u/SlowExplorer6872

موضوع study partner ده ممكن يفيد؟
يعني ممكن يشجعني فعلا و كده و اللا حد جربه و كسل بردو؟

في موقع نتيجته كانت INFP-T
و الموقع التاني اللي هو hitostat نتيجته ENFJ
لو حد يعرفهم يقولي مين ادق
بس من وصفهم للشخصيات بعد الاختبار حاسة ENFJ ادق بالنسبالي

بقالي كام يوم بحاول اقنع نفسي ان قيمتي مش بتتحدد باللي بقدمه للي حواليا و مدى افادتي ليهم
هل ده صح؟
هل فعلا مش لازم ابقى دايما في وضع اني لازم اتصرف حالا في اي مشكلة بتحصل؟
و اللا ده رد فعل طبيعي لأي إنسان شاف مشكلة و لو اقنعت نفسي بالعكس هبقى بريح دماغي و خلاص
و لو مش قيمة الإنسان في مساعدته و تصرفه الدائم يبقى بحددها ازاي؟
يعني دلوقتي كطالبة مفيش ورايا غير اهلي و الدراسة لو انا حاسة اني مقصرة في الاتنين في يوم يبقى ايه؟ هل كده ابقى مليش قيمة او وجود مؤثر؟
حاسة ان ده بدأ يأثر عليا و بقيت دايما متوترة و مرهقة
احيانا بتوتر من غير ما يحصل حاجة و دايما حاسة كإني بهرب من حاجة و جسمي كله بقى اكزيما و شعري وقع و مصدعة طول الوقت و كل ما اروح لدكتور يقولي خففي توتر بس انا مش عارفة اعمل حاجة

واحدة صاحبتي نعرف بعض من زمان اوي و بحبها جدا بجد و قريبة مني
بس من فترة بدأت آخد بالي اني دايما بيني و بين نفسي بقارن نفسي بيها
طول الوقت بقارن نفسي بيها في الدراسة و في اللبس حتى في الدين
بحاول اوقف و مش عارفة و احيانا بحس بغضب كبير و انها دايما احسن مني بس طول الوقت بتشتكي
و اوقات بحس انها بتعاملني بطريقة غريبة بتحسسني اني ممكن اكون عملت حاجة قدامها بالغلط عرفت منها اني بقارن نفسي بيها و بحس بالذنب
يعني كذا مرة لما افضفضلها على حاجة تلومني اوي و بزعيق كده
لوم مش انها تعرفني اني غلطت في حاجة
و اوقات بعمل حاجات هي بتقلل منها
يعني مرة مثلا قلتلها اني ذاكرت اربع ساعات قبل ما انزل الدرس عشان بس احضر للحصة بما اننا في تالتة ثانوي فبنحاول نشد شوية فبصتلي باستغراب و تقولي انت هبطتي من اربع ساعات؟! دول ميعملوش حاجة
انا وقتها ظروفي في البيت مكانتش احسن حاجة و هي عارفة اني مكنتش عارفة اذاكر اصلا من اللي بيحصل ليه تكلمني كده
زعلت و سكتت
بس بردو مبطلتش اقارن و كل مرة بحاول اقول لنفسي ان كل واحد له مشاكله و حياته برجع لنفس النقطة و اقارن تاني

انا ثانوية عامة
و بما ان الامتحانات قربت انا بدأت افكر في يوم النتيجة هعمل ايه
انا حتى امتحانات الدروس سواء اونلاين او لا مش بقولهم على النتايج ولا هما بيسألوا عليها فحاسة يوم النتيجة ده هيبقى موقف awkward اوي
يعني مثلا الموبايل في ايدي و النتيجة ظهرت مش هقول علطول انا هبص انا عليها و اتمعن فيها كده و اشوف درجاتي و بجد انا بكره المواجهة معاهم في البيت اوي فمش عارفة المفروض اقولها ازاي انا مُحرجة من دلوقتي.