u/Low-Chemical-4676

لي ست سنين عاطله لين قربت انجن من الفراغ و الوحده قلت بتوظف اي شي بالحياه واشتغلت في عياده جنب بيتنا صارلي كم شهر بس ماني قادره اتخطى سالفة اني دارسه بكالوريوس اربع سنوات في تخصص حلو وكان مطلوب وكنت شاطره ومجتهده جدا في الجامعه من المتفوقين وقي المدرسه من الاوائل واخر شي هذا حالي استقبال في عياده؟ كل يوم هذي الفكره تنخر في دماغي ان ليش الدنيا مو عادله كذا ليش ما اخذت قد تعبي
واندم ندم عمري على جديتي في الدراسه وعلى اجتهادي وتفوقي اللي راح هباء منثورا ……. هذا مكاني؟ هذي نهايتي؟ هذي احلامي اللي كنت اطمح لها؟
الان محتاره بين اني اكمل عشان اشغل وقتي او اترك لان نفسيتي تحت الحضيض كل يوم اداوم منهاره وارجع منهاره
احس ماني قادره اشرح هذي المشكله لاحد من محيطي لان محد رح يفهمني

ياجماعة انا الان عمري ٢٩ سنه بس من بداية مراهقتي تقريبا اذا مو من طفولتي احس بالاحراج والعار من نفسي ومن كل شي يخصني
احس وجودي بالحياه كذا محرج، وهذا الشعور معطل حياتي وحرفياً موقفها كنت حابسه نفسي بالبيت ست سنوات لا اطلع ولااروح ولا اجي وحتى في البيت بس جالسه لحالي وحتى وانا وحدي احس بشعور اني مقيده ومكبله مقدر اتحرك براحه او بعفويه كل شي احسب حساب لو احد شافني اسوي كذا وش بيفكر عني! تخيلو وانا لحالي؟؟؟ مقدر اتحرك براحه او ارقص او العب ماعرف اتصرف بعفويه كنتي متخشبه
المهم من ٦ شهور ضغطت على نفسي وقدمت على وظيفه استقبال في عياده عشان اواجه مشاكلي النفسيه
الحاصل انها زادت موت !! بالذات مشاكل الاحراج والعار تخيلو اروح للدوام ٨ ساعات وانا بس جالسه في مكاني لا اكل ولا اشرب ولا اتحرك حتى احس بإحراج اني اجيب معاي مويه واكل وقهوه…اليوم صار موقف تافه قلت للعامل اني ابغى اغير الكرسي حقي وابغى يجب لي كرسي ثاني هو رفض وخلاص راح وعدى الموقف شوي هو راح كلم المشرفه وهي جتني قالت تبغين شي من العامل قلت لا! وخلاص عدى اليوم ماتتخليون قديش هذا الموقف مسبب لي ازمه ومعطل لي يومي طوال الوقت يتكرر في مخي وينعاد ومو قادره انام احس اني محرجه من نفسي واقول ياليت ماتكلمت مع العامل … هذي نبذه عن موقف بسيط وكل يوم هكذا مواقف تافهه بس تعطل يومي وحياتي