هانتا فيروس
هانتا فيروس انتشر بهل فترة من ورا حادثة السفينة والاصابات والوفيات الي دتصير بالحقيقة الفيروس والخوف والهلع هذا اخذ اكبر من حجمة بهواي مبدئيا هذا الفيروس موجود منزمان واكو اصابات سنوية بالاف وعشرات الاف خاصة بالصين وامريكا الشمالية والجنوبية علمود نفهم هل هذا الفيروس حيصير وباء عالمي لو لا لازم نعرف انواعه والي هي نوعين حسب التوزيع الجغرافي يعني المنطقة الاسيوية بيها نوع (الحمى النزفية المحصوبة بالمتلازمة الكلوية HFRS) انخفاض ضغط دم وخطورة على الكليتين والنوع الثاني المنتشر بالقارة الأمريكية الشمالية والجنوبية هي(هانتا فيروس الرئوي HPSC) مرض تنفسي حاد يسبب ضيق وتجمع سوائل في الرئتين. الفيروس ينتقل عن طريق القوارض من خلال استنشاق البراز او البول وفضلات الخاص بيها او الملامسة او العض من قبل الحيوان المصاب. وقت الحضانة للفيروس هي 42 يوم بدون اعراض وبما انه جانت سفينة سياحية فا طبيعي تاخذ وقتها وخاصة انه السلالة المنتشرة جانت من النوع (آنديز) والي تكدر تنتقل بين البشر بحالة جدا نادرة ولازم ظروف ممتازة والتصاق بالشخص المصاب لفترة طويلة واكيد كل هاي الظروف متوفرة جوة سفينة مغلقة لمدة ايام ملخص الكلام الفيروس صعب جدا ينتشر بين البشر الي صار عبارة عن حالة استثنائية والفيروس مو جديد ويكولون الي جاب المرض جانو زوجين هولنديين جانو برحلةبرية بأمريكا الجنوبية قبل لايصعدون السفينة وهاي المصادر اذا حابين تشوفون/ECDC - Hantavirus Infection Surveillance and Disease Data/CDC - About Hantavirus Symptoms and Diagnosis/PMC - Human-to-Human Transmission of Andes Virus Modeled/PMC - Virological Characterization of Andes Virus Strain/