u/Patient-Confusion-45

يمكن هاد المحتوى ما يناسب كتير فإذا انته من الناس يلي بيتقبلو نقد وما عندك مشكلة عادي فيك تتابع انا بالنهاية عم اطرح رأيي باحترام بدون ما وجه أي إساءة لأفراد أو جماعات

انا كتير طلعت مغشوش بالملحدين وفئة كبيرة بهاد الصب ويلي رح يقلي لا تعمم انا قصدي على فئة واذا شايف حالك مو منها بتتقدر تتجاهل البوست بكل بساطة لنرجع لحديثنا كتير طلعت مغشوش ومفكر انو الشخص الملحد او اللاديني يلي ممكن نتواصل اونلاين هوي مسلم بكل طباعو وبكل أخلاق المسلمين يلي كلنا منعرفا وهوي ملحد فقط عالريديت وبالسر وبينو وبين حالو أكيد انا ماعم اطلب من الناس تعلن وتجهر لكن المفروض انو الشخص لما يترك معتقد لأنه حصل شي أفضل او اصطدم بمشكلة أخلاقية ما لقالها حل فالدين و تركو او لأنو الدين نفسو غير منطقي او هوي أساسا شخص غير مهتم بالدين لا مبالي

يلي عم اتفاجئ فيه انو نفس اخلاق المسلمين وتعصبهم وعنصريتهم نفسها موجودة هون عند اللادينيين طبعا في عالم و في منن عارفين حسابي هاد شكرا كتير الهن ولا احلى ولا ارقى من هيك لكن النماذج يلي عم اصطدم معها يعني متأخرين كتير اساتن لحد هلا عم ينصدمو انو محمد كان مو مخلي مرة بالمدينة او بمكة الا و مارس معها رياضة البيسبول مثلا او انو واحد من الصحابة كان عم يقطع اخشاب بعض الناس لانهم ما بأمنو بنفس عقيدتو طبعا هدول مثالين عالسريع القصد هوي انو انتو عم ترجعو تربطو الموضوع بالأشخاص عم ترجعو تشخصنوها و حتى في كتير ناس لو تحكيه عالدين بقارنلك انو هاد أفضل من هاد ويا ريت من ناحية أخلاقية لا بقلك على مقاييس شخصية هوي وحدو معترف فيها

أصدقائي انا يلي حابب اوصلو انو ممكن الإنسان يترك دينو لكتير أسباب فالمفروض بعد ما يتحرر من هي القيود يبدأ يفكر بشكل إنساني انا حتى مارح ادخل ليش اساسا تركو الدين لانو هاد شي بيعنيهم

معلش فكرو شوي بطريقة حضارية اكثر خلو عندكم شوية إنسانية انتقل من سيء لأفضل رجاء لا تبدلو فقط المسميات نفس اللي عم يعملوه المسلمين انتو عم تعملوه فقط انته بالسر ما بتأمن بس، اساتك شارب الهوية و الفكر تبعهم و طريقة النقد والرد و التفكير

انا عندي مشكلة مع الأديان اكيد وعلى رأسهم الاسلام وهوي اكثر دين عم احتك فيه واتعامل معو ليش مخصص البوست على اسمو

حتى يعني ( يلي كانو مكبوتين عدور الدين و هلا بدو ينتقم عالفترة يلي كان فيها ملتزم - او الشخص حتى يلي بحاكم الناس بناء على خلفيتها - الشخص يلي عندو مشكلة مع محمد او حدا اسلامي بشكل شخصي - الناس يلي عندها ازدواجية المعايير - المراهقين يلي بيسمعو من النت كتير شغلات وفقط بكرروها..... الخ)

انتو بالذات ماعم اطلب منكن تراجعوا اسباب ترككم للدين بالعكس طورو انماط التفكير والسلوك يلي عندكن أنا بتمنى ننشر بيئة مسالمة وحضارية ونتعّب حالنا شوي ونحنا عم نفكر نطبق هاد الشي على حياتنا الشخصية نحنا مو بالضرورة نكون ناس سيئين أخلاقياً او عايشين لنكيد الإسلام و المسلمين بشكل شخصي او ما يكون عنا رادع أخلاقي ترى نحنا ما بحاجة دين او حدا ليعلمنا الصح من الخطأ المفروض نحنا كائنات صاحبة اكثر دماغ متطور على هي الارض منقدر نحلل ونفكر ونرصد ونعرف الامور ونقارن

بالنهاية أتمنى من كل شخص فقط يطور من سلوكو وتفكيرو ويطبق هاد الشي بحياتو فينا نبني أرآئنا على تجاربنا وحياتنا الشخصية و اذا لقينا شي منيح عند غيرنا نتبنى هي الافكار

مش كلشي عفكرة مادي بينلمس احيانا في شغلات ر بتوصل فقط عن طريق فهم العقلية او الشيء

سوري طولت❗

أول شي انا حابب شارك معكن هاد الشي بحكم هاد اكبر صب اكس مسلم بعرفو وانا هي مجرد أطروحة بعد اطلاعات طويلة و كل شخص اكيد الو حق ينتقد ويحب ويكره ويرد و حابب ذكّر انو انا ماعم اطلب حدا يأمن باللي عم احكيه وانا عن حالي ما بأمن فيه ولا بأمن بأديان لكن قضية تستحق الاطلاع

طول عمرنا منتلقن الدين على انو إصلاح و هداية للأمم و الدين هوي التوحيد و العبادة واجا ليصلح المجتمعات ويخرجها من الظلمة للنور

لكن بالفترة الاخيرة غصت كتير بالمعتقدات يلي جداً تستحق الاطلاع طبعا موجودة بكل الاديان كطوائف او كفكرة ومع كل أسف اني كنت بنتمي لوحدة من هدول المعتقدات حتى بدون ما اعرف اوكي لنبدأ

بدايةً مش كل الأديان توحيدية ولا كل الأديان أصحاب رسالات للمجتمعات لكن أشهر الأديان متل المسيحية الارثوذكس و الاسلام سنة وشيعة و اليهودية الغالبية بيعتنقو هي الافكار - لكن اكثرهم اختلاف وتبني للشي يلي رح احكي عنو هي المسيحية بتشترك شوية مع بعض الطوائف لكن بيرجعو بيربطو الدين بالمجتمع

الفكرة هي مش جديدة هي قديمة جدا جدا ومعروفة بمناطق ثانية بأسامي مختلفة منها الغنوصية مثلا

طبعا والغنوصية هي كلمة اغريقية gnosis معناها المعرفة

زبدة المعتقد انو الدين بركز على إصلاح الفرد وانو الدين مو لمجتمع او سياسية طبعا واكيد اكيد بيحمل طابع الزهد وشخصياتهم تاريخية من كل زمان ومكان طبعا رح تسالوني ليش ها ها ( لانو من رحمة الخالق التجلي لمخلوقه بمثل صورته وهيئته و ثقافته) وانو الخالق ظهر لجميع المجتمعات البشرية منها ظهورات معروفة ومنها ظهورات غير معروفة و طبعا الخالق لما ظهر ما طلب من الناس تسجدلو وهوي ما بحاجة سجود لكن ظهر تعليم للبشرية ورحمة فيهن وحتى يحكي معهم ويتواصل معهم

طبعا اي افكار كلاسيكية عن الدين الغيها شو ماكان معتقدك متل ( الجنة - النار - عذاب القبر - الصلاة - الصيام - تكرار الكلام - الجهاد - النصوص - الكلام - التعاليم - التفاسير - حصرية المعرفة - الموت - الحياة - الروح)

و لفترة كتير طويلة بالتاريخ كانت سرية برأيي الشخصي لأسباب سياسية عكثر ما تعرضو لقتل واضطهاد الناس يلي بتتبنى هي المعتقدات

طبعا هون الغنوصيين بركز على انو الجسد هوي سجن للروح و انو المعرفة بالخلاص و النقاء و انو هاد الجسم البشري يلي عايشين فيه نحنا هوي جسم مادي ثقيل بيحمل شهوات و مشاعر وحب وكره وعواطف ولذات و انو من فيض الله انوجد الكون ( طبعا هي لو، بدي اكتب بوست عن هي الكلمة وندخل بفلسفة افلوطين اكتبولي، بالتعليقات)

لنكفي و انو الروح خلاصها بارتقائها وعلوها العبادة طبعا شكلها مختلف و كذلك الطاعة و باقي المسميات الدينية طبعا الغنوصية هي مش بس، مسيحية هي حتى يهودية ومنها مسلمين و بوذيين وزرادشت و ديانات ابراهيمية قديمة

طبعا ارواح البشر جميعها هي فيها جزء من الله مو جزء بمعنى عدد جزء يعني متل ما بيخرج النور من الشمس بدون ما تنقص او تزيد

و الارواح درجات ومكانات والروح ممكن تتعرض لكتير تقلبات او انتقالات متل المسخ و النسخ و الفسخ و الرسخ واغلب هي المعتقدات حتلاقو بالمصادر العربية المصدر 90٪ منحاز للرأي العربي ويلي غالبا بكون مسلم مثلا

وهاد الشي بفسر كتير وجود الله انو ظهور الله او تجليه على الأرض هوي اكبر سبب لحتى هدول الناس أمنو فيه طبعا رح اذكر شخصيات بدون فك الترميزات لشخصيات تاريخية بالغنوص ( باسيليدس - إيريناوس - فالنتينوس - مرقيون - ماني - أفلاطون - فيثاغورس - هرمس الهرامسة - فيلو الإسكندري - الاسكندر الاكبر - افليطون - اليسوع المسيح ( ولا حدا يقول عيسى 😡 ... ..... الخ)

طبعا الموضوع كتييير طويل وكتير فيه شرح بس انا عم حاول اكتب ملخص الفكرة حتى يفهم القارئ وممكن احكيلكن اكثر عن الموضوع برجع بذكر انو هاد الكلام مو من مصادر عربية

باختصار الغنوصية هي معتقد روحي فردي ( مزيج ما بين الفلسفة اليونانية و الديانات الابراهيمية القديمة مرورا باليهودية و المسيحية... الخ)هدفه اصلاح الفرد و الارتقاء بالروح و التخلص من الثوب الدنيوي و الانتقال من العالم المادي الى العالم المعنوي الى مرحلة الاتحاد مع الخالق و عودة النور للنور

عندي كتير كلام بس ما حابب طول البوست اكثر من هيك انا استعرضت معاكن هي الاطروحة من باب الاطلاع اعتقد انها اطروحة جيدة بل ممتازة وتستحق الاطلاع و هي حتى بالنسبة الي كشخص ما بأمن بهاد الكلام بس افضل لو اني اتخالط مع ناس بيحملو هيك فكر مسالم اكيد ولا اتخالط مع ناس متشددة و بيعتقدو انو الدين عادة مجتمعية للجميع

انا نقلت لكم معتقد فقط مع ذكر رأيي لمرة واحدة بسبب نقص المعلومة وانا اتمنى من اي انسان يعجبو هاد الكلام يكتفي بانو يبحث ويتعلم بنفسو و يتاكد من عدة مصادر ويقارن ويدقق لو هوي مهتم بهيك مواضيع كنت فاقد الشغف كتير بمواضيع يلي بتخص الدين من زمان لكن حديثا هاد الموضوع كان مشوق الي و مصدوم من كم المعلومات يلي حتى عن حالي ما كنت بعرفا لو حبيتو البوست عطوني رأيكم