u/Own_Mistake3868

I'm RL270.

Please give me the best stance break build possible that can stagger bosses in 2 or 1 hit 👾

ابوي راح يشتريلي بلي 5 قبل لا تنعلن النتائج اصلا والله العظيم خايف يطلع معدلي مو زين وضميري يكتلني 💔😭

السلام عليكم اخواني واخواتي

جنت باول اربع مواد ماشي صح وضامن درجات كلش عالية

بس بدا كلشي ورا ما اجلت الرياضيات

الكيمياء الي جانت افضل مادة بالنسبة الي هي الان ممكن سبب خراب معدلي ؟!

المشكلة هاي اول سنة الي بالسادس وانا كلش ملتزم وما مراكم المادة بس اريد اعرف ليش هيج يصير بيه ليش ؟!

ياخي شنو اسوي بعد اصير برايم نيوتن من اخترع التكامل ؟

انا بالنسبة الي ما اهتم بي المعدل بس اهلي ممكن يجببوني اعيد السنة بسبب الكيمياء 💔.

انا جديد على الصب واول شيء نشرته موضوع كنسلة الاجانب لهايبر ما جنت اعرف هيج امور ما تصير اعتذر اخواني 🌸

ياهو الي يعرف يقسم قسمة طويلة اصلاً ؟

الموضوع جان طبيعي وي بقية الامتحانات لدرجة ان اصعب مادة عندي وهي العربي جنت ما متوتر وطبيعي الوضع عندي، الموضوع بلش ورا ما اجلت الرياضيات، صح انا كملت الكيمياء بس صرت قلق بشكل غريب، شنو الحل وهل هذا الشيء طبيعي ؟ + احس روحي نسيت كلشي.

اول شيء هو كال النا راح ينزل شرح للكلاميات بشكل دقيق وراح توصل طول المحاضرة من 7-8 والنتيجة نزل كتاب مسموع.

يلا ميخالف نكول راح يصير ويانه زين بالمسائل...

اول فيديو تاخر يلا ينزله والفيديو الثاني توه نزله ؟!

والآن يجي يكلك العضوية راح اشرحها ببث ؟ حسين الهاشمي انت صدك تحجي ؟

يعني تريد الناس تقرا العضوية بليلة الامتحان من كل عقلك ؟

الشيء المضحك بالموضوع هو جان داز بصمة ورا امتحان الرياضيات كال بيها ناموا وراح تلكون مقطع الكلاميات وفيديوهات المسائل.

طبعا والنتيجة معروفة كسر بكلمته ومسح البصمة وتوه ينزل الفيديو الثالث والعضوية يريد يعوفها لباجر بالليل ههههههههههههههه.

استغفر الله العظيم.

حرفيا شكني شك انشر بقية الافصل كافي تحلب مشاعر الطلاب حلب.

مرحبا شباب وبنات.. ما أعرف منين أبدأ أو شلون أرتب أفكاري، أنا جاي أكتب هالكلام حالياً والدموع مغوشة عيني، والرجفة بإيدي، وأحس بوهن بگلبي وعظامي لدرجة ما متخيلها. عمري ما توقعت السادس يوصلني لهالمرحلة من الانحطاط النفسي والكسرة. البارحة عشت أطول وأقسى ليلة بحياتي، ليلة جنت أحارب بيها عقلي وجسمي، سهرت للفجر، حليت بإيدي أكثر من 300 سؤال بالرياضيات، جنت أقرا وأبجي من التعب والخوف، بس أضغط على نفسي وأگول "ما يخالف كله يهون علمود المعدل وعلمود فرحة أهلي".

دخلت للامتحان وأنا واصل لمرحلة الهلوسة من قلة النوم والضغط النفسي، وبسبب هذا الخوف والإنهاك، عقلي قفل تماماً بوجه الأسئلة. حسيت روحي راح أغمى عليه بالقاعة، وضاعت كل جهودي بلحظة، واضطريت بالنهاية آخذ القرار المر وأجّل المادة للدور الثاني. طلعت من الامتحان وروحي ميتة، بس جنت أواسي نفسي بإنو عادي، هذا ظرف قاهر وأنا سويت اللي عليه وما قصرت.

بس الصدمة الحقيقية والسكينة اللي انبتت بگلبي، هي أمي.. الإنسانة اللي جنت منتظر بس أرجع أركض لحضنها وأبجي وأگولها "يمة تعبت وعقلي قفل"، الإنسانة اللي جنت متوقع راح تمسح على راسي وتقولي "فدوة الك يمة، تعوض بالثاني وصحتك بالدنيا". أول ما عرفت بالتأجيل، تغيرت معاملتها وياي 180 درجة، تغيرت لدرجة خلتني أشك هل هذه أمي اللي ربتني؟

نظراتها صارت كلها استحقار وجفاف، برودها يذبح، وكلامها وياي صار عبارة عن بسمار ورا بسمار. حسستني إني سويت جريمة لا تغتفر، حسستني بإنو تعبي وسهري والـ 300 سؤال اللي حليتها ودموعي اللي نزلت من التعب، كله كان "لعب وقصور مني". نسيت كل شي، ولزمتني من الوجع. أصعب شي بالحياة لما تحس نفسك ركضت بكل طاقتك لدرجة تقطعت أنفاسك، وبالنهاية لما عثرت، بدل ما أقرب الناس الك تمدلك إيدها، تباوعلك بنظرة لوم وتدك بيك وتكلك "أنت السبب".

أنا حالياً بغرفتي، القهر ماكل روحي، وأبجي بجي بحياتي كلها ما باجيه. دموعي ما جاي توگف وأحس بغصة ببلعومي خايف لا تخنگني. أنا ما انكسرت من صعوبة الرياضيات، أنا انكسرت من الخذلان والجفاء اللي شفته بالبيت. حسيت روحي رخيص وتعب ليل كامل انمسح بلحظة عتب باردة وقاسية. كتبت هنا لأن ما عندي أي مكان أفرغ بيه هذا الحِمل، وبداخلي غضب وقهر على نفسي وعلى حظي وعلى التعب اللي ضاع. شكراً لأن قريتوا كلامي، وادعولي بس الله ينطيني الصبر، لأن طاقتي خلصت تماماً وما عاد بيا حيل لأي صدمة ثانية.