u/Strange_Childhood577

السلام عليكم

في شي ببالي

ديما نشوف في الكتب والناس عامة والبودكاست وغيرها يحكو على ان الانسان بطبيعته كائن اجتماعي وبطبيعته يحب يحس بالانتماء لمجموعة والخ من هذا الكلام

احيانا نحس فيه مش منطقي

انا شخصيا دائرتي تعتبرش كبيرة، كم بنت صاحبتي نكلم فيهم وتمت ومع هذا تجيني اوقات، يمكن كل 3 اسابيع تقريبا او احيانا مفيش مدة معينة بس نادرا ما تتخطى الشهر، تجي اوقات نحس نتعب منهم، ونتعب من سوشيال ميديا كلها ونضايق هلبا كل ما نشوف حد باعتلي رسالة، رغم انهم ناس كويسين وعادي مفيش شي يمكن يسببلي شعور سيء في دوة معاهم، مع هذا نحس نتعب جدا فا نصكر كل حساباتي بشكل مؤقت، احيانا لمدة يومين ثلاثة، واحيانا اسابيع (حتى توا مصكرة حساباتي:) لين نحس مزاجي يتعدل، ومرات حتى يتعدل نحس لو بنرد لحساباتي وللدوة مع الناس حنرجع لنفس الشعور السيء، فا مشعارفة لو هالشي يصير لهلبا ناس او انه انا حالتي غريبة لا اعلم

بس عموما لما نختفي عن سوشيال ننجز هلبا حاجات، نلعب نرسم والخ ونحس الحياة رجعتلي

hi , im 20 f, My entire day is wasted on my phone, and I have nowhere to go. I really live in a terrible country when it comes to entertainment of all kinds. I don't know what to do to occupy myself; all my usual hobbies that I do at home have become boring

I stopped doing everything—drawing, cooking, farming, etc.—and now I just hold my phone. I sometimes try to get back into my hobbies, but I can't. I just feel like I'm always wasting my time and my life. I hate the constant routine

I don't know what to do to feel like I've accomplished something or done something useful in my life. There are only 19 days left until university starts again and my academic performance isn't even the best.

I feel frustrated with myself

السلام عليكم

بنسأل شن هي احسن خدمة ممكن نخدمها ك بنت وتجيبلي دخل كويس ؟ حاولت ندور وكل يلي نلقا فيه فيه خدمة تسويق وماشابه وبيع من صفحات والخدمة اهيا تمشيش معاي ابدا ابدا مش من نوع يلي بيلتزم بالنشر ديما انا ولا بيكون له مزاج باش يتعامل مع هلبا اشكال ناس

حاولت ندور خدمة عالواقع بس محصلتش ومعرفتش شن نخدم، في بنت كنت نعرفها اختها حالة مشروع حلويات وما شاء الله يعني تطور الموضوع عندها هلبا وفتحت معمل، مرات نلكر في نفس الشي وفعلا عندي القدرة على اني نبدع في مجال هكي لكن كله ينصحوني ان ندير صفحة وننشر اول شي لكن لما نفكر فيها الموضوع يبي تفرغ والتزام وبياخذ من وقتي وصحتي هلبا وانا عندي قراية وفوقها عندي هوايات ثانية، فكرت لو فرضا الواحد بيفتح و يأجر محل ك تجربة؟ حسبتها لقيت اقل شي نبي راس مال 15 الف دينار لمجرد متجر صغير بالايجار، الارقام خيالية هلبا مولية، في يلي يقولولي افتحي صفحة وبيعي رسماتك، الشي هذا مش صعب عليا لهدرجة ولكن نرجع لنفس الموضوع، صفحة وتعامل مع ناس ونشر منتظم و و و ... مرات نفكر هل زعمك نخلي وحدة من صحباتي تشد لي الصفحة وانا مجرد نرسم ونصور ..؟ هي فكرة لكن وقت نفسه نوثقش في حد لهدرجة نحب كل شي يكون تحت سيطرتي في الامور هاذي

مشعارفة معش عارفة كيف بنتصرف نتمنى تفيدوني

السلام عليكم، باقي على الجامعة شهر تقريبا وتبدا ومش عارفة كيف نستغل الباقي منها، بداية عطلة كلها واني في التزامات ومرض وغيرها متفرغتش لنفسي فعليا كل ما نحصل وقت فاضي لقيت روحي ننجر للتلفون بدون ما نحس، كنت نتسبل ونقول عنديش وقت فعلي خر مجرد اني اوقات فراغ شوية نشد تلفون، لكن لما شفت مدة استخدامي لقيتها حوالي 4 ساعات او اكثر باليوم، ادركت اني مدمنة للتلفون فقط

