u/Next-Currency-7434

الوالده شغاله بمدرسة وتضيع وقته على البوربوينت ابي اسرع شغله بس شات جبتي وكلود يحسون الدنيا ب العربي

السلام عليكم

يا اخوان انا غاثني ه الشيء تمشي على الطريق تحصل واحد شغال فود ترك او يبيع خضره او حارس امن او كاشير

يا اخوان هذا خلاص هذولاء زباله ولا وشو ليش مافيه برامج تعيد تهيئتهم لسوق العمل يعني واحد ما كان يذاكر ب الثانوي يقعد طول عمره يعاني

ب النهاية انا ادري انه هو يقدر يعلم نفسه طيب والجاهل فيه كثيرر يجدون صعوبات تعلم مارح يشوف دوره ممكن تعلمه ١٩ معلومات من اصل ٣٠ مهو كل الناس تثابر سعيا ورى معلومه

يعني انا منقهر ليش الطاقات هاذي تروح وحنى نقدر نستفيد منه

شركتي يشتغلون ب اشتراكات طلاب هل اقول لهم يوقفون وابلغ عن ها الشيء واعتراض اني اشتغل عليه؟ لانه مكتوب ممنوع الاستخدام التجاري ومابي اكل حرام علشان مايبون يدفعون كم قرش

السلام عليكم اول شيء مهو حسد ل اخوياي لاكن منقهر صدق كل الي عندي اذكياء بشركتي

واقسم بالله اخوياي بشركات الي عندهم حمي# وانتم بكرامه يعني واحد راتبه دبل راتبي سوى تطبيق ب ai غبي غبي مره جته ترقيه وحسبوه مشروع ومادري وشو ونفس الشركه عندهم قسم اي تي يسويه بنص ساعه

المشكله انه كل هذولاء رواتبهم دبل راتبي وانا اقسم بالله اني اشتغل وظيفة ثانيه تبرع من عندي لو اسحب عليه اقسم بالله تضر الشركه بشكل قوي حاولت اكلمهم يرفعون يراتبي يعطوني اوفر تايم والله طردوني طردت كل# وانا مجهز عرض وال kpis الي حققته والارباح الي جبته اقسم بالله مضغوط ليش الحياه سهله كذا عندهم كل المدراء يعرفون يسوون شغلي لاكن محد فاضي تعبت تعبت

وب النهايه يجيني الي مسوي مشروع AI يقول انت مانت شاد حيلك شوي واتفل بوجهه حياته سهله

هاذي كله حلطمه سوالي كيف القاء الهطوف هذولاء والعب عليهم بمشروع ai ويعطوني دبل راتبي لانه كل الوظائف الي اقدم عليه فجاءه كلهم فاهمين ويعطون راتب زي التبن

ليش ليش

السلام عليكم اخوكم توه مقفل سنه ك مدير مشروع

وقاعد افكر كل شغلي روتيني اجتمع مع الفريق اخذ تحديثات اتاكد مافيه بلوكر لشغلهم اقيم المخاطر اجدول مهام اتاكد ان المشروع ماشي صح الخ الخ

هاذي كله يقدر يسويها الذكاء الاصطناعي

هل اصمل فيه ولا اغير مجال علما انه مجالي الاساسي تقني

السلام عليكم
يا اخوان انا منزعج من عاده منتشره عندنا ي الشباب او ب الاحرى دائرتي الاجتماعية ياخي امر الاغاني عادي نطلع نتمشى يشغلون ومهو بس يشغلون يغنون معه انا جالس وصامت كذا وش حركات الغريبه هاذي

وغير ب الدوام اكون متكي اشتغل يجون الموظفين يطقطقون علي يشتغل بدون لا يشغل اي شيء كلهم لابسين سماعات ولاا الي يقهر انه يحسبوني مستحي يقولون عادي جب سماعاتك وشغل ميوزك وبرد لا تصير شادها

