اردني، غالبا بتكون هديه جماعيه من القسم لانه مستقيل بس بعدهم ما حددوا الميزانيه.
بحثت واغلب اقتراحات هدايا الشباب تكون قلم بوك ساعه كاب نظاره شمسيه، في شي يستاهل او عندكم افكار ثانيه؟
ترشيحاتكم لميكب ارتست شغلها توب لعرس اخوي ف بوظبي🥲
موظف من قسم ثاني طلب مني شغله وخلصتها بعدين قال تعالي المكتب توقعت عنده سؤال يخصه فالشغل.. رحت له اخر الدوام اول شي قال نسيت شو كنت بسال قلت له خلاص يوم تتذكر طرشلي عقب قال لا متذكر بس متردد اقولج قلتله اذا متردد معناته لا تسأل وكل ما افتح الباب بطلع يقول لا بقول (وعلى هذا المنوال خمس دقايق) بعدين نطق وليته ما نطق.. ياب طاري سالفه من سنتين ويسالني عن واحد اذا عرسنا او هو بس حبيب، طبعا استغبيت منو وما اذكر وقعد غصب الا يذكرني فيه واعترف شفتكم في وضع رومنسي وكنت مشبه عليج وكل ما اشوف ويهج اتذكر الموقف… وتم يحلف انه ما خبر حد ولا حتى ربعه. في البدايه كان مسوي عمره شاك ف كنت اقول لا مب انا بعدين طلع ويهه الثاني وقال الا انتي ويوم دخلت عليكم كنتوا (ووصف الموقف بتفاصيله الغبيه كلها) وغصب يباني اعترف قلتله شو تستفيد؟ وليش فجاه تطري شي من سنتين؟قعد يقول لا عادي دامج مب معرسه كلنا عندنا ماضي حتى انا بس اكيد بعد الزواج اعرف انج ما بتسوين جي قلتله انت ما تعرفني (الغبيه الي اتيب الشك لعمرها) المهم راح قال انه محافظ ع السر وحتى المواطنه الي وياه ف نفس المكتب ما سالها (هي بعد تعرف زختنا مره) حرفيا كل الي فالشركة يعرفون اصلا وانا من بعد ما انهيت الموضوع تبت لربي وتغيرت وانعزلت وما ارمس ولا حد من الموظفين لانه حتى من فتره البنات رامسين عني في هالموضوع يعني حرفيا لين متى بيلحقني هالموضوع خلاص تعبت منه نفسياً وهذا اخر موظف توقعت انه يعرف عنه اثاريه طلع متوظف ف نفس فتره العلاقه من جي ما اذكر وجوده وقتها وصدق ما اذكر انه دش علينا من كثر الي دشوا :) والله طلعت من عنده واحس بحريقه ف صدري و ع اخر شي كانت عيوني تلمع شوي وبصيح وبديت القى صعوبه في الرد بس طلعت قبل يبين ع صوتي. ما اصدق سنتين مرت وانا للحين اعاني والجلب عايش حياته بعيد بعد ما عفس دنيتي اقسم بالله افكر اقدم استقالتي من باجر