u/No_Home_6433

النتيجة طلعت حرفيا وجبت ٩٥ في المية

لكن مفيش

انا في اولى ثانوي عامتا

بس مفيش بربع جنيه فرحة في قلبي بالعكس انا اول مرة احس بزعل واكتئاب بجد

امي جايالي تقولي المفروض تجيب احسن من كدة … خخخخخخخخخخخخخخخ

انا والله لولا انها امي كنت شخرت بجد :

واحدة اصلا مش بتتكلم معايا غير جملة واحدة كل شهر وخلاص

وطول السنة زعيق وصوت عالي والواحد مستحمل عشان امي والله

ابويا برضه كان واعدني بحاجات وفي الاخر ولا حاجة

جه عالجروب بتاع العيلة كتبلي مبروك وخلاص

حتى بكلمه فيديو فضل يبارك لاخواتي وبتاع وجابش سيرة النتيجة عشان عارف هقوله فين وعودك

المشكلة اصلا انه كان واعدني انه هيعمل الحاجة دي في الترم الاول اصلا

وانا قلتله وهو قالي تمام

يومها في الترم الاول برضه بعد النتيجة قالي يلا هننزل نعمل الموضوع ده

وفضلت الف معاه اسكندرية كلها عشان نخلص مشاويره وفي الاخر راح مغفلني وقالي مفيش وقت

بعد ما ضيعنا ٩٠ في المية من الوقت في الهبل

وهو اصلا برا مصر مش هنا عامتا

انا مش حاسس انه المفروض الموضوع يتعمل كدة خالص

يعني هو لم مش هيجيب الحاجة كان يقولها دوغري

منغير لف ودوران عشان انا اتعشمت

وقولت خلاص ماشي مفيش وقت ان شاء الله في الترم التاني

يمكن م عايز يجيبها عشان متشغلش بيها عن المذاكرة في الاول والاخر هو ابويا وادرى بمصلحتي

المشكلة دلوقتي اني مش حاسس باي حب ولا ثقة تجاه ابويا

لانه كل مرة يقول كلمة ويرجع فيها

وجايلي في مكالمة الفيديو يقولي احضر كورسات عشان تحسن مستواك

واقعد ذاكر عشان تانية ثانوي

احا