تخصصي ماليه وللامانه لي فترة طويلة جدا افكر بوظايف التخصص والحرام والشبهات فيها
ما فكرت في هذا الموضوع الا لما دخلته للاسف مدري ليش ما قد فكرت فيه وفات الاوان للتحويل، سؤالي هل فعلا الوظايف الي مافيها شبهة في هذا التخصص قليله في السعوديه او متوفره بكثرة؟ ووش المجالات الي غالبا مافيها شبهة ياليت تفيدوني
تخصصي مالية في البترول والحين الكليه قررت تحذف تخصصاتنا وتستبدلها بتخصصات جديده وحديثه منها المحاسبة ومالية الشركات
انا في سنة السفومور ( ثاني سنه) وبعد هذا الترم بصير جونيور، مو مجبورين نحول نقدر نتخرج بتخصصاتنا الحاليه لكن القرار بيصير اجباري للدفع الجديده
محتاره جدا اذا احول للتخصص، شيكت على خطتها وتحتوي على نفس مواد الماليه الي في خطتي الحاليه بس مع زيادة مادة ماليه وحده، واستبدلوا التخصصات الي مالها فايده زي المانجمنت وغيرها بمواد محاسبه. احب الماليه بس عندي ٣ اشكاليات: فيه منافسه شديده واخاف مقدر اتوظف فيه + في شبهة حرام في بعض وظايفه + اغلب الفرص الوظيفيه في الرياض وانا ساكنه في الشرقيه ما عندي نيه انقل
مع العلم اني لو حولت، راح اضطر امشي مع خطة التدريب الصيفي عشان ما اتأخر في التخرج مع دفعتي
اسم التخصص
- Accounting & Corporate Finance
وش نصايحكم؟
وهل لو اخذت تدريب صيفي بيصعب علي القى فرص تدريب ولا متوفره؟
تخصصي الحالي ماليه، كليتنا شالت تخصصات البزنس القديمه واضافت تخصصات جديده مثل:
- Finance & Financial Engineering
- Accounting & Corporate Finance
مو ملزومين نحول كوننا سنه ثانيه، بس احس انها فرصه نحول للتخصصات الجديده
خوفي من الهندسه الماليه يكمن في مواضيعها المحرمه في ديننا مثل derivatives وغيرها، يهمني جدا اطبق الي تعلمته في العمل وفكرة اني ادرس علم ما ينفع ولا اقدر اشتغل فيه ترعبني لان تخصص مثل هذا يعتبر صعب وبينزل معدلي واتأخر عشانه ( اذا اخذت تدريب ترم) ومابي كل هذا يروح عالفاضي. بيجي واحد يقول "طيب الماليه اصلا فيها اشياء محرمه" ادري بس مو معناته ادرس مواد زياده صعبه وفيها حرام كذا ما استفدت شي
ممكن اكون غلطانه من ذي الناحيه واحد يصحح لي، ما عندي خبره في هذا التخصص ومواده
وفي برضو التخصص الثاني المحاسبه ومالية الشركات، خطته نفس خطتي حقت الماليه اللهم في مادة ماليه زياده واستبدلوا المواد الي مالها فايده زي المانجمنت بمواد محاسبه (٨ مواد محاسبه توتل) يعني كأنهم شالوا المحاسبه ودمجوه بالماليه
محتاره انا بين هاذين التخصصين ومياله اكثر للثاني، بس ودي اسمع ارائكم عن الهندسه الماليه
ارفقت صور لمواد التخصص خطة السمر للي يبي يطلع على مواضيعه