محتاجة مساعدة اعمل ايه انا كنت بلعب كويس جداً ودخلت ١٠٠٠ بسهولة وكملت شوية ووصلت ١٠٤٠ وفجأة لقيتني بقيت اخسر كتير ومبقتش حلوه زي الأول مبقتش بعرف احسب النقلات واقل فخ اقع في وبقى اقصى حاجة اعملها اتعادل اعمل ايه بجد انا لعبي مبقاش زي الأول انا غالباً بلعب يا افتتاح لندن او ruy López او الايطالي وللاسود الملك الهندي
ازاي ممكن اعمل glow up في شهرين الإجازة دول؟
غالباً بشوف الناس بيقولوا خسي وروحي الجيم عشان يبقى شكلك احلى بس انا مش محتاجة اخس خالص بس برضه مش حاسه اني راضية عن نفسي محتاحة اعمل glow up يغيرني شوية مش بحس اني attractive خالص محتاحة نصايح بجد وعملتوا glow up ازاي
انا عمري ما روحت جيم قبل كده بس ناوية الفترة دي اروح وكنت عايزة اعرف ايه اللبس المناسب هناك ولو في ستورز كويسه وبتعمل هدوم للجيم بخامات نضيفة
اه والجيم هيكون بنات بس فا هل البس براحتي ولا هبقى اوفر؟
دلوقتي انا تانية ثانوي وخلاص كلها شهر واختار بس انا لحد دلوقتي في حيرة بينهم مش عارفة ايه الانسب انا بحب الرياضة وعايزة أدخل هندسة بس العيلة مش حبين الموضوع اوي وعايزني ادخل طب وانا مش الهو مش عايزة طب خالص بس حساه مش مضمون لأنه انا ما اخدتش احياء خالص فا مش عارفة مستوايا فيها وبعدين هما اكيد هيحطوا منهج التلات سنين مع بعض فا هيبقى كبير اوي ولسه المنهج هينزل امتى كمان دي حاجة حساها هتلخبطني جدا على عكس رياضة ااكيد مش هيغيروا حاجة فيه يعني واناا من زمان جداً باخد رياضة وكويسة فيها وبحب اذاكرها كتير بس المشكلة مبجبش درجات كويسة برضه فا خيفة اعمل الانا عايزاه وادخل رياضة وفي الاخر مطولش هندسة وقتها مش عارفة هعمل ايه اصل مفيش كلية تانية عايزاها برضه انا لسه السنة دي بقيت عايزة ادخل هندسة انا طول عمري كنت عايزة طب زي ما عيلتي عايزين وبرضه مش عايزة ابقى بمشي في القطيع واختار علوم وخلاص وكمان التنسيق بيبقى عالي اوي في علوم عن رياضة فا حاسه دي حاجة تخلي رياضة اختيار امن شوية بس انا برضه معرفش محتاجة اخد رأي حد كبير