بنات مره تعبت من الشنب تخيلو ان لي سنين اشيله ليزر ومعد باقي فيه شعر بس للحين باقي فيه لون اخضر يخف ويزيد ولا افهم وش السبب اشيل بالموس مايروح اشيل بالليزر يخف ويرجع بعد اقل من اسبوع وكل نيرس تمسكني تقول مافيه شعر ليه جايه
وش اسوي فيه هذا مره متعبني خصوصا اني ما احط ميك اب كثير بس كونسيلر وبلش وبعض الاحيان اضطر ازيد عشان اغطي الخضار بس
ماعرف لو هذا بس عند البنات لكن اخر ثلاث انديه كنت فيها ماشفت ولا كوتش من غير الجنسيه المصريه والمغربيه وبصراحه ان بعضهم ماعندهم حتى المقومات انهم يكونون كوتشز والتمارين يسوونها ويعلمونها بشكل غلط ويضيعون وقت المتدربات على الكارديو وغيره
هل فيه سبب مقنع ان الانديه ماتجيب كوتشز سعوديات؟ هل مافي رغبه او المجال فعلا مافيه سعوديات؟
بصراحه انا قريب متخرجه وصار عندي وقت فاضي وقاعده افكر بالشغله من جد خصوصا ان عندي خبره كم سنه لكن ماعرف كيف الطريق وهل يسوى او لا
انا ما اعترف بالاي شادو ومره ما احبه اركب رموش طرف بس احس ان عيني تبان مره صغيره وكانها مفقعه نوم لما اكون حاطه كونسلير قالت لي صاحبتي استخدمي كحل تحت عينك والصدق انه فرق معي بس ما احسه مناسب لميك اب يومي او صباحي صرت بس اسوي هذي الطريقه بالمناسبات بس باقي الايام وش تسوون كيف تبينون عيونكم بدون تحطون اي شادو او كحل واضح
الاسبوع الجاي ان شاءالله راح ابدا تدريبي وودي يكون هذا البوست مرجع لي ولكل المقبلين على التدريب الفتره الجايه
اي نصيحه او معلومه ممكن تفيدنا لا تبخلون علينا واعتبرونا اخوانكم الصغار🤝🏻
احس اني ما ادري وش ابي او ايش اوصل له بالضبط وهذا من الاسباب الي مخليتني ما ادري اذا انا بالطريق الصح او لا
بعض الاحيان احس ان محد يدري اذا هو صح او لا بس كيف تدرون انتم وش تبون توصلون له او متى بدات تتضح لكم الرؤيه
استخدمت الكرياتين قبل سنه تقريبا والتزمت عليه لمده ٣-٤ اسابيع بس ووقفته لان وزني على الميزان كان يزيد وشكلي بالمرايه كان مرررره بلوتد وكل شي فيني متفخ بشكل مو حلو وكل ماقلت لاحد قالي اصبري الاسبوع الجاي يفك ولا فك وبديت احس بنغزه بسيطه بكليتي بعدها بيوم وقفته
عموما خلال هذي السنه عانيت مره من ناحية البناء العضلي لان تقفيلي للبروتين مو افضل شي بصراحه فهل تحسون رجعتي للكرياتين بتساعدني بالبناء حتى لو كملت على وضعي بالبروتين ولا اعدل البروتين فتره بعدها اقرر اذا ارجع له او لا
هل فعلا رواتبهم تعتبر منخفضه وينحسبون من الحكومي؟ ما اعرف احد قريب اقدر اساله عن الراتب
سويت انترفيو يوم الخميس واتوقع انها كانت كويسه وطلبو مني اسلم اشياء زياده عشان يشوفون شغلي
متى مفروض اتوقع الرد يعني الرينج الطبيعي؟ وهل ينفع اتصل على الHR الخميس الجاي اسالها لو ماوصلني رد؟
احد متوظف هناك او يعرف وضع التوظيف عندهم وبيئه العمل؟ مالقيت عنهم ولا شي حتى في glass door
اول انترفيو بحياتي تقريبا وبفرصه مره مهمه وابيها ولا عارفه كيف اتجهز ولا شي
بتكون اونلاين و ٣٠ د بس احتاج نصايح او اي شي ممكن يفيدني 🙏🏼
بنات احد يستخدمه بشكل كثير؟ يعني مثلا ٤-٥ مرات بالاسبوع؟
انا بس استخدمه للمناسبات المره مهمه لانه يخوفني بس انه الصدق مره مره خيالي بالتثبيت ولا لقيت شي يومي يثبت زيه
الله يعافيكم انا مطلعه الفيزا السنه الي راحت بتاريخ ١٩-٨ ونهايتها بتكون هذي السنه في تاريخ ١٦-١١
هل ينفع اني اسافر بتاريخ ٢٨-٦ وارجع قبل ماتنتهي ولا لازم يكون باقي فيها ٦ شهور؟
هل طبيعي اني للحين مو قاعد يوصلني ولا رد من احد لا رفض ولا قبول ولا انترفيو ولا شي ؟
لي شهر ونص موقفه الجيم بسبب ضغط الدراسه اروح يوم يومين بالاسبوع بس ابدا مو نفس صملتي وروتيني قبل
الي لاحظته اني احس اني دبه وسامنه واني ضيعت تعبي وجهدي ولازم ابدا من الصفر مع العلم ان وزني نقص وبالصور جسمي مافرق مره عن لما كنت ملتزمه بس الشعور مو طبيعي كل ماشفت المرايا احس اني صدق سامنه وثقتي قاعده تنضرب
قاعده اقدم على كووب واتصلو علي ناس مره ابيهم بس مره ماتوقعت الاتصال ولا وقته ولا كنت متجهزه ابدا ابدا والصدق هبدت شوي وقامت تسالني عن الشركه وعن نفسي بالعربي وانا اعرف بالانقليزي فكان فيه شوي لاق بين اني اترجم الانقليزي للعربي ومررره تورطت وتوترت وقالت لي بعدها انه بيكون فيه انترفيو اونلاين وقالت لي اتواصل معاها في يوم معين
السوال هو هل الهبد الي سويته بياثر علي دام قالت ان فيه انترفيو؟
السلام عليكم
انا صراحه مالي بالاستثمار ولا افهم فيه وهذي السنه خريجه وقاعده تجيني مبالغ هدايا ولا ودي اضيعها في مصروف او شي ما استفيد منه قلت ممكن لو احطها في تمره استفيد شوي وتمسك الفلوس بدال ماتصير قدامي واقدر استخدمها في اي وقت
هل تشوفون تمره مناسب او فيه شي افضل؟ ولو عندكم نصايح ممكن تفيد اكون شاكره