الترشح حيبدأ بعد ٤ أيام ، وشهرين على الاقتراع

أعطونا رأيكم على الموضوع بشكل عام ، هل فيه احد ببالكم ؟

View Poll

السلام عليكم ، أنا طالبة في الثانوي وابغا اعرف هل من الممكن أني آخذ internship as a high school student?

( تحت بالعربي )
I have some experience with programming, AI, and a few other technical areas. I’ve worked on small projects before, and I’m really interested in learning more through real world experience.

an internship would be very beneficial for me to improve my skills and learn from people with more experience and more importantly understand how real teams work on actual projects and get a better idea of what working in tech is actually like

it would also help me with my personal projects and hopefully my future projects that may require having a team .

and it gonna be good for my college application as well

so does anyone know how I should approach startups or small companies? Should I email them, message people on LinkedIn, or build more projects first and post them on social media to get eyes ( cuz I don’t really post about any of the stuff I’m working on )

العربي ( في حالة احد تنرفز احد إني كتبت بالإنجليزي ) :

السلام عليكم،

أنا طالبة في الثانوي، وحابة أعرف هل ممكن آخذ تدريب أو internship وأنا لسه في المدرسة؟

عندي خبرة بسيطة إلى متوسطة في البرمجة والذكاء الاصطناعي وبعض المجالات التقنية الثانية، واشتغلت قبل على مشاريع صغيرة. أنا مهتمة جدًا إني أتعلم أكثر من خلال تجربة واقعية، مو بس من الكورسات أو المشاريع الشخصية.

أحس التدريب بيكون مفيد جدًا لي، لأنه بيساعدني أطور مهاراتي، وأتعلم من ناس عندهم خبرة أكثر مني، والأهم إني أفهم كيف الفرق الحقيقية تشتغل على مشاريع فعلية. كمان بيعطيني فكرة أوضح عن طبيعة الشغل في مجال التقنية وكيف يكون العمل داخل شركة أو ستارت أب.

غير كذا، أعتقد إن التجربة بتفيدني في مشاريعي الشخصية، ويمكن حتى في مشاريعي المستقبلية اللي ممكن تحتاج فريق أو تعاون مع ناس ثانيين. وبرضو بتكون إضافة كويسة للتقديم على الجامعة.

فسؤالي هو: هل أحد يعرف كيف أقدر أوصل للشركات الصغيرة أو الستارت أبز؟ هل الأفضل أرسل لهم إيميلات؟ أو أتواصل مع ناس في لينكدإن؟ أو أركز أول على بناء مشاريع أكثر وأنشرها في السوشال ميديا عشان الناس تشوف شغلي؟ لأني بصراحة ما أنشر كثير عن الأشياء اللي أشتغل عليها.

أي نصيحة أو تجربة سابقة بتكون مفيدة جدًا، وشكرًا مقدمًا.

اي نصيحة بكون شاكرة لها جدا

كيف أذاكر قدرات ؟

اهلا جميعا ، إذا انت ضايع ومو عارف كيف تذاكر قدرات او تدور مصادر ذا البوست شامل فيه كل شيء ، هذا محتوى البوست :

1. وش هو القدرات؟
2. متى تختبره؟
3. متى تبدأ مذاكرة؟
4. خطة المذاكرة: تأسيس → تدريب → مراجعة → ما قبل الاختبار
5. مصادر التأسيس
6. مصادر التدريب
7. كيف تذاكر يوميًا؟
8. أخطاء شائعة
9. أسئلة شائعة

ملاحظة عن الروابط:

بعض روابط المصادر ممكن Reddit يرفضها، لذلك ما حطيت روابط مباشرة داخل البوست. ابحثوا باسم المصدر في يوتيوب أو تيليجرام، وبحاول أحط روابط المصادر في تعليق منفصل إذا سمح Reddit.

اولاً وش هو القدرات ؟

اختبار القدرات هو اختبار يقيس مهارات الطالب في التفكير والتحليل والاستدلال.

ينقسم إلى قسمين: لفظي ( عربي ) وكمي ( رياضيات )، ويهدف إلى قياس قدرة الطالب على فهم النصوص، حل المشكلات، والاستنتاج المنطقي ، ويعتبر من أهم متطلبات القبول للجامعات .

