u/Sunstiana

احسني كل يوم هنا اسأل الناس يساعدوني 😭 المهم، اخيراّ طلعت رخصه العمل الحر بعد مساعده ناس كثير ونصايحهم، اللحين معد بقى عندي الا شيء واحد اللي هو البنوك وطريقه الدفع.

فيه ناس قللوا لي افتح بطاقه بنك تجاري وناس قالوا افتح حساب عز اعمال، وبحثت عنهم كلهم وصراحه محتاره بينهم، وش تحسون افضل؟

اذا تبون تعرفون طريقه شغلي وش، انا ما بفتح متجر، شغلي كله على السوشل ميديا اذا احد يبيني ارسم له يجي عندي ونتناقش ويدفعون لي من طريق موقعين اساميهم vgen, kofi او paypal واستقبل الدفع منهم، بس انا خفت اسويها بدون الرخصه لأن كل الطلبيات بتجيني من الخارج، يعني الحوسه ذي كلها بس عشان طريقه الدفع مخوفتني بس بما اني جبت الرخصه، بقى بس ذي الشيء، ايش افضل واسهل خيار لي؟

وممكن تقولون لي هل يحتاج اروح فروع بنوك واوقع وزي كذا ولا كل شيء من الجهاز بدون ما اروح اي مكان؟ لأن صراحه النوم عندي مدري شفيهم متعبيني اجلس شهر لين تطلع بطاقتي وما تتفعل الا اذا وقعت مدري شسالفه، ومشكورين ما تقصرون منجد الريديت ساعدوني منه ناس كثير لأن البنوك ما ساعدوني ابدا ومرمطوني يمين يسار بدون فايده

اليوم رحت البنك بعد ما فتحت حساب كنت ابيه للشغل وسألتهم اقدر استعمله لهوايتي وهي الرسم وقلت لهم ابي ابدأ ابيع واستقبل طلبات راحوا قالوا لي اروح للحكومه ومدري ايش اطلع شهادات وهكذا ولا عطوني اي نصايح او فهموني كيف اسوي ذي الاشياء، ممكن مساعده؟ واحد قال لي تو في ريديت ثاني قال اسجل في العمل الحر لكن ما فهمت وش اسوي وهل اقدر احط فيه حسابي البنكي اللي فتحته؟ اذا ايه انا ما اذكر الحساب البنكي فتحته شخصي او للعمل هل فيه طريقه اشوف كيف؟ ولا لازم افتح حساب زياده لأن اللحين فتحت حساب الاهلي بدون فايده شكلي 😭

حطوا في بالكم اني عاطله وذا بيكون هوايه اللي بتجيب لي دخل حاليا اذا شاء الله والغلب الطلبات والفلوس بتكون دولارات من خارج المملكه لكني مو فاهمه ولا شيء يعني لو بتشرحون لي بليز اشرحوا بطريقه مفهومه ومو زي البنوك، رحت لبنكين وكلهم يتكلمون معي كأني بفتح شركه كامله، وهل الشهاده ذي حقت العمل يحتاج اروح لمكان اوقع او اسوي اي شيء لأن ما ابي الحوسه ذي لأن حظي مع البنوك زباله ثاني مره اروح وكلهم مطلعين لي مشكله كل شوي!

شيء زياده انا عندي بنك ساب والاهلي، وكلها حسابات شخصيه على الاقل على اللي اذكره حساب ساب هو شخصي هل اقدر اسوي شيء في الاعدادات واخليها للشغل؟ او اذا بفتح حساب جديد خاص للعمل لازم اجيب بطاقه جديده من بنك ثالث؟ ولا كل شيء اقدر اسويه من البيت لأن ما عندي امكانيات اطلع كل شوي وصراحه تعب افتح حسابات في بنوم كل شوي لأن زي ما قلت البنك ما فهمني ولا يبون يسمعوني كلهم يقولون روحي سوي كذا وكذا ولا عطوني اي نصايح، قال لازم افتح حساب جديد لكن قال ما يحتاج بطاقه جديده وبنفس الوقت يقول لا تستعملي بطاقتك يعني ما فهمت كيف ما اطلع بطاقه؟ والله ما فهمت 😭😭😭

لو سمحتوا انا رسامه وما عندي شغل رسمي لأن ما عندي يعني شغل بأختصار، الموضوع هوايه يعني وابي ابدأ ابيعها بدون ما افتح سالفه المؤسسات لأنها متعبه وصراحه اغلب اللي يبون يشترون مني اجانب يعني اغلب الفلوس اللي بتجيني دولارات من بايبال وما الى ذلك، هل لو سويتها بدون ما اسوي الحوسه حقت المؤسسات والشركات اقدر استقبل فلوس؟ ادري هو بيكون مشبوه بس صراحه الوضع هوايه وما ابي ابدأ سوالف والحكومه والبنوك غثى انا باقتي جلست شهر لين وصلت عاد كيف الوضع مع الشغل وهي كلها هوايه

والناس يبون يشترون مني يعني عندي ناس كثيرين يقولون لو بتبدين تبيعين بنشتري منك لكن مدري كيف الوضع لو جتني فلوس كثيره على حسابي فجأة وهم يدرون ان ما عندي شغل 😔 وانا اعرف ناس عرب يسوون ذي الاشياء وما صارت لهم مشاكل بس مدري حبيت اسألكم يعني لو تعرفون وش اسوي لأن سألت البنك حسبوني بسوي شركه فقالوا روحي سوي اشياء كثيره تعبت والله، انا عندي هوايه وتساعدني بس كل اللي يبون يشترون مني من الخارج