u/Pristine_Ease_8187

بنات اشتريت كلوس ب 57 و اشتريته بحاله فرح ما جنت بوعي و هسه اريد اكتل روحي بالنعال و كل ما اشوفه اصغن حاله حال ابو الالف

هضمية والله قبل شويه اجت و كلت اخيرا راح انام ورا 15 دقيقة بالضبط طفت

بس جلطتني ليش ما نفشت؟ مع انو العجينة جانت كلش بيرفكت

اخوام عندي اخويه عمره تقريباً 13 سنة، مراهقة و كذا وأعتقد العلماء لازم يدرسون حالته كفرع جديد من فروع الأحياء لأن مستحيل هذا الكائن ينحسب على البشر الطبيعيين و حتى ما ينحسب على الحيوانات

​

والله أعرف المراهقين يصيرون غثيثين ما ينطاقون بس هذا مطور النسخة البريميوم من الموضوع أي كلمة تنكال تتحول لنقاش أي نصيحة تعتبر انو انا جاي اتحكم بي وأي طلب بسيط يحتاج كعدة مفاوضات أطول من مفاوضات السلام الدولية و تصير ناقاشات و سوالف هل كثر و اهلي يدخلون جا كتله روح للمحل بس الطريقة الكتله بيها ما عجبته

​

مرات أوصل مرحلة أحس عقلي دا يسوي إعادة تشغيل من وراه بحيث والله اعصابي تدمر فالسؤال هنا: هذا طبيعي لو أخوي حالة خاصة تحتاج فريق بحثي مستقل؟ والناس اللي عندها أخوان بهالعمر، شلون نجوتوا من هاي المرحلة بدون ما ينتهي المطاف بأحدكم بالتسودن

​

​

عندي شخص بحياتي من فترة كلش طويلة مرات نحجي ويه بعض يومياً و لفترات طويلة و نشارك تفاصيل هواي من حياتنا اقرب من مجرد صداقة عادية بس بنفس الوقت ماكو اي كلام صريح يحدد شنو احنا الي محيرني مرات نكون قريبين كلش من بعض و مرات ممكن نختفي ايام و اسابيع بدون حجي و بعدين نرجع نحجي بشكل طبيعي و كأن ما صار شي المشكلة من اكول انو احنا اصدقاء ما يقبل هل تسمية بسهولة بس بنفس الوقت ماكو تعريف ثاني احياناً احس إن تصرفاته تدل على اهتمام مبالغ واحياناً احس يمكن أنا دا افسر الأمور اكثر من حجمها الحقيقي لهذا أريد رأي ناس ما تعرفني وما تعرفه حتى أشوف الموضوع بصورة أوضح و اذا مريتوو بتجربة مشابهة شنو كانت النتيجة بالنهاية