متى تقدر تختبره؟

الاختبار يفتح لك يوم تصير ثانوي ثانوي وتقدر تختبره بعدها (يمديك تختبره اول ما مدرستك يحطونك بنظام نور انك ثاني ثانوي)

لك خمس محاولات سنويًا

الورقي مرة فقط سنويا والاختبار موحد بوقت واحد للكل والنتيجة عادة تطلع بعد 3 إلى 4 أسابيع من موعد اختبارك

بينما المحوسب تقدر تختبره باي وقت في السنة وتطلع نتيجته بعد يومين إلى أسبوع من موعد اختبارك

وبين كل اختبار واختبار شهر وتقدر تأخذ كل محاولاتك محوسب لو تبغا

متى افضل وقت أذاكر له ؟

يفضل تبدّا تذاكر القدرات باجازة اولى ثانوي وتختبره بثاني ثانوي الترم الأول وتقفل عليه قبل ثالث ثانوي لان بتكون متقروش باشياء كثير مثل التحصيلي و التقديم للجامعات

كيف أذاكر ؟

اولاً عشان تذاكر للقدرات بيكون الموضوع على 4 مراحل :

1/ التاسيس

هذي هي اهم خطوة ، لا تسحب عليها وتروح على طول على التدريب قبل ما تتأسس

التأسيس يعني أنك تبني الأساسيات اللي تحتاجها عشان تعرف تحل أسئلة القدرات في جميع مواضيعها

ليس تحتاج تاسيس؟ لان التدريب بدون ما يكون عندك أساس في موضوع السوال بيكون عشوائي وإذا حليت سوال خطا بموضوع معين وشفت الحل احتمال انك تغلط بنفس موضوع السوال اكثر من لو انك كنت متأسس

طيب نجي للمهم كيف اتأسس ، ووش المصادر :

اولاً واهم شيء ، اختار مصدر واحد ، لا تتشتت بين عشر مصادر

اختار مصدر واحد ترتاح معاه وامشي معاه لان التشتت بين عدة مصادر ما بيسوي شي إلا انه يضيعك زيادة

بعد ما تعرف وش يعني تاسيس ، تحتاج تختار مصدر تمشيء عليه .

( بسوي بوست بيكون فيه مقارنة وشرح الفرق بين المصادر وبعدل على البوست ذا يوم اسوي البوست )

اولا : مصادر تاسيس الكمي :

المصدر الأكثر شهرة و هو كتاب المعاصر وله عدة شروحات:

⁃ شرح عماد الجزيري ( صاحب الكتاب - مجاني ومدفوع ) :

ينقسم لقسمين :

1- المدفوع : دورة التاسيس حقته في موقعه تقدر عبارة 47 فيديو

2- المجانية :

القديمة ( 25 فيديو )
الجديدة ( 8 فيديوهات )

⁃ شرح أينشتاين ( مجاني ) :

تلقى شروحاته بقناته بتيلجرام و موجودة ايضاً على يوتيوب (57 فيديو )

وملخص التاسيس 9 فيديوهات

كويس لو مستواك ضعيف في الرياضيات او من الصفر

يشرح كل شيء بالتفصيل ويمشي معك خطوة خطوة لين تفهم الأساس

⁃ شرح محمد المرشد ( مجاني ) :

شروحاته موجود على يوتيوب ، عنده عدة سلاسل :

شرح المعاصر 10 لكن ما كمل شرحه لنهاية الكتاب

وشرح المعاصر 9 عبارة عن 47 فيديو

ومختصر الأساسيات 20 فيديو قصير

تاسيس المنصف ( مجاني ومدفوع ) :

المدفوع 36 فيديو في موقعه

والمجانية 17 فيديو تعتبر مختصرة وتلقاه في قنوات التيليجرام ( ما أعرف إذا هو محللها ولا لا فما راح أحط اي رابط )

كيف تختار المصدر ؟

شوف شرح لكل مصدر واختبار عليه اختبار واللي يناسبك اكثر اختاره

كيف تذاكر ؟

1- شوف الشرح وبعد ما تفهم اشرح لنفسك

2- فك الملف وأفتح الاسئلة وحاول تحله بنفسك

3- لو ما عرفت تحل سوال او حليته غلط ارجع افتح شرح السوال

4- خل دفتر بجنبك واكتب فيها الأشياء اللي ما تبي تنساها او اخطائك اللي تسويها او شيء صعب

5- تروح للمحاضرة اللي بعدها وقبل ما تنتقل للمحاضرة اللي بعدها راجع المحاضرات اللي قبلها وشيك على دفترك

اللفظي :

البعض يشوف تاسيس اللفظي مو مرة مهم لكن لو تبي تتأسس عندك تقريبا 10 فيديوهات مجانية على يوتيوب من ايهاب عبد العظيم

