u/Sad_Kick_2297

أنا تمريض عمليات مش عارفه لحسن حظي ولا لسوئة

دخلت مشارح كتير وشوفت ناس ميتة كتير وشوفت كتير

اتحطيت في حاجات كتير واتحطيت في حاجات تخص أقرب الناس ليا

النهاردة أول ما دخلت الشيفت بتاعي أول حاله اشتغلتها كانت حاله تنضيف قرحة

قرحة سكرم ال ميعرفش يعني إيه يعمل سرش مش حابة اشرحها

ست كبيرة في السن ، عندها تيبس فظيع مبتحركش أي حاجة فيها ولا بتتكلم عندها ذهان وخرف ، شكلها القرحة كان مرعب ، كبير ، والأنسجة تعفنت ، محستش بنفسي ، كنت فاكرة إني بطلت أحس، كنت بشتغل وأنا منهارة من العياط

صعبت عليا بشكل مريب ، حاول اطمنها واواسيها بس هيا مكانتش بترد

رعبتني ، رعبتني علي نفسي وعلي حبايبي وخلتني أشوف الدنيا دي ولا حاجة اكتر مانت فعلا شيفاها ولا حاجة ، صعبانة عليا أوي وبقالي اكتر من ساعة منهارة مش عارفه أبطل عياط لدرجة إن الدكتور قالي انتي اول مره تشتغلي قولتله لأ

قالي أمال في إيه، قولتلها خوفتني بس علي حبايبي وعلي نفسي

ودي كانت أول مرة أحمد ربنا علي فراق بابا وأشوفة رحمة

دي مجرد فضفضه مش هعرف أقولها في أي مكان تاني .

عندي شعور رخم أوي مسيطر عليا بقالي كام يوم بيجيلي كل دة ، أنا بدور علي حاجة مش عارفه هيا إيه

بدور علي حد مش عارفه هو مين

أنا بكرهه الشعور دة بشكل مش طبيعي ، عندي حنين لحاجة مش قادرة أعرف هيا إيه

مش عارفه أنام

أعترفلي أعتراف ، قولي سر

حاجة مضيقاك ، حاجة مفرحاك ، أنجاز صغير ، شعور ملازمك

عاوزينك تتعلم ترحم نفسك ")

كالعادة مش عارفه أنام

بس عارفين شعور إنك نفسك حد يبعتلك رسالة تلاتين سطر مثلاً ؟؟ أو حد هنا بشكل عام ؟؟ (مع إن في ناس كتير بتحاول)

أنا زعلانة موت إني مبقتش أحس بحاجة ، مبقتش اتأثر بحاجة ، ومبقتش أزعل علي حد ، مبقتش أمسك في حد ، أنا ألعن أوڤرثينج بيجيلي في الوقت دة ،

بس انا واحشني شعور إن يبقي عندي حاجة في حياتي بحبها ، عندي صحابي ، عندي شغلي وعندي أهلي وعندي علاقتي بربنا ،

بس انا حاسة إن في حاجة ضايعة مني

حاجة كبيرة أوي ضايعة مني ")

(مش بدور علي حلول مجرد كلام كان تقيل علي قلبي )

شاركوني أخبار سعيدة مهما كانت في نظركم تافهه

مش عارفه أنام 🫠

ولو عاوز تقول سر أتفضل طبعاً ،

سر ، شعور ، هلوسة ، أمنية ، فكرة ، حلم ، كابوس ، أغنية ، صورة

قولي أي حاجة تسليني ، تلهيني ، أقترح فيلم تراك ، حط صورة ، أقترح علاج مجرب للبرد حاسة اني بنتهي من التعب ومفيش حاجة جايبة نتيجة ،

قول أي حاجة تيجي علي بالك ،

زي دلوقتي لم أخد دور جامد وأتعب وشعور الوحدة يتملكني ، وأحس وقتها قد إيه أنا لوحدي ، مع إني عندي عيلة وأصحاب ,

شعور التعب ، تحس أنه بيطلع أسخف وأضعف المشاعر ال فيك ،

بتحس كدة وانت/ي تعبان ولا أنا لوحدي ؟؟ ")

جملتي المفضلة دايما قولي سر

بس بما أننا في ريديت

ما تقولي سر !!!

بتعملوا إيه لم تبقوا شاطرين في شغلكم ويحصل دروب عبيط يرجعكوا لنقطة الصفر وتقعوا في شعور قد إيه انتوا مش شاطرين ..

بس عارف ال يزعل ")