u/Madness_7606

يوم كنت بسادس ابتدائي او شي قريب من ذاك العمر كانت ايام الصيفيه وذابحني الطفش والي موجودين يطفشوني ياخي وكنا بالحوش الساعه ١١ ليل تقريبا

الجيران كانو ناس مره مزعجيني ويسرقون سياكلنا والعابنا؟ وسوس لي الشيطان يوم شفتهم متجمعين في حوشهم اننا نرمي عليهم صخور وقلت لأولاد خالتي الفكره قالو بس! سبحان من يعطيك الأفكار هذي يا اوركا الذكي

طبعا ايش! انا ذكي ما رميت معهم بس اعطي توجيهات! في البدايه رمينا رمينا لين سمعنا صوت تكسير قزاز😰 وقفنا شوي بعدين قلت يلا يا شباب بلا خوف! اساسا محد بيقولنا شي! ورجعو يرمون لين فيه أحد صاح من سطح بيتهم وحن حتى ما ندري وش قال ومن وين جا على طول ركضنا البيت

بعدها بشويه جو اهلنا قالو هي انتم وش مسوين!!! وجلسو يصيحون علينا، اكتشفنا ان الي صاح علينا كان يصورنا وكسرنا وحده من سياراتهم وارسل الفيديو لخالي وخالي ارسله للباقين، بغينا ننطرح بس حمدلله ان واحد من اهل البزارين كان مره اوبن مايندد وقال عادي chill☺️ انا بعطي الرجال فلوس السياره واتأسف منه هو كان الهيرو بالقصه وانا عشاني ما بينت وانا ارمي بالفيديو اهلي ما هاوشوني وحطيتها في راس واحد ثاني

اهلا وسهلا

مالكم بالطويله انا اول طفل لأهلي وماعرف من الفرحه خلوني مقموع ومكبوت او ايش، ماكان فيه نت الا يوم الجمعه ساعه واشياء كثير مثاليه زياده عن اللزوم واعتقد اني كنت طفل مره مستكشف ويحب يعتمد على نفسه اشغلتهم فحرفيا خوفوني من اي شي وكل شي (حاليا عندي anxiety)

يعني خذو هذي مني لين الحين صعب علي اتمشى وحدي برا البيت كأني طفل كبير اخاف من الوحوش مع ان محد حولي، اكره الألعاب الي كنها خطيره واكتفي العب العاب الطاوله...😅 اكبر فله عندي لما اروح المتاحف والاكواريومات

بعد ماصار عندي أصحاب بشر عاديين مو خوافين مثلي وصارو يسحبوني معهم كل مكان يا ولد والله فله الحياه مو كل شي مقلق وعادي زياده عن اللزوم، عرفت مين انا اكثر ووش افضّل ووش الاشياء الي تريحني اكثر ومو شرط نسمع كلام الناس اذا مو عاجبنا

يمكن اكثر شي مسكين كتبته في حياتي لكن يالخوافين الي مثلي زمان روحو عالجو القلق وهجو بالأرض قبل تصير حالتكم حرجه وتصيرون ويردو نيردز حياتكم بس بالنت ما تتروشون ولا تلمسون العشب

حرفيا كنت احس اني مقيد، انت مو مقيد رح عيش حياتك بسلام وراحه