الاعتماد راح يكون على هذه العوامل:
1.سعر جهاز كون بالمتناول و اي شخص يكدر يشتري
2.مكتبة الالعاب شنو مستواها
3.البطاريه شكد تستمر حتى لا تنزنك بالشحن بنص الدوام
عن نفسي حاليا جاي اشوف ال psp ممتاز و النينتيندو سويتش لايت أيضا كقيمة جباره بس اكو ناس تغني بيه ،
انطونه رايكم
هسه قبل لا احجي راح يطلع نفر يكول ولد شلون تابع كيدراما مبدئيا هو مو مخصوص لجنس معين أو فئة محدده هو بالاخير للجميع حتى لو ولد موضوع مو عيب و إنما بمجتمعنه عيب و الكول الي يتابع افلام غريبه هم خطأ فأنا تكدر تكول شايف الطرفين واعرف بيهم على الأغلب.
أنا جنت واحد من الناس الي ماخذ هيج نظرة متعاليه لأن فقط اسيوي و من كوريا الي بيها كيبوب وهذه امتداد لأن ضدهم جنت خصوصا فترة BTS فروخ وللان على قناعتي بهل شي، لكن قررت اكسر هذه القاعده السنة الراحت و اشوف مسلسل كوري و الي غير نظرتي بعالم الفن و لكن عفته لأن اجه السادس و ما جان اكو شي يشدني اشوفه فبعد ما كملت الدور الأول قررت ارجع و اتابع كيدراما و الي صرت مدمن عليها صرت اشوف مسلسل وره ثاني و اعتقد هم شفت فلمين و الي خلاني اكره السينما الغربيه ما اجذب و استوعبت القرف الي جنت اشوفه و حاصر نفسي بهل قوقعه السينامئيه .
حسيت اكو باب وانفتح على عالم جنت غاض البصر عنه.
الاعمال الكوريه بشكل عام عبارة عن معقم للبصر سواء من قصص الي من بساطتها تشدك و تجذبك أو من العبرة من هاي القصص أو العلاقات البيها سواء بالعائلة و الاحياء و الي اشوف من وجهة نظري هم افضل من يسوون العلاقات العاطفيه النظيفه بين الرجل و المرأة بدون أجندة بدون ما يصورها الك بشكلها الكامل و تعرفون قصدي بشنو و يبررها الك جزء من القصه أو نوع من تقرب انو نعرف فلن سيرفس و لزيادة كم فلس .
طبعا كيدراما بيها جونرات و لا تخلوا من الشوذوذ الجنسي لكن هول جونرا خاصه و هذه الشي احترمته لأن ما غصبك عليه بكل عمل لا سواه الك بجونرا خاصه الي يحبونها يشوفونها و هذه شي جدا ممتاز .
و اخيرا نصيحتي اي شخص ما دخل بهل عالم انصحك و بقوة و وعد مني راح تكره السينما الغربيه أنا حاليا تاركها ولا جاي اشوفها و ممكن بعدها اشوف باقي الأعمال الاسيويه و ما اخصر نفسي بس بكوريا، وانت كولد لا تستحي شي جدا طبيعي انو تباوع خصوصا اذا عندك جفاف 🙏
و من الله التوفيق 🌹
على الرغم الي يسوي بسيط بس يفتح كاميرا و يصور الريوك و ياكل الا انو شكد بيها ايجابيه و تجيب السعاده و بنهاية الفيديو يا اما يكون نصيحه تفيدك أو قصه من ماضي العراق يعني يخليك فرحان و مبتسم بس من ابتسامته و اكله صحي و هذه شي ممتاز 🙏
شوفوا اخر بوست و انطونه رايكم
للتوضيح أنا نسوي فيما يخص حقوق المرأة و دورها بالمجتمع حقها بالتعليم بالعمل و الخ و ضد الي يحددون أو إقصاء دور الرجل في المجتمع
كون هذه الحركه مناهضة لحقوق المرأة و منذ ظهورها دائما ما جانت الحركه ضمن عادات و أعراف المجتمع الي عايشين بيه و كل مجتمع أضاف شيئ لهذه الحركه حتى يتناسب مع ثقافة و اعراف المجتمع حتى تكون مقبولة بأفضل شكل ممكن
