u/Just_bubble_

حبابين حبابين انا قريت مسائل اول 4 فصول وكلاميات تطكطك عادي اعوفه واقره ماده ثانيه وارجع بآخر ايام لان جد جد لعبت نفسي من الفيزيا ومجاي اكدر الزم نفسي ساعه دراسه مجاي اكدر اركز كلش انقرفت من الماده

احتاج ارجع للجاهليه اشتري عبد احطله كرسي ومكناسه خوص واكعده يمي ارتبلي جدول بكل دقيقه من اليوم وانطيهيا وكلما شافني زغلطت يحمسني بالمكناسه لو يعيط بيه لان الوضعيه رْربت كلش حموت حرفيا صايره اكعد من الفجر ادرس ساعتين والضهر ساعتين بعدين انهار وبحيرات وباقي اليوم يضيع تسخيت وكلشي ماجاي امشي بالدراسه ويوميه اكول ماضل شي هنه عشرين يوم وانوب شهر وانوب اخلص الوكت جاي يمشي بس مجاي يمشي فاهمين شلون؟ من اريد ادرس يطير الوكت ومن اتعب واريده يمشي يوكف ولمن اريد احد اتعارك وياه واطلع ضوجتي بيه كلها تختفي عبالك تبلعهم الكاع وكلما كلت خلي اطلع من الغرفه اخذ نفس اكل حْرا ياهو اليشوفني اكله يابه بس خلي اسوي وياك شغله اياً كان اللي جاي تسويه حتلو تغسل حمامات بس اريد اسوي شي غير التسخيت والدراسه يحجون علي يكلولي روحي درسي لعبت روحي حتى من روحي لو اكل لو دراسه لو تسخيت لو بجي لو نوم عيشتيش هاي هو السادس شنو هم اكلان تبن مرحله رْربه نعلعله هيج تربيه لابوكم لابو الحطكم نضام تعبان وعيشه تعبانه وموقع تعبان يعني هم سادس وهم بنيه وهم بالعراق وهم بالبصره اقلها لو بغير مكان جان كدرت اطلع اتنفس مو حدي لباب البيت وياريت بيه منظر حلو لا بس رْباله وتراب ودنيه صفره مثل وجهي الغبر اردموت هي كلها هيج لو بس انا احس راح اتسودن مدري اصلا تسودنت مدري شني

قبل سنتين صديقتي اشترته ما عجبها تعرف انا احب اجمع الكتب وخصوصا المستعمله ودته الي اعتقد اعتقد قريته بس كلشي ما اتذكر منه عاجبني ارجع اعيده هو وكم كتاب بس اخلص امتحانات اذا شاء الله وخلصت من دور اول المهم منو قاريه وشنو رأيكم بيه