u/Practical-Sleep-9375

طبعا هما كانو مستنين منى رد فعل مختلف وانى اول ماسمع الخبر اكبر واهلل واقول الللهم بااارك مبروووووك وبتاع

بعيدا عن الالحاد والاسلام والحريه الشخصيه

ايه المغرى فى وش البنت يعنى بشوف الوش عادى طيب مناخير وعيون وملامح بشرية هل مثلا لما حد يشوفها هيكون هورنى عليها

هل وشك ده عار ولازم تغطيه

بعيدا طبعا عن ان الوش ده هو هوية لازم تكون باينه قدامى عشان اعرف بكلم مين اصلا وفيه جرايم كتير اتعملت وكانو لابسين نقاب

انا مش فاهمه ازاى صحابى لبسو نقاب مع نفسهم كده من غير حتى اجبار

شايفين ايه موجود فى وشهم لازم محدش تانى يشوفه؟

من وجهة نظرى يعنى اسوأ حاجه هو انك لازم تقنع اهلك والاهل يكونو راضيين على بعض ومتفقين

كأن الاتنين اللى هيتجوزوا دول ملهمش لازمه

تمام انا مقدره حجم خوف الاهل سواء اهل البنت او الراجل

بس ليه منسيبش ولادنا يختاروا شريك حياتهم براحتهم؟

مش كفايه محدش فينا اختار دينه ولا اسمه ولا عيلته ولا مكانه

كمان الحاجه الوحيده اللى متاح لينا نختارها هما يختاروها بدالنا وتبقى على حسب هما هيتفقوا ولا لا؟!

حاجه فى منتهى العبث حقيقى انك تضطر تمشى على عادات وتقاليد ملهاش اى لازمه لمجرد انك ترضى اطراف العيله اللى ملهاش اى علاقه بشريك حياتك!!

مش عارفه ليه حد ممكن يكون شايف الانسان مجرد جسم سواء بنت او ولد

يحكم على البنت على اساس شكلها جسمها شعرها

وعلى الراجل على اساس شكله والسكس باكس بقى والشعر والدقن او على اساس شغلهم او ايا كان

من رأيي الانسان اكبر من كده بكتيييير كل انسان ليه قصة وليه حياة محدش يعرف عنها حاجه ليه شخصيه ومبادئ

الصدمات اللى أثرت فى شخصيته ونفسيته الظروف الصعبه اللى عدى بيها

التجارب سواء الحلوه او الوحشه

كل انسان جواه عالم تانى وقصه تتعمل فيلم

نيجى احنا نديله تقييم على اساس شكله و وضعه الاجتماعى وشهرته

طيب وشخصيته ومبادئه وتعاملاته وتجاربه.

لسه شايفه فيديو لبنت بتشتكى ان خطيبها اللى كاتبين الكتاب فهو كده شرعا وقانونا جوزها بس لسه معملوش فرح يعنى

المهم ان الاستاذ بيهددها بالصور والفيديوهات اللى كانت بتبعتهاله

متخيل؟؟!

ده مش مجرد شخص مرتبطه بيه مش شخص عرفته لوقت قصير ده خطيبها وجوزها

تخيل البنات بتعيش وسط التهديدات والقلق ده يوميا بتشوف الحاجات دى بتحصل كتييير رجاله ملهمش امان بيستحلو دمهم اصلا

نيجى بقى نستغرب البنات ليه البنات عندها تراست ايشوز كده

المفروض نثق فيك ليه يعنى؟!

اتمنى البنات تكون فى امان لان المجتمع ده مش بيرحم حد مجتمع مبنى على المظاهر وبيحب يتكلم كتير

ومش بعيد اصلا او بنسبه كبيره الشخص اللى هتثقى فيه ده هيكون شايفك بطريقة مش حلوه حتى لو قال عكس كده

مجرد ما يحسس بملل العلاقه هتخلص ولو حصل حمل انتى هتلبسى لوحدك

مش بتكلم من الناحيه الاخلاقيه ولا من ناحيه الدين

انا بس عايزه البنات تعيش فى امان من غير تهديدات ومن غير قلق لان المجتمع ده صعب وتفكيره زفت

نفسى اعرف ايه الفايده لما تتكلم مع ابوك ولا امك اللى هما غالبا فوق ال ٤٠ او ٥٠ او اكتر وتقولهم ان الدين غلط وتقعد تجادل وتناقش معاهم

ممكن اعذرك فى مرحلة الغضب والصدمه بتاعتك اللى بتكون اول شهور لما تكون حاسس انك اتغفلت

بس انت نفسك لما وصلت للمرحله دى غالبا هتدخل فى صدمه واكتئاب فترة كبيره وده اللى حصل معايا

تخيل بقى لما تروح لاهلك وتقولهم ان الدين غلط ومفيش اله ومفيش تعويض ومفيش جنه هنرتاح فيها

ومفيش حد بيسمع الدعاء بتاعهم

متخيل حجم الصدمه؟طيب ما طبيعى يقولو عليك مجنون عشان لو اقتنعو بكلامك وصدقوه هما اللى هيتجننو

اهلنا غالبا ميعرفوش حاجه عن تاريخ الاسلام ولا الغزوات ولا اى حاجه

اتمنى نكبر كده وننضج وناخدهم على قد عقلهم لانك وخلاص مش لازم تصادم وجدال انت مش هتستفاد حاجه يعنى