ابوي مقصر معنا
انا (٢٢)و اختي الصغيرة (٦ سنين) و امي مع ابوي بالبيت، ابوي كل شوي بطلعله بفكرة بتكلف مصاري قد الدنيا و بياخذ قروض على اسم امي( بعرفش كيف بقنعها) و بيشتري اشياء على حساب خطيبي و بحكيله برجعلك و ما برجعهم و انا كل يوم همي هالمصاري الي متداينهم منه. هلا قاعد عم بزيين البيت ب ٨ الاف و انا عندي جامعة و اختي مدرسة مصروفي ما بتعدى ال ٢٠ دينار هاد اذا اعطاني ٢٠ كاملات
ببعتلي مثلا ١٥ و بحكيلي اشتري اكل لاختك و لامك من طلبات و انتو عارفين قديه طلبات غالي. انا ما معي سيارة و بدفع مواصلات، و بالبيت ما في عنا اكل من الورشة بضطر اكل من الجامعة و انا جامعتي كتيييير غالية. المهم مبارح رحت اطلب منه مصاري فتحلي موال انه مضغوط و نفسه يرتاح و يموت و يخلص و ابصر ايش و يحسسني بالذنب. قبل شوي رن علي بحكيلي اطلبي اكل لاختك، سالني معك ولا ابعتلك ( يعني لو معي لازم ادفع من مصروفي) حكيتله ما معي بالمرا و فعلا ما كذبت انا كان معي ليرة و ٤٠ قرش و الباص ٠.٩٥ قرش، صار يسب و يحكيلي انا بدي انجلط انا اخريتني اموت من الضغط انا ابصر شو و انا بالاصنصير بالجامعة و ملان و كثير انحرجت، كتير زعلت و عصبت و حكيتله انه خلص بدي اروح.
بحس ما بحس فينا و ما بحس قديه نحنا مضحيين بكتير اشياء عشان هو يسوو و يخبص و بدفع على كيفه. بكون معه مصاري الاف بروحوا بيوم و ليلة و ولا بيجي بحكيلنا خذي هي مصاري زيادة هي خليهم معك او بحكي لامي خذي مصاري اشتري او سويي. نحنا بالبيت كلشي بدنا اياه بنخسر على حالنا فيه، انا بقص شعري بالبيت و ما بشتري اواعي و ماما نفس الاشي. كتير مضحيين باشياء و كتير منسمع حكي خرا و زي السم و بنحس بالذنب من حكييه. نفسي اعيش حياة بنت جامعية بتطلع و بتصرف و بتلبس
بس للاسف اذا بدي اكل بقعد بحسب بالقرش و اذا كان الاكل اكتر من ليرتين بستخسر بحالي عشان يضل معي مصاري.
شو اسوي كتير نفسي ابكي كتير كتير يعني ما بدي حياتي تكون هيك!