المشكلة العطلة هنايا كلها هروب ضي حتى نقول نطلع لمول او شي ملل هلبا وصرف فلوس وزحمة وخلاص، صحباتي منقدرش نطلع مع ولا وحدة، ومرات نهدرز معاهم وكلنا نفس شكاوي وخلاص، امالينا يحبوش طلوع - يطلعوش فينا - مفيش من يرفع، وهكذا شهور في الحوش وخلاص، عندي هوايات، عندي كتب جديدة مقريتهاش عندي العاب puzzle عادي نكسد عليهم تاع 1000 و 500 قطعة وعندي ادوات رسم كنت نرسم هلبا قبل سنة ونص، ونبي نزيد نقرا عن تخصصي ونتمكن فيه شوية بحكم فصل ماضي مقدرتش نقرا كويس،.. مشعارفة .. مشكلة بجديات مشعارفة كيف نبدا كل ما نفكر اني ندير حاجة فلانية خلوقي يضيقو ونولي للتلفون ياللابتوب نلعب نلعب وخلاص لكن منحسش اني درت اي انجاز حقيقي والله مشعارفة كيف نطلع من دوامة

والضي بروحه قصة يضيق خلوق وخلاص

وحتى توا رقبتي ملتهبة من العصاير مثلجة ومفاصلي تصطر تقولي عمري 60، يا شينك عطلة وخلاص.

السلام عليكم ..

في شي شاغل بالي من فترة

هل شي طبيعي ان نحس اني نبي شخص نشاركه وقتي ويومي ومشاعري ؟

السؤال هذا عام جدا.. يلي نقصده ببساطة

من فترة طويلة نسبيا وانا يجيني شعور ان نبي نحب شخص نبي نتقرب من شخص يكون من الجنس الاخر

لكن ببساطة مفيش شي يناسبني، وانا مش من النوع يلي يقبل ب اي شخص، ولا نخلي اي شخص يقرب مني ببساطة، اي شخص حشاكم نحسه رخيص او تافه او كاذب او وسخ الخ مستحيل نخليه يدوي معاي حرف زيادة قبل ما نطيره من حياتي

ونرتاح بعدها لكن يرجعلي نفس الشعور

"نبي نحس بمشاعر الحب والاماااااان الاماان مع شخص ما"

صحباتي قالولي اشغلي وقتك وشتتي مخك والخ، والله جربت واقسم بالله جربت، مخليت مدرت من حاجات ويومي اغلبه مش فاضية اصلا ونحاول نشغل نفسي

لكن ديما بعد ما نكمل انشطتي يجيني نفس شعور

نلعب مثلا العاب يخطر ببالي ان خاطري في شخص يشاركني الالعاب اهيا (عالواقع) ونلعبو مع بعض والخ

نطيب حاجة مرات مليحة نحس نتمنى نشارك حد فرحتي باللي درته بحكم ان يلي حولي يهتموش لهدرجة

نكمل كتاب نحس نبي نناقش افكاره، معنديش حولي، او حتى نجرب مع صحباتي، اوكي مش شي سيء لكن مش قادرة نشبع الشعور هذا...

وقت نفسه لما تنجاب سيرة لزواج يركبني الرعب، قبل فترة شخص تقدملي ورفضته رفض قاطع الموضوع خارج عن ارادتي نقدرش نتقبل ابدا فهمتش شن مشكلتي، وعموما نحس منقدرش نخلي اي شخص يدخل داخل دائرتي، يخي اونلاين قيودي تخف شوية لان نشوف الكلام مع الناس صار شي عادي جدا المهم في حدود طبيعية اي حاجة مش مزبوطة او فيها يمين ولا يسار منخليهاش، ومفيش فرق بينهم وبين بوتات نعتبر فيه، لكن واقع؟ والله حتى الشبح منشبحش لولا ولد ولا نقرب ولا نتحمل ان حد يقربني

واعتقد لهذا السبب محد يكلم فيا في الجامعة، نشوف فيها نعمة، الوقت نفسه بداخلي نقول لامتى حنقعد على هالحال معنديش حد عقله نفس عقلي او نظافته كشخصية زيني ؟

نشوف في صحباتي مرتبطات والخ ويلي مخطوبة وبلا بلا، وحرفيا الاولاد يلي مرتبطين بيهم من نوع يلي انا نلوح فيهم بعيد عليا حرفيا، ونشوف فيهم ينفعوش وعيوبهم مفوق عليها، مع هذا صحباتي سعداء فا منقولش في حاجة لانهم عارفين شن بنقول، مشعارفة هل لازم نولي غبية ونتنازل عن معاييري باش نولي بنفس سعادتهم انهم عندهم شخص ؟؟ مشعااااارفة، واصلا هكي ولا هكي محد يقربني ومنبيش نسترخص نفسي لاني عارفة قيمة نفسي اكثر من اي شخص ....

حبيت نفضفض عن هالشي لعل وعسى شخص منكم عنده فكرة عن حل يمكن فكرتش فيه او مجربتاش .. وبس