فيضان تشرين
يوم 1 اكتوبر راح يكون موعدنا ان شاء الله ، كافي الخريج نايم بالعمالة ، ماكو شي اسمه فائض ، لمن تفوت للمستشفى تلگى كم طبيب عاوين و عليهم كتل للحمزة و إحتمال تموت و ما واصلك الدور تدخل للطبيب ، تفوت لغرفة التحليلات تلگى محللين اثنين بس يسحبون دم ل20 او 30 شخص ، تجي تسوي عملية يگلك المعاون الطبي مجاز و منگدر نسويلك عملية ، دكتور التخدير منقول و ما عدنا غيره ، تنجبر تروح للأهلي تدفع كومة فلوس ، وين الفائض؟ عادي اخذ مني نص الي ياخذه المستشفى الاهلي ما اگلك لا بس عين الخريجين الي لو تعينهم كلهم و وياهم بگدهم ما تكفي احتياج العراق ، انطيني خدمة مناسبة والله ادفعلك و اني الممنون ، اني من منطقة قبل 4 سنين يلا دخلت حدود بلدية الرمادي و صرنا إدارياً حضر مع ذلك الناس تعتبرنا ريف و احنا يفصلنا عن المدينة النهر بس ، مناطقنا بيها مدارس متهالكة ، ليش المهندسين ما يتعينون و يبنون مدارس ؟ المدارس هاي و هية متهالكة و آيلة للسقوط فوگ روس الطلاب ما بيها مدرسين يعني عبارة عن محاضرين يجون من المدينة يتعلمون بروس الطلاب بحجة (هذول ريف ثالث و يبطل) الي هي حجة باطلة و لمن يصير شوي زين يننقل لغير مدرسة و يفتح خصوصي و يصيرله اسم و يجيبون واحد غير اسلوب و غير نظام ع الطلاب المساكين الي يا دوب تكيفو وي المحاضر الاول ، الفائض وين؟؟؟