الله يعني الي مايبي يسووي حرام صار شاده والافتراضات هاذي انه انا ادري انك تسمع لاتسوي على راسي ماتسمع حتى لو اسمع من فتحه بجسمي مالك دخل واستر على نفسي ما اروح اتفاخر ب الذنب ياخي حتى كيف اتعامل معهم مادري اعطيهم على جوهم واسكت اكره انه
الحرام صار عادي فيه بعض الأحيان
وكيف ابعد عن النوعيات هاذي لانها بكل مكان

السلام عليكم

انا شغال مع شركه كنت فرد من مؤسسين له مهو من جهه ماليه ك مساعده اشتغلت مبرمج معهم الى ما توفر لهم استثمار وتوظفت معهم وماعطوني حق جزء الي اشتغلته قبل الاستثمار وكلامهم انه كلنا كنا نخاطر وانا خاطرت بجهدك فقط وحنا خاطرنا بقروض وكذا عموما ماضغطت كثير لانه ابي الوظيفه

عموما توظفت بروجكت مانجر وهذا شيء ما اعرف به شيء على الرغم من معرفتهم وقالو تعلم تعلمت ولازلت احاول اطلع شهادات وكذا يعتي احاول مع ان مستواي مهو ذاك الزود بس اني مجتهد

عموما بما ان شهادتي حاسب كانت ابي اشتغل ب البرمجه علشان خبره وكذا واشتغلت لمدة سنه مجانا عموما الحين طفشت يعني مهو معقولة اشتغل زي الحمار مجانا وحتى وظيفتي الأساسية جايب فيه العيد شوي واقعد اشتغل بعد الدوام ٦ ساعات كذا

والحين صارو يطالبوني ب البرمجه كانه هي وظيفتي الأساسية

هل اوقف هنا و اقولهم مارح اسوي الا شغلي الي بالعقد اخاف انهم يبدون يدورون الزله لانه مارح اكون مفيد مثل اول وبما اني وظيفتي الأساسية مستواي فيها ماش راح يحصلون اخطاء وعلى فكره الراتب مهو بعيد عن حارس الامن

السلام عليكم

لي شهر تقريبا ادور وظيفة اي شيء لو حارس امن

عندي خبرات كثير صيانة سيارات وجوالات

معرفه شامله ب الكمبيوترات من الهاردوير والسوفت وير

اعرف ابرمج وهذا جزء من وظيفتي الصباحيه

اعرف ادير فرق وادير انتاج هاذي وظيفتي

اعرف اصمم 3d ايضا جزء من وظيفتي الصباحيه

يعني عندي خبرات انا متاكد انه الي يسمعن مارح يصدقن بس وش اسوي فعلا هاذي خبراتي

مشكلتي الأساسية انه دوامي من ٩-٥ والدوام المسائي يبدا العصر بكل الوظايف ف كل ماقدمت على شيء رفضوني لانه دوامهم يبدا ٣-٤ العصر

ولا اقدر اسوي شفت ليلي مثل حرسه وكذا لانه يبي يحوس حياتي

حاولت اشتغل فري لانسر مافيه زباين والسوق مليان

حاولت اشتغل اوبر سيارتي قديمه ما تدخل موديل ١٣

العجيب انه اقدر افيد اي بيئه ادخل فيها بحكم خبراتي

مادري وش اسوي مزنوق صحح عندي ضروف عائليه لازم اوفر ل اهلي سيوله

وش تشوفون

المدينة الرياض

اعتذر على الاطاله

السلام عليكم

ياخي انا مستغرب من فاتوره الكهرب مره عاليه يعني شقتي مكونه من غرفه وصاله الغرفه به مكيف مايشتغل الا ب الليل والصاله شغال طول النهار ما عدى الليل وثلاجه وكمبيوتري المكتبي والسخان حق الماء الشهر الي فات كانت ٤٠٠ والشهر هذا ما جلست بشقتي الا اسبوعين والمكيف الثاني ما اشغله طلعت ب ٢٦٠ وش هذا اخوياي كلهم نفس شقتي تطلع اقل من ١٠٠

