اخلي حد يتكلم او يفضفض معايا والعكس ف بتتشاف من منظورين وهما : الأول انك رغاي تعبان في مخك وعندك كبت يبنل **** او انك بتتشاف انك عامل زي الحريم (مع احترامي) وبتحب ترغي

فسؤالي هنا : ليه الناس كدة ؟

(انا لو لقيت بني آدم بيستظرف هزعله عليا النعمة)

حد بياخد باله من السرعة الرهيبة في مرور الوقت؟ يعني انا افتكر تفاصيل اعدادي بتاعتي بالضبط وكانها امبارح !!! يوم بعد يوم بحس انه انا مضغوط بس ازاي او ليه؟ لأن في الكلية دلوقتي انا مفروض عليا اني اعلي دماغي واكتر معلوماتي وابدا اتعمق اكتر في مجالي وهكذا فبحس بحمل صعب عن كل يوم بيعدي وبالتالي بحس اني غير سعيد او غير راضي فده الي انا بتضايق منه عامة ومسببلي مشاكل مع ذاتي