اخطاء تجنبها ( للتأسيس والتدريب ) :

• ما تراجع الشروحات
• ما تراجع اخطائك
• ما تفهم وتحفظ القوانين

2 /التدريب

فيه مصدرين للتدريب ( مدفوعة ) :

•المنصف ( مدفوع )

حاليا وصل 121 بنك ( في وقت كتابة البوست بحدث الرقم لو تغير ) كل بنك 48 سوال وتكون منوعة في درجة الصعوبة ، مقطع الشرح اغلبها تكون ساعة

اول ما تجي تتدرب تروح للملفات وإذا ما عرفت للسوال ترجع للمقطع

البنوك اللي فيها نجمة متكررة بالفترة الأخيرة والأفضل تمشيء معها

•المفكر ( مجانيّة جزئيا ) :

نفس الكلام لكن مستوى صعوبة البنوك اسهل من المنصف ( البعض يقول نفس صعوبة الاختبار )

و عندهم ميزة إضافية اللي هي ملف الأكثر تكرارا جدا مفيد

عندهم 50 بنك مجاني في قناتهم تيلجرام والباقي بفلوس ( اعتقد واصلين 80 بنك الحين )

وملف الأكثر تكرارا ممتاز تلقونه مجانا باليوتيوب

وش الفرق بينهم ؟

مافي فرق كبير اشترك مع اي واحد منهم

كيف طريقة المذاكرة؟

حل البنك كامل وأي سوال تواجه فيه صعوبة ( حليته غلط او ما عرفت تحله ) حطه في ملف واسمع الشرح وكل فترة ارجع راجع ذي الأخطاء

وقت التدريب لازم توصل لمرحلة انك تحل 100 سوال باليوم بدون أغلاط وطبيعي في البداية عندك أغلاط كثير لان كل ما تحل وتدرب اكثر بتصير افضل

مو لازم تخلصون البنوك بس أوصلوا لمرحلة تحلون بدون ولا غلطة خلو ذا هدفهم لان وش بتستفيد لو خلصت البنوك وأنت موفاهم او عندك نقاط ضعف في بعض المواضيع

اللفظي :

فيه مصدر واحد بس للفظي وهو الأفضل وهو ايهاب

تشترك في دورته من موقعه ( هدفك )

عنده 8 بنوك، مجموعها 83 حصة:

كل بنك منوع بين التناظر والخطأ السياقي واستيعاب المقروء واكمال الجمل والمفردات الشاذة

فيه كمان أقسام الطلاب ما اعرف عنها كثير لكن ذا اللي فهمته عن الفرق بينها وبين البنوك:

البنوك 8 وكل بنك 100 بصفحة تقريبا ومعاها مقاطع والشروحات فوق ال80 فيديو وباختصار هي الدورة الأساسية اللي يسويها مرة بالسنة

بينما الأقسام هي الاسئلة اللي وردت بالبنوك عدد صفحاتها حول ال670 صفحة و عدد الأقسام 215 قسم وكل قسم 13 سوال وبالاختيار يجيك القسم كامل ( ال 13 سوال مع بعض ) وباختصار هي اهم الأسئلة اللي بكل البنوك جمعها وسماها أقسام

على كلام ايهاب انو الأقسام تكفي وتلقونها بدورة ايهاب

كيف تذاكر؟

تشوف الشرح وتختبر نفسك بعدها ولو غلطت عيد واليوم اللي بعده راجع اللي أخذته اليوم اللي قبله

3/المراجعة

قبل اختبارك بأسبوعين راجع بنوك اللفظي حقت ايهاب بتركيز واختبر الاختبارات وراجع ملف قوانين الكمي واختبر نفسك فيهم

4/التسريبات

قبل اختبارك بفترة بسيطة ( يوم يومين ) شوفها وذي المعروفة (قنوات تيلجرام ) :

• تسريبات المنصف
• تسريبات مظلة
• تسريبات يلو
• تسريبات مصباح

باختصار وش تسوي ؟

1- تحدد مصادرك

2- تسوي لك خطة تدريب ( مهم جدا تمشيء على خطة )

3- تتأسس

4- تبدّا تدريب لفظي وكمي مع بعض

5- تراجع بعد التاسيس والتدريب

6- تشيك على التسريبات قبل اختبارك بفترة بسيطة

7- تروح وأنت نايم كويس وفاطر يوم اختبارك ( ممكن ذي من اهم الأشياء عموما )

كيف أذاكر يوميًا؟

طريقة المذاكرة تختلف حسب مرحلتك.