للعلم العداد مشترك بين ٣ شقق الشقتين الثانيه مافيها احد والمالك يخلني ادفع الفاتوره كامله مع انه اتفقنا اني ادفع ٣٥ ب الميه لاكنه يقول هذا اذا فيه احد ساكن فيها

السلام عليكم
اخوك بالله مدير انتاج بدون خبره كملت سنه الان اجتمعت مع شباب وسوينا شركه مهي ملك لي ولا لي حصه موظف يعني عموما اشتغل بكل شيء حرفيا عندي معرفه اسوي كل شيء ب الانتاج ف علشان كذا حطوني مدير انتاج وايضا تخصصي هندسة برمجيات ف يدخل من تخصصي

عموما سوالي هو
فيه شركات حكوميه سهل اني ادخل فيها و رواتبها عاليه لاكن مخرجاتها عاديه وصعب اني اطلع ب خبرات كويسه منها بينما انا ب الستارت اب اشتغل شغل كرف يعني حتى الويكند نشتغل كلنا وصدق المنتج الي نطلعه مشهود له بجودته من المستخدمين

ف السوال بشكل عام استهدف الشركه الحكوميه واخذ راتب وبدالات وحركات واريح راسي بينما خبراتي ماتزود بشكل كبير
او اركز ب الستارت اب واطلع بخبره كبيره وارضى ب راتبي القليل وبعد كم سنه اشوف شركه اكبر وبكذا اضمن تطوري

السلام عليكم ابي افضل تمويل بنسبه معقوله يعني ماخذ سياره ب ٨٠ واسددها ب ١٥٠ وش ه الكلام
اشتغل ب قطاع خاص لي ٤ شهور متوظف

السلام عليكم
ابي اشتري سياره اكيد فيها اوبر وابي سياره تدعم الكمفورت
مشكلتي الاساسيه انه الصيني شكله دلع ويفتح النفس لاكنه مهو اعتمادي مثل تويوتا وغيره ومشكلتي مع الاعتمادي كلهن ب السعر هذا اشكالهن يضيق الصدر ستاندر سوح كاني شاري سياره من ٢٠١٦ مافيه شيء لا ديكورات زينه لاشكل يسوى وانا مقضي نص وقتي ب داخل السياره الديكورات الداخليه هي الي تطربني صارحه وتحسسني اني دفعت على شيء يسوى

ب النسبه ل استعمالي دعستي خفيفه واستعمالي نظيف اغير الزيوت واراقب كل شيء ب السياره ف علشان كذا متطمن من الصيني لانه يبي له واحد يتابع معه ب الغيرات والدنيا هاذي واضرب خطوط مره شهريا ١٢٠٠ كيلو رايح جاي

جيلي برفيرس شكله من برى دلع لاكن داخليته عاديه تعطيك انه كدلاك
شيري ازيرو داخليته دلع ولكن شكله الخارجي جميل مهو مرره اسطوري
مازدا ٦ سوح تضيق الصدر
كورلا اموت وهي معي

ف وش رايكم صراحه هل انا ابالغ

السلام عليكم جدتي ام ابوي كبيره في العمر وعذبت امي لما تزوجت ابوي عموما انا كنت شايل عليها وساحب عليه ما اجيه لاني حمار وهي كبيره عمره بحدود التسعين ومريضه الله يشفيها وتنسى عرفت ب نفسي قالت لي

اشوى شفتك

والله بكيت لجزء من الثانيه يالله مسكت نفسي عرفت اني حمار وكلب لي ازعل على جدتي مهو مبرر ابد يعني كلنا نخطي بس مانوصله للمرحله هاذي

السلام عليكم

عندي عمليه جراحيه في البطانيه بسيطه يوم واحد فقط واطلع

ولي شهر الحين تقريبا من دخلت القائمه وماجاني للحين دوري كم الفتره للي انتظر المستشفى يقولون ب الغالب من ٣ أسابيع الى شهرين لاكن مادري لان عندي تامين صحي وودي اسحب عليهم لاكن التامين حقي خايس وبدفع بعض الأشياء ف يب احد قد جرب ينتظر