و مع ظهور النسويه السامه اي استغلال الشعار من أجل مصالح شخصيه و الي طلعت بشكل كامل عن فكرتها الاساسيه الي هي إعطاء المرأة حقوقها و دورها و بسبب هذه النسويه السامه انبنت نظرة المجتمعات المحافظه عنها كونها حركة تدعم على الأفعال المخلة مجتمعيا أو محرمه و اغلبنه حاليا عدنه صورة نمطيه عن نسويه انو هي تريد تمارس مع رجال تقيم علاقات الخ و ما تريد واحد يحاسبها و تعيش بدون قانون
خل نكول هذه اغلب منهج النسويات الحالي المراهقات الي أخذوا هذه الفكر السام و تحول لشيئ حقيقي و الي بالمقابل بنه ردة فعل من الجنس الآخر الي هم الرجال بالتالي سوو حركه معارضه بما تسمى الذكوريه و غالبا هي اسوء بعد
و اكو بعد باب يخليها أكثر كره دعمها للشذوذ و الأقليات ضمن إطار الحريه و المساواة للجميع و الي غيرت الصناعه بشكل عام بالكامل و ايضا صارت اغلب جوائز تترشح على الأعمال الي متروسة أجندات كشواذ و نسويه و حياة السود مهمة هاي كلها قادرة على بناء جمهور معارض النا و انا من هاي ناحيه معارض لأن كلشي خرب صراحتا
انزين نحي لسالفة العرب اخر سنوات بدت تطلع هذه الحملات أكثر و الي كلها توكسك مشكلة الحركة النسوية بالمجتمع العراقي أو العربي بشكل عام انو هذه الفكر نفسه جاوا و حطوه النه بدون تغيير بما ينساب مجتمعنا و الي سبب ردة فعل من الأهالي كونها حركة دخيله على مجتمع و الي هادئ جدا دمر بيوت و بحكم انو النسويه وصلتنه بشكل خاطى و الي هي توكسك و راح طبقها البنات بشكل أعمى حتى يصير موضوع قضيه اجتماعيه و خطأ لأن طبق على مجتمع ديني محافظ و لم يراعي معايير المجتمعيه أو تغيير فيما يناسب المجتمع العربي و عاداته
مثل اخر سالفة مال فهد سال و المشاركه بحكم انو نسويه أغلبها تدعم المساواة بين الجنسين بالعمل و بالمعيشه لمن فهد انكر رأيه و انو لازم الزوجة تشارك و الموضوع حجاه خارج إطار الدين طلعن البنات يتهجمم عليه و يتجاوزن و بدن يحجن بالشرع انو ما يصير و الرجال قوامون والخ
هذه دليل واضح انو فئة كبيرة من البنات العربيات يطبقن الفكر نسوي بشكل خاطئ لأن وصل بشكل خاطئ فمن حجه فهد بهل موضوع طلع عقلياتهم و مشاكلهم الفكريه للموضوع بحد ذاته فصار الشخص ما يعرف نسويات هذول يردون مساواة لو يردون حقوقهن بالدين و هذه اكيد هم يسبب ردة فعل وانا واحد منهم
اذا أنتِ نسويه و تؤمنين بالمساواة ليش ما تشاركين راتبج لمساعدة الزوج ضمن مصاريف الحياة و رفع جودة المعيشه و لكن الموضوع وصل لهل حد بديتي تحجين بالشرع و بالحلال و بالحرم هم نفسهم يردون يطبقون قانون طلاق 50/50 و بنفس الوقت يردون نفقه لأن بالشرع لازم يدفع نفقه
هذه تناقص و تضارب سبب خلل بالمجتمع العربي و صار ما يعرف شيريد مساواة لو عدل تحجي بالمساواة تصير مطالب بالعدل تحجي بالعدل تصير مطالب بالمساواة و لهل سبب وصلتنه بشكل غلط و المفروض تحسن ضمن معايير المجتمع العربي حتى تكون افصل و توصل بشكل احسن و ممكن تستقبل
بحكم ديننا الإسلامي محلل للمرأة بالعمل و جاي تنقع على اساس مجتمعي فأكيد لازم اكو حركه معارضة لأن جاي يطبقون عادات مجتمعيه و مو دينيه و مشاكل الثقه انو ما يأمنون اكيد الي مربي بنته عدل و معلمها على صح ة الغلط يثق بيها لو وين ما تروح.