إذا كنت في مرحلة التأسيس:

• خذ درس واحد أو محاضرة واحدة.
• افهم الفكرة الأساسية.
• حل أسئلة على نفس الدرس.
• أي سؤال تغلط فيه أو ما تعرف تبدأه، ارجع لشرحه.
• اكتب القانون أو الفكرة أو الغلطة في دفتر الملاحظات.
• قبل الدرس اللي بعده، راجع بسرعة اللي أخذته قبل.

لا تخلي يومك كله مشاهدة شروحات. لازم يكون فيه حل، حتى لو قليل.

إذا كنت في مرحلة التدريب:

• حل بنك أو جزء من بنك.
• لا توقف عند عدد الأسئلة فقط.
• اجمع أخطاءك في ملف أو دفتر.
• اسمع شرح الأسئلة اللي غلطت فيها.
• ارجع بعد كم يوم وجرّب تحل نفس الأخطاء مرة ثانية.

الهدف في التدريب مو أنك تخلص أكبر عدد ممكن. الهدف أن أخطاءك تقل، وتعرف المواضيع اللي تتكرر فيها مشاكلك.

أفضل تقسيم يومي بسيط:

• كمي: تأسيس أو تدريب
• لفظي: تدريب مستمر

أخطاء شائعة

١. التسويف

إنك تذاكر يوم وتسحب عشرة أيام بيخليك تنسى اللي ذاكرته وترجع تعيد من البداية. القدرات يحتاج استمرارية، حتى لو وقتك قليل. المهم لا تنقطع فترات طويلة.

٢. تطوّل بزيادة في التأسيس

التأسيس مهم، لكنه مو المفروض يصير مرحلة لا تنتهي. خذ وقتك عشان تفهم الأساسيات، لكن لا تقعد شهور تشاهد شروحات بدون ما تتدرب . بعد ما تفهم الأساس، ابدأ حل وارجع للشرح حسب أخطائك.

٣. ما تراجع أخطاءك

حل الأسئلة لحاله ما يكفي.

إذا غلطت في سؤال، لازم تعرف ليش غلطت: هل المشكلة في القانون؟ في فهم السؤال؟ في الاستعجال؟ أو في الموضوع نفسه؟ مراجعة الأخطاء غالبًا هي أكثر شيء يرفع مستواك.

٤. ما يكون عندك دفتر للقوانين والملاحظات

وقت التدريب إذا نسيت قانون أو فكرة، مو منطقي كل مرة ترجع تدور في الكتاب أو المقاطع. خل عندك دفتر بسيط تكتب فيه القوانين، الملاحظات، والأخطاء اللي تتكرر عليك. الكتابة تساعدك تثبت المعلومة وتخلي المراجعة أسرع.

٥. كثرة المصادر

كثرة المصادر غالبًا ما تفيدك، خصوصًا في البداية. بالعكس، بتشتتك وتحسسك أنك تذاكر وأنت فعليًا تتنقل بين الشروحات. اختر مصدر واحد للتأسيس ومصدر واضح للتدريب وامشِ عليهم.

٦. الاعتماد على التسريبات

التسريبات ممكن تشوفها قبل الاختبار بفترة قصيرة، لكنها ما تنفع تكون خطتك الأساسية. اللي يرفع مستواك فعليًا هو التأسيس، التدريب، ومراجعة الأخطاء. لا تبني مذاكرتك كلها على شيء يجي آخر يومين.

٧. تذاكر بعد ما يخلص يومك وطاقتك

إذا تقدر، خل مذاكرتك في وقت تكون فيه صاحي ومركز. بعض الطلاب يخلون القدرات آخر شيء في اليوم بعد الجوال والمدرسة وكل شيء، وبعدها يستغربوا ليش ما يستوعبوا شي

اختر وقت يناسبك وتكون فيه طاقتك كويسة ويا حبذا يكون في بداية اليوم بعد ما تفطر

٨. تقدم الأشياء الجانبية على الأساسية

الجوال، القروبات، البحث عن مصادر، ترتيب الملفات، كلها ممكن تأخذ وقتك بدون ما تحس. لا تخليها تسبق الشيء الأساسي: أنك تذاكر وتحل وتراجع.

٩. تعتمد على قسم واحد يرفع الدرجة

لا تقول “بركز على الكمي وخلاص” أو “اللفظي بيرفعني”.

إذا أهملت قسم كامل، ممكن يخسف درجتك حتى لو كنت كويس في القسم الثاني.

