ابغى اشتري جهاز سير بس مو عارفه ايش افضل شي وايش المواصفات اللي احرص عليها ؟ عاجبني النوع اللي يتسفط ويدخل تحت الكنب ماياخذ مساحه بس لقيت كثير شركات اذا عندكم اقتراحات اعطوني وياليت مايكون سعره مرتفع يعني بحدود ٦٠٠ او حولها
امهات او اذا فيه اطباء هنا يفيدوني ولدي عمره سنتين و ٨ شهور ويقول كلمات محدوده مره زي اسماء الاكلات و العابه واسماء بعض اقاربنا و ماما وبابا بس ماينادينا فيها فقط يقولها كذا عشوائي لما رحت عند دكتورة اطفال قالت لي وضعه تمام وانتظر لين يتم ٣ سنوات وبعدين اروح اشخصه لو ماتكلم لأنه الحمدلله يفهم علينا وينفذ طلباتنا اذا طلبنا منه يجيب حاجه
امهات اللي عندها معلومه تفيدني او اللي مجربه انا ولدت من شهرين و ارضع طبيعي و مره وحده فاليوم اعطي رضعة صناعي طبعاً ما اخذ مانع حمل السؤال متى تجي اول دورة ؟ للي يرضعون طبيعي و صناعي
انا متزوجة و عندي ولدين الاول عمره سنتين ونص الثاني تو جبته من شهر الحمدلله لكن صرت احس بعدم رضا عن وضعي مع الضغط بعد ماجبت طفلي الثاني زوجي يداوم بمدينة ثانية لمدة اسبوعين و ما اقدر اروح معاه لأنه يداوم ١٢ ساعه وما اقدر اجلس لوحدي مع الاطفال كل هالوقت اذا سافر اروح لأهلي و كل مهام الطفلين علي ( تنظيفهم و النوم وانتبه للكبير لايخرب شي او يأذي اخوه ) زوجي اذا صار عندي يساعدني كثير ويتولى مهام الكبير وهو انسان متفهم و طيب ويساعدني بأمور البيت ويخفف عني كثير و انا ممتنه لهالشي و دايم اشكره وابين له قد ايش احب هالشي فيه لكن احس بنقص من الناحية العاطفية رغم اني كلمته بس ماتغير شي مايتغزل فيني ولا يمدح الا بالقطاره و العلاقة الحميميه اخر فترة صارت تنعد عالاصابع و مايجيب لي هدايا يعوضني عن هالنقص ما اقول ابغى شي غالي و عارفه انه مايقدر لكن حتى باقة ورد نسيت متى اخر مره جاب لي من لما عرفت اني حامل طلبته يجيب لي هديه ولدت عملية وكنت تعبانه ونفسيتي سيئة و تعذر بالماديه طيب باقة ورد يامسلم تخفف عني التعب و انتظرت لوقت نزول الراتب توقعت يجيب لي شي و سحب علي :) وضعنا المادي مو سيء الحمدلله لكن الواضح انه مو حاطني اولويه ويشوف اللي اطلبه تافهه الحين هو مداوم و انا عند اهلي و مو طايقه اشوف رساله منه و صرت ارد ببرود وهو حاس بهالشي صار يرسل لي مقاطع تضحك يقاله بيفتح سالفه
اذا عندكم نصيحة او توجيه يخفف من شعوري بالسوء ياليت تشاركوني انا كتبت هالبوست افضفض عن مابداخلي لأن ماعندي احد اقدر اقوله عن شي يخصني انا وزوجي
توي ولدت ماخلصت الاربعين وناوية اخذ مانع رشحوا لي مانع مناسب مع الرضاعة الطبيعية ويكون اخف ضرر وبدون الاعراض الجانبية مثل تنقيط او ثبات وزن واحتباس سوائل
اربع سنوات زواج ولا مره استخدمت مانع هرموني بسبب اعراضها الجانبية والبلاوي اللي تسببها لكن الان قلت اجرب نوع خفيف عشان ارتاح من القلق اللي كنت اعيشه كل ما تأخرت الدورة