شكرا على القرأة و هذه اخر بوست الي وبعدها راح احذف رديت اكمل الدور الثاني و ارجع إن شاء الله فقبلها ردت اثير الدجل
ومن الله التوفيق 🌹
أومن دائما بالمطور العراقي و الي اشوفه افضل مطور عربي لو عندي الإمكانات المتوفرة بباقي البلدان العربيه ماديه أو تنظيمية اذا ملاحظين الالعاب العراقية متنوعه سواء تو دي او ثري دي او من جنرات اخرى مثل visual novel و شي اشوفه ما يمتلكونه اغلب المطورين العرب يا اما ثري دي بطابع حسب ثقافتهم و يعتبر شيئ صار مستهلك أو تو دي غريب
و اعتقد حلمي و حلم اغلب الموجودين بهذه المجتمع انو ينفتح استوديو تطوير عراقي بمعايير عاليه ويقدم المنتج عراقي مثالي بغض النظر عن تصنيفها و بنظري اشوف انو ممكن نسوي هيج شي لان مثل ما كلت مسبقا احنه مبدعين بس مظلومين بسبب القدرات الي عدنه و اي شخص عنده شي ناقص يكدر يعبي هذه الفراغ شخص اخر و الضغط ما راح يتوجه على هذه الاستوديو لأن محد راح يضمن شي ناجح من عدنه
احلام يقظه بس اتمنى من كل قلبي يصير و نفتخر بيه بهل مجال و نكسر الصورة النمطية عن الالعاب داخل المجتمع انو مو بس للاطفال لا ممكن يكون شغل ممكن يكدر يوصل رسالة ماكو اعمال اخرى مثل الالعاب توصله
و شكرا على قرأتكم 🌹 (يمكن تشوفونه مخربط أو مو مفهوم اعتبروا نوع من الفضفضه ما قبل النوم و موجود من مدة)
هي شوي قديمة سالفة بس كلما تطلع انغث منا بدي احجي بس أتراجع و هسه اكدر اكول لازم اسولف عنه
بالفترة الاخيره العركة بين الجنسين الي اعتقد صارلها فوك السنة هي الاحقيه بالجلوس على المقاعد بالجامعه (ستولات) والي صارت بنائا على الجنس و المعروف انو الي يجي اول يأخذ الستول و هنا تبدي المشكله الحقيقيه تجي بنيه تصور بالولد بدون أذنهم و تطعن بيهم و تصفهم باشباه الرجال و عديمين رجولة و ذكور والي المفروض تحاسب قانونيا ( الذكور مو سبة بس هاي صارت الشائع للذكر السيئ ولا منطقيه اضحك عليها) لأن ما انطاها الستول مع انو عذول الأشخاص نفسهم اذا صارت الها فد مشكله راح يركضون الها لأن اكيد زملاء و الي يغث أكثر وصلت لدرجة انو يشتكون على الطلاب لأن جايين من وكت قبلهم و حاجزين الستولات فشيسوون البنات بدال ما يشتكون على قلة المقاعد يشتكون على الطلاب ما يعرفون انو هذه شي لا يدخل ضمن قاموس الرجولة أو ماله دخل هو من قدمه تفضلا منه عليج مو على سواد وجهج لان هو انسان محترم
ذكرني بالتربيه بامتحانات السادس بدل ما تكتشف المسرب و تمنع التسريب يطفون الانترنيت ساعتين أحييكم على هذه المنطق
و وصلتني قصة صديقي كلي ( بالمحاضره شفت بنيه واكفه و كلها كاعده على الستولات الا هي ما هانت عليه وكفتها و انطيتها الستول مالتي قدمتلها الستول كتلها تفضلي و بدال لا تشكرني تكلي ايع و بعد ما انتهت المحاضره و رحت احجي وياها كالت انت مو صاحب فضل و غصبا عليك (صدك أو كذب ما اعرف بس ما مقتنع بنيه تكول لولد هيج غصبا عليك و يمشيها) فعفتها و بعد الي صار كلت لو المدير نفسه يجي يكلي انطي الستول ما انطي)
مثل هيج حالات الي تصير تخلي حتى الشخص الي يقدم الستول للبنيه يتراجع لأن ممكن يصير نفس الي صار ويه صديقي و اكول من حقه بس لو ترجع والدتي جانت طالبه جامعيه تكول بدون ما نكلهم بس يشوفون بنيه واكفه ينطوها الستول و خل نكون واقعيين ولد و بنات هسه مو مثل قبل جانوا محترمين و الي يقدم للبنيه تكله شكرا أو حتى ما تكول، احنه ما عدنه هيج انغسلت عقولنه بالمنافسة و وهم إثبات الذات
وانا شخصيا اذا شفت بنيه واكفه باي مكان مو شرط الجامعه انيطها الكرسي لكن هيج أمور تخليني اعيد التفكير و اكو هل يستحق اسوي هيج ممكن هيج مواقف تواجهن أو كلام الي يجي مثل اختهن و ادور ارتباط و غيرها
هو بالاخير راح يرجع لاخلاق الشخص نفسه و الولد سواء انطه الكرسي اولا فهذه و حقه مو من حق اي بنيه تصوره أو تحجي و البنات و من تجي بنيه تعلق تمول موضوع ماله غرض بالجنس يكولون الها تحصلين رجل و ذكوريه و من هذه الظراط مع انو هو المنطقي
اتمنى محد يفهم كلامي غلط خصوصا من البنات الكم كامل الاحترام و التقدير و كلكم خواتي و جاي اطرح مشكله اجتماعيه ولازم يتم توعيه بهيج مواضيع لأن الستول صار امتياز جنسي مو حق شخص اجه قبله اتمنى تخفون هيج سوالف لأن دائما تسبب ردة فعل عكسية و هي مالها داعي من الأساس و تافهة
و شكرا على القرأة🌹
من أكثر الأشياء المحزنه بالنسبه الي هي كيفيه تصوير الراهبه و إظهارها بمظاهر سيئة و قبيحه سواء بالالعاب أو بالسينما و للاسف اغلب عقولنه مغسولة و انا جنت واحد منهم جان عندي صديقي مسيحي الله يذكره بالخير مره رحت وياه لكنسية مريم العذراء بالعشار و لكيت راهبه انرعبت بسبب الفكرة الي جنت ماخذها عنهم و هي درة مال الله فكلما أتردد علكنسيه بعض الأحيان الكاها و هي كبيرة بالعمر تحس بالأمان و مو دائما موجودين لأن ماكو أديرة بالكنيسة + (الي أكثر من 6 سنوات ما رايح للكنسيه ما بيه حيل)
بالأعمال راح يتم تصوير الراهبة كشخصيه مرعبه و شريرة مثل افلام the nun و the devil وطريقة تصويرهم الها بطريقة سيئة
و اسوء شيئ استغلال الزي لأغراض المحتوى الجن*سي و الي يعتبر مهين بحقهم و مستوى درجة الدنائة استعمال زي ديني كغرض مغري و الي مدري شيحسون الي يشوفون هيج أو شيحسون الي يشوفون محتوى أبا*حي ككل
على مر التاريخ ما شفت أو قريت شيئ جيد بحقهم يا اما يظهرون بطريقة سيئة و متشددة أو يسيئون الهم و خصوصا الصفحه الثانيه من العالم أوروبا و أمريكا و الي ما اعرف عن نفسي ما جاي اشوف اي تحرك لردع هذه الأمور اي تلكه معارضة بس بشكل قليل جدا و مستغرب لازم وجود مانع لتصوير الراهبه بهل أمور نفس المسلمين بغض النظر عن فكرة صح او لا بس يدافعون عن بعض من جميع البلدان و هذه شي ما شفته عند المسيح صراحتا(اكرر هذه الي جاي اشوفه عن نفسي ولا تفهمون غلط اخوانه المسيح اموت عليكم كلكم)
و عفوا على الإطالة🌹
لفتني هذه البوست و مثل ما تلاحظون خطابات كراهية و تحريض باول صورتين صاحب البوست و أحد المعلقين يتمنون الموت للأشخاص الي يشاركون بالمشايه و يحملون خطابات كراهيه و عنصرية اسوء من 11 نفسهم أو ما يفرقون عنهم بشي
فالمشكلة الحقيقيه مو بعدد الزوار المشكله بفساد الإدارة و ضعف القانون وماكو اي دليل انو مشكله الفساد بالعراق سواء بالمحاصصة أو سوء الإدارة سببها ملايين الزائرين انو هم السبب الرئيسي بتدهور وضع العراق و من حق اي شخص ينتقد ألافعال الفردية الي تصير مو تحريض على قتل الناس بسبب معتقدهم و ربط العمامة بالفساد لا يدل الا على جهل صاحب المنشور و انو شلون مغسول مخه بفكرة العمامة و الدين بدل ما ينظر له انو الي يسوونه تحت غطاء الدين ولا يمثل الدين بصلة و كلامه هنا دليل على مستوى تفكير الدنيئ و شلون يحمل كراهية و خطاب اقصائي و عنصري و كاتب بعد (يظل نسبة قليلة و نتكاثر بيهم و تموت عقليات الحسين و الاربعينة و يتحسن وضع العراق) ولا يكعد صاحب الدم الملكي صاحب التفكير العقلاني اذا يبقون بس الي نفس تفكيرك سلملي علعراق و حتى من تشوفون الصور الثالث و الرابعه و الخامسه نلاحظ هذول هم ملحدين و يحجون على تفكير صاحب البوست فهو كله على بعضه غلط حتى الملحدين ما موافقينك و يكولون عنك ارهابي 🤣 هم عندك بوستات تحتاج وقفه بس بشكل عام سبريدت هذاك انترس جهال و ميمز و ترول و بدل لا يناقش يسوي مميز
عندك اراء تطرحها حول الدين من حقك أو الي يرتدون عمامه هم حقك بس التمني للتخلص من فئة كبيرة و هي الغالبية بالمجتمع بسبب لبسهم أو لممارسة شعائرهم هي عقلية ارهابيه و ما تختلف عن 11 و هنا نشرها بسبريدت ملحدين و المفروض انت كملحد تؤمن بحرية التعبير المفروض بدون تجاوز أو تحريض ما تكول هيج و اشوفه تناقض بيك (نص ملحدين ريدت كلاوات و مزعطه) و مجرد نقص تحس لأن ناس يمارسون شعائرهم و شلون ناس تنظر الهم بنظرة جيده
صاحب التعليق الآخر عندي عليه ملاحظات من زمان ما اعرف شلون ما مبند لحد الان اقذر انسان شفته بريدت حاليا نقص جهل كره طائفيه فتنه و تفكير زاني بشكل عام يعني فاذا تشوف البوست مالتي هذه كلام موجه الك
و هذه يدل على فساد الاخلاق بمجتمعنه فمهما كنت ملحد مسلم مسيحي يهودي اذا انزاحت الاخلاق من عندك فأكيد ما راح تستحي تنزل هيج بوستات و تحرض على كراهية هو و ابو تعليق (اعتقد راح اسوي بوست وقفه عن أخلاق مجتمعنه لأن خره)
و بالاخير انت تشوفه شخصنه من عندي أتفهم لأن تمنى الموت لاهلي لاصدقائي لاقاربي و حتى ما استحى من أهله ممكن يشاركون بهل مناسبات هو نزل بوست كراهيه وشخصنه تريد ما اشخصن
و من الله الهداية و التوفيق للجميع🌹
بالنسبه الي ممتاز كشخص مأجل مادتين يعني بين العربي و التاريخ ثلاث ايام ممتاز و العربي رايد نجاح و تاريخ أشد حيلي بيه احاول فوك 70 اجيب (اذا زادلي وقت أكثر احاول أقره قواعد العربي)
و بالتوفيق للجميع 🌹
هذه اختصار لفيديو احمد الجديد اتفق ويه جشع نينتيندو و سوالف الخايسه بعد هو كونسل شتتوقع منه غير صرف فلوس و الي ضوجني و عرفته يهبد من حجه عن دونكي كونك بنانزا كلك ما يعرف اللعبه خطيه لو شبه عالم مفتوح و هذه مو عيب و مترويد برايم 4 اتفق وياه انو اللعبه مو واو بس لكن بنفس الوقت مو عاديه أو سئية و أو انتقد ماريو كارت و يحجي عن مشكلته ويه عدد اللاعبين مع انو مو عيب أو يجمع اغراض لأن هو أساس العاب الكارتتنك هيج تجميع و سباقات هو ما يعرف شلون يمدح و يذم مره يكول حلوة و مره يكول خايسه لكن اخيرا بعد سنة نزل فيديو و لو شفت رأيه زاني هنا
ما يفرق عن الي يعبد ايران و باقي الدول حرفيا و شفت شخص طلع حجه على منشوراته تنمر عليه غير تضحك ردوده و ما اعتقد من جهاز مكافحة الإرهاب تلفي هيج شكولات اذا ما تتخذ اتجاهم اجرائات صارمة
هسه جاي اشوف أيبك عدهم تخفيضات و عروض حلوة خصوصا بالصيف شيئ مغري بس ما مقتنع مدري لأن عقلي مبرمج على ستيم
قبل كم يوم صارت عركة غبية بين جنسين(كالعادة) و سالفة الجديدة الزواج من العراق طلعت فئة من بنات ينتقدون الزواج من رجل عراقي علساس خطر على المجتمع و الرجل العراقي مليان مشاكل نفسيه و امراض و تحفيز التعليقات اله بكل مكان سواء تيك أو انستا أو حتى ريدت يعني هي جانت عندها تجربة سابقة فعممت تجربتها على 23 مليون ذكر و كالت عنهم هذه الكلام ما عندي مشكلة شخص يطرح تجربته و يسولف عنها بس مو يعممها كأنها القانون العام انو خلص العراقي بيه امراض و مشاكل و الخ مع انو هي نفسها ارتبط بأمريكي و انفصلت فلو نشوف من هاي ناحية المشكلة الحقيقية منها من وجهة نظري لأن هاي ثالث تجربه عاطفيه الها و فشلت بيها فنعم ممكن هي عدها مشاكل من هاي ناحيه و لهل سبب اشوف طرحها غلط و كونها ما بنت علاقة مستقرة مع شريك و تجي تحجي عن الارتباط أو الزواج و تعزيز البنات الها فقط لأن عندهم عقدة أثبات الذات لدرجة انو راح نشوف عدد مز قليل يعززون بكلامها علساس طالعين منها و هذه راح يكون ردة فعل من جنس الآخر لأن ما راح يقبل على نفسه هيج كلام و اكيد راح يبني جيل مشتت عاطفيا غير واثق بشريكه و دائما راح يصير بينهم صراع و راح نصير أغلبنه ما نعرف نتعامل مع الجنس الآخر و ننظر الهم بنفس النظرة و العكس صحيح و راح تجي بنيه تكول الزين ما راح يضوج اريد افتهم منين جايبه هذه الحجي اكيد راح يضوج لأن كلام راح يمسه كونها عممت و غير مبرر و ها اشوفها طريقة تبرير فاشلة حتى حتى تخلي مقابيلها ما يرد و يطلع كلامها خطاء
*ملاحظة: شفت ردود الاولاد عليها و طبعا ما عجبتني طريقة ردهم بسبب تجاوزهم الواضح و الصريح و بنفس الوقت هي فتحت النار على نفسها و ما خلت مبرر لموقفها + أنا ما انكر وجود حالات ظلم بالمجتمع و اي رجل شريف و غيور مستحيل راح يقبل بهيج حالات و انا ايضا أومن انو هاي حالات تمثل نسبه قليلة لكن بسبب التضخيم الإعلامي تصير قضية رأي عام و تعميم
بالنهاية احنه أبناء معايير السوشل ميديا و انكتب على جيلنا الفشل من الآن سواء من أفكاره أو طريقة حياته ما اتوقع مستقبل مشرق النا
كلامي مو إساءة إنما طرح لفكرة عندي من زمان و هذه الضجة حفزتني حتى اكتب عنها و انشرها
و من الله التوفيق🌹