١٠. تخلي أول محاولة مجرد تجربة

لا تدخل أول محاولة بعقلية “بجرب وأشوف” اعتبر كل محاولة مهمة. حتى لو ما كانت ممتازة، ادخلها وأنت مذاكر ومستعد

اسئلة شائعة :

كم مدة المذاكرة ؟

تعتمد على أشياء كثير بس يعني بين أسبوعين و 6 شهور 😁

كم ساعة أذاكر يوميًا؟

يعتمد على وقتك وموعد اختبارك، لكن الأهم من عدد الساعات هو الاستمرارية.

ساعة مركزة يوميًا مع حل ومراجعة أخطاء أفضل من 7 ساعات تسلك فيه لنفسك .

إذا عندك وقت أكثر، قسمه بين:

• تأسيس أو تدريب كمي
• تدريب لفظي
• مراجعة أخطاء

كيف أراجع أخطائي في الكمي؟

لا تكتفي تعرف الإجابة الصحيحة.

اسأل نفسك:

• هل غلطت لأني ما أعرف القانون؟
• هل فهمت السؤال غلط؟
• هل استعجلت؟
• هل الموضوع نفسه ضعيف عندي؟
• هل الفكرة تكررت علي أكثر من مرة؟

إذا تكرر خطأك في نفس الموضوع، ارجع له ودرّب عليه بدل ما تكمل حل عشوائي

هل الاختبار صعب ؟

الاختبار مو صعب ولا تحتاج انك تكون عبقري ، لكنه صعب إذا دخلته بدون تاسيس وتدريب .

الفكرة أن القدرات يعتمد على التعود على نوع الأسئلة وطريقة التفكير والسرعة. ممكن تكون فاهم الدرس، لكن تضيع في السؤال لأنك ما تعودت على صياغته أو ما تعرف تختار أقصر طريقة للحل.

إذا تأسست في الأساسيات، وتدربت على البنوك والتجميعات، وراجعت أخطاءك، بيصير الاختبار أوضح وأسهل بكثير

وش الفرق بين الورقي و المحوسب ؟ هل النماذج تختلف؟

الورقي: تختبر في يوم محدد وفترة محددة، والإجابة تكون على ورقة.

المحوسب: تختبر على كمبيوتر في مركز اختبار، و مواعيده أوسع وأمر

والنماذج تخلف

وش افضل مصدر ؟ هل مصدر X افضل من Y ؟

شوف ذا البوست عن المصادر

وش أسوي إذا قرب اختباري وما تأسست؟

لا تحاول تخلص كل شيء .

ركز على الأساسيات الأكثر تكرارًا وابدأ تدريب، وراجع أخطاءك بسرعة.

خذ مصدر مختصر بدل مصدر طويل، ولا تضيع وقتك في التنقل بين المصادر

أكثر شيء يرفع مستواي؟

مراجعة الأخطاء حل الأسئلة مهم، لكن مراجعة الخطأ هي اللي ترفع مستواك فعليًا. لا تكتفي بأنك تعرف الإجابة الصحيحة، افهم ليش غلطت وكيف ما تكرر

أذاكر كمّي ولا لفظي اول ؟

افضل شيء تتأسس كمي اول وتتدرب كمّي ولفظي مع بعض

هل أذاكر أكثر من مصدر تأسيس؟

لا.

اختر مصدر واحد وامشِ عليه. كثرة المصادر في البداية غالبًا تخليك تتشتت وتحس أنك تذاكر، لكنك فعليًا تنتقل بين الشروحات بدون تقدم واضح.

إذا ما فهمت من مصدر بعد تجربة حقيقية، غيّره. لكن لا تجمع المصادر كلها في نفس الوقت.

وش أسوي إذا بدأت مصدر وما فهمت منه؟

أولًا لا تحكم من أول مقطع.

جرّب كم درس وحل بعدها. إذا ما زلت تحس أن الشرح ما يناسبك، عادي غيّر المصدر.

المصدر الجيد هو اللي تفهم منه وتقدر تكمله، مو بالضرورة أشهر مصدر عند الناس يناسبك

ملاحظة : لو احد عنده اضافة او تعديل او سوال يذكرها بالكومنتز واعتذر ان قصرت بشيء ، لو فيه جزء خاطئ او أغلاط فأنا إنسان والإنسان خطاء

بعض الأرقام تتغير مع الوقت وححاول اعدلها بين فترة وفترة

وبالتوفيق جميعا