حلم جميل حبيت أشاركه
السلام عليكم.
أتمنى تكونوا بخير
مثلي مثل أي رجال ثاني أحب وحدة لكن طبعا بحدود.
اليوم وانا نايم حلمت أن أهل البنت بيجون زيارة لبيت أهلي
أنا طار عقلي من الفرحة، وقعدت أرتب البيت وأجهزه مع الأهل عشان نستقبلهم كضيوف.
بالحلم سلمت عليها وعلى أهلها وبعدين كل واحد راح بغرفة مختلفة (غرفة ضيافة الرجال وضيافة الحريم)
صح اني بالحلم يادوب سلمت عليها بس أذكر أن فرحتي كانت ما توصف، جالس بالمجلس والابتسامة شاقة وجهي وسواليف مع أهلها وهكذا.
بعدين لما قرروا يطلعوا البنت نست تلفونها عندنا فقلت لأبوي أنا بوديه لهم وبارجع. وأنا راكب السيارة جاني فضول أشوف تلفونها (أدري غلط بس هذا حلم وهو كذا صاير يعني 🙂) ففتحته.
بعد ما فتحته اكتشفت أن البنت حاطة صورتي بالخلفية مال التلفون (أدري الموضوع غريب وما تضبط بس للأحلام عالم لحالهن 😂) ففرحت لأني اكتشفت انها تبادلني الشعور.
وهنا انتهى الحلم وصحيت من النوم وانا على بالي أن الي صار حقيقة، الا بعد ما صحصحت بعد خمس دقايق وعيت انه كان حلم.
يعطيكم العافية