احتكار الحرية
في نمط لاحظته عند كتير من معارفي وصاحباتي..وقت حد يذكر رغبته ب انه يتحرر من قيد معين دائما ما بتكون ردة فعلهم سلبية.. الغريب انه هم نفسهم بكونوا كارهين لهاد القيد..ك مثال اعتيادي، الحجاب، اختي الكبيرة بتقنع اختي الاصغر انها تلبسه رغم انه هي نفسها كارهيته وبتتمنى لو ما لبسته، وحدة من صاحباتي (محجبة بس اكتر وحدة بتكره الحجاب ومقتنعة انه مش فرض) وقت اذكر رغبتي بشلح الحجاب مستقبلا بتكون ردة فعلها عنيفة الى حد ما...انا بشوف الموضوع انه هاي النوعية من الناس بتخاف تكون لحالها الملتزمة بقيد ديني او اجتماعي معين بس ليه ما ياخدوا الموضوع بطريقة تانية؟ ليه بدل ما يحبطوا الناس من انهم يكونوا حرين يحاولوا يسعوا لحريتهم هم كمان؟ والاغرب انه في ناس عندها امتيازات وحرية بكرهوا يشوفوا الاشي هاد عند غيرهم..عنجد عندي فضول اعرف شو السبب اللي بخليهم هالقد خايفين انه غيرهم بخطط وبسعى لحريته؟