u/Sanju_Writes05

हतार कस्लाई,

खहरे झै बगेर नदीमा अस्तित्व मेट्नलाई?

हतार कस्लाई,

उत्तरबाटै भागेर प्रश्नमै हराउनलाई?

हतार कस्लाई,

सिमलबाट निस्किएर भुवा डुल्नलाई ?

हतार कस्लाई?

रित्तैबाट भरिएर भुइँभरि पोखिनलाई ?

हतार कस्लाई?

पहाडबाट खसेर खोँचमै टुट्नुलाई ?

हतार कस्लाई?

भुङ्ग्रैबाट निस्किएर आगोमै छिर्नलाई ?

जसको जुन ठाउँ हो,

त्यो ठाउँमै विध्वंस मच्चियो।

के गरियो यो हाम्ले,

समयकै हत्या भयो।

​

जसको यो सपना हो,

उसकै आँखामा छारो हालियो।

के गरियो यो हाम्ले,

उसकै कल्पनामा उसलाई मारियो।

​

जसको त्यहाँ सर्वस्व हो,

त्यहाँ उसलाई निषेध हानियो।

के गरियो यो हाम्ले,

आफ्नै घरमा चिहान खनियो।

तिमी देखिनु संयोग नै मानौँला,

तर हामी भेट्नु संयोग पक्कै होइन।

म अँध्यारोमा मैनबत्ती बाल्न खोज्दै गर्दा,

तिमी सलाई सँगै भेटिनु संयोग होइन ।

तिमी खोला पारि कुरी बस्दा,

म डुङ्गा लिएर पुग्नु संयोग होइन।

म झरीमा रुज्दै हिँड्दा,

तिमी ओढाउ सहित भेटिनु संयोग होइन ।

तिमी उकालो उक्लिँदै गर्दा,

म लठ्ठी सँगै भेटिनु संयोग होइन।

तिमी मलाई मन पर्नु आकर्षण नै मानौँला,

तर तिमी र म मिलेर हामी बन्नु आकर्षण मात्रै पक्कै होइन।

खोजौँ अर्थ हरेक पाइला मा,

हामी एक अर्कानै देख्छौँ ।

कतै पर पाे छौ की ,

कतै कसैकाे बहकावमा ,

आफ्नै आफ्नाको सम्झनामा...

कतै पर पाे छौ की ,

व्यतीत अतीतको रुझानमा ,

व्यग्र भविष्यको प्रतीक्षामा ...

कतै पर पाे छौ की ,

सँगालिएका रहरका पोकामा,

कसिएका कर्तव्यका गाँठामा....

कति शितल ती आँखा ,

जुन कहिल्यै बिझाएनन् ।

भड्किए होलान् यि पाइला,

ती कहिल्यै बिराएनन्।

अनुत्तरित थिए होला प्रश्न,

निःशब्द कहिल्यै देखिएन।

जन्मै महान को होला ,

अर्काे सरल ज्ञानी कोही भेटिएन।

बोलिरहु म,

सुनिरहने तिमी देख्दिन।।

खोजिरहु म,

भेटिरहने तिमी देख्दिन।।

सोधिरहु म,

भनिरहने तिमी देख्दिन।।

चिच्चाईरहु म,

सच्चाइरहने तिमी देख्दिन।।

झुलिरहु म,

नशालु तिमी देख्दिन।।