u/Old_Caterpillar_3035

فى حملة كده طالعة على كفارتسيخليا (اللى قدم اداء اسطوري بالمناسبة خصوصا فى دوري ابطال اوروبا) انه مظلوم بسبب انه مشاركش فى كاس العالم بالتالى حظوظه فى البالون دور ضعيفة وده اتكلم عنه اوناي ايمري مدرب استون فيلا والاسطورة تونى كروس واللى خلى كتير من الناس تتفق

انا مش حابب تكون قصة المستضعف المظلوم اللى بلاده ظلمته دى تغلب على راي الناس لانها قصة حلوة وتنسينا اداءات ممتازة للاعب تانى واللى انا شايفه مظلوم ايضا وهوا هاري كين

هاري كين شايفه عنده كل حاجة، اداء ممتاز فى كل البطولات

دوري، كاس العالم ودوري الابطال ف ليه لاء ميتمش تتويج هاري كين بيها

طبعا كفارتسيخليا لاعب كبير قدم موسم كبير بس بتكلم انى شايف هاري كين قدم موسم متكامل وسجل رقم تاريخي 73 هدف طوال الموسم عشان يتفوق على اعلى موسم لاساطير زي ليفاندوفسكي رقميا على الاقل

I'm not a Tottenham fan but I'm basically betting on you in the crazy predictions that Tottenham would compete for the league with my friends and on Fantasy premier league I'm betting on your players so please don't fuck this up like always especially after all these transfers

So who is more secured richarlison or solanke

نيمار بالنسبة ليا بيمثلى حيرة كل ما آجى افكر فى انتقاده والتشكيك فى مستواه يصدمنى باداءه لما فعلا يحاول زي ماتش بايرن 2021 وماتش الارجنتين من نفس السنة، لكن ده ميمنعش انى مهما حاولت انصافه بشوفه اوڤرريتد والتى لا تعنى اطلاقا انه لاعب سيء ممكن تبقى كريستيانو او ميسى واوڤرريتد عادى لو الناس بتعاملك ك اله كروي بتلعب لوحدك، ما علينا بالنسبة لنيمار مشكلتى معاه انه معندهش استمرارية خالص ولا اهتمام وحرفيا عمل كل الموبقات اللى تخلى جمهور الكورة يكرهك كلاعب, يعني حفلات وسهر، انانية، جري ورا الفلوس والتخلى عن كاريرك عشانه و تهربه من التدريب وادعاء الاصابات عشان عيد ميلاد اخته،

لكن بعد ده كله ليه محبوب بالشكل ده وليه كتير من الناس لما يتسالو مين المركز التالت بعد ميسى وكريستيانو بيقولو نيمار، ليه مع ان واحد زي مودريتش ولا ليفاندوفسكي ولا بنزيما عطو استمرارية اعلى وعطوك ٥ او ٦ مواسم عنه ومتعاطفين معاه بالشكل ده رغم انه دمر نفسه و كل شوية the prince who never came King ومش عارف ايه وحملات البرازليين اللى عاوزين نيمار يرجع وهوا مصاب اصلا وفعلا منتهي ويبصمولك بالعشرة انه اتظلم فى البالون دور 2015، هنا اكتشفت ان الموضوع غالبا متعلق بالمهارات, احنا بنموت فى اللاعيبة الحريفة بجد يا جماعة وبنغفرلهم بلاوي لو هيمتعونا فى الملعب حتى لو بياثرو على فرقهم بالسلب احيانا، غير ان نيمار فعلا كانت موهبة حقيقية حاجة قمة العظمة ومهاراته دى كفيلة تخلينا نحبه اوي ولكن للاسف مستغلهاش باحسن شكل.

فى النهاية احب اقول ان ده مجرد فضفضة وراي مش لازم تنفعل لو بتحب نيمار وشاركنى برايك بكل احترام لو عاوز تتفق او تضيف حاجة او